Cafe Paradise (東寶大廈) (已結業)

今日行到落去北角覺得好肚餓，經過呢間之前聽人推介過嘅餐廳，就入去試吓佢個lunch set好唔好食。佢哋個Menu非常之有心思，一打開居然有個立體裝飾，好特別最後我揀咗一個馬蘇里拉芝士茄蓉焗雞扒意粉（ $73 ）。湯嘅味道好濃稠， 仲會咬到一啲蕃茄粒 雞扒雖然唔會話好厚，但勝在夠大塊，加上上面嘅芝士都係真材實料，每啖都食到好滑嘅雞肉同埋濃郁嘅芝士味，依然咁正。加$20就會有花茶，我揀咗一壺洋甘菊茶。可以見到個壺入面有非常多嘅洋甘菊，啲茶嘅味亦都好香濃，唯一小缺點就係啲洋甘菊會塞住個壺嘅口，有少少難倒出嚟。最後叫咗一個窩夫天堂（ $68 ）。一舊雲呢拿雪糕同埋一舊士多啤梨味雪糕，今日係底嘅香脆窩夫，兩種口感令到層次感非常豐富，賣相亦都好好睇，係今餐我最滿意嘅一道菜！

主食出色，甜品驚喜一打開drink memu,已經覺得好有童真的感覺，裡面有個小城堡彈出黎，以前多數係聖誕卡，生日卡先有咁樣既設計，估唔到一個小小餐牌裡面，有一個咁可愛既設計，令人印像好深刻。 主食方面，日式和風鰻魚拉絲pizza和風PIZZA比較少食，所以就揀左，上面充滿好多木魚，中間夾住好多芝士，所以拉絲係絕對冇問題既。中間有著唔少鰻魚加上蟹柳絲，係一個薄批，批邊十分脆，味道唔錯。一共有6件，如果兩至3人share就岩曬。 這裡既甜點之味道係意想唔到，本身諗住只係一般質素，但結果出乎意料既好。窩夫天堂窩夫唔係普通好似麵包質地既窩夫，做到外脆內軟，而你又唔覺得會膩。配有草莓味加雲呢那雪糕，十分唔錯。最驚喜係窩夫既誠意，外脆內軟又唔覺得會膩，但價錢好抵食，如果餐再升級都只係$45，難怪隔離枱都一樣齊齊升級。 朱古力心太軟心太軟一樣配上雪糕加cream$48其實真係唔貴，流心既心太軟令人食唔停口。就算之後要努力減肥都要繼續食呀。而且個size都算大，又唔會焗過龍。甜點做得唔錯。