米走雞Deluxe (已搬遷) 新店位置

很久沒有來米走雞食雞煲，今次帶著壽星女來到這裡一齊開心食雞。由於朋友不太喜歡吃芝士，所以今次點了火焰雞煲。坐低後店員會先給予醬料自行調味，然後在點餐紙上點餐！火焰麻辣雞煲是我第一次食，可以揀辣度，而我們揀選了小辣，味道剛剛好!雞煲上爐後稍為煲多一陣，店員便會在你面前點火並且炒雞，炒好後便可食用。雞煲內除了有雞件外，還有芫茜、洋蔥、芹菜。雞件大件多肉，味道香口。特級雪花肥牛(小)，小份份量都幾多，牛肉厚薄適中，油脂平均，牛肉味濃！特級韮菜餃，韮菜餡料很多，好香韮菜味，跟麻辣湯底一齊食更美味！竹笙，竹笙能夠吸味，吸收了麻辣湯的味道，爽口又惹味！稻庭烏冬，烏冬拌上麻辣雞煲湯底一齊食，味道好match！竹蔗茅根，食辣雞煲飲竹蔗茅根解辣最岩！原來麻辣雞煲都唔錯，下次再同朋友來試試！

環境4分：門口個燈柱路牌，同入面Ｄ油畫好有特色。四周圍好多卡位，搭枱都唔迫，Ｄ櫈個cushion夠厚好坐，就算full house都唔會覺得好嘈，可以畀四分。衛生4分：地方好乾淨，電子爐衛生又安全，同隔離枱有塊簾隔開，唔怕彈到隔離或者比隔離彈到，最衛生就係Ｄ豉油同打邊爐醬料每次都係由雪櫃拎出嚟，四分。服務5分：樓面顆記好有經驗，拎嘢嚟已經提及雞煲正確食法唔應該兜亂，中途成日換碟，冇得唔畀五分。味道5分：1)  個黃金芝士雞煲一上枱，開火冚蓋煮五分鐘左右，等芝士溶化之後， 就可以先食雞。驟眼所見，大部分都係雞髀肉，有成十幾嚿咁多，大大嚿都好滑好嫩，雞肉下底仲有好多好爽脆嘅洋蔥，食完雞煲都差唔多飽左。2)  食完芝士雞煲可以選擇再加普通湯或者芝士湯變打邊爐。唐生菜新鮮，煮佢幾秒就搞掂，好爽脆，真係打邊爐必備。3)  竹笙雪白爽口，又係煮幾秒就食得，啱啱好可以中和個芝士雞煲。4)  魚皮餃半份有五隻，煮到浮面就食得，索曬個煲入面D芝士精華，個鮮甜嘅魚味出好多，非常之好食。抵食5分：一個百幾蚊嘅激量芝士雞煲絕對可以食飽成三四個人，其他火鍋料又唔貴，抵食絕對可以畀五分。

曾經食過米走雞在長沙灣的分店，當時覺得很好食。今天就來到銅鑼灣分店，再食雞煲。走入餐廳，感覺裝修高級舒適。深啡色的座位，白色的餐桌，牆上還掛著數幅色彩繽粉的圖畫，畫中是香港優美的景色，增添了格調。我們點了小煲的芝士雞煲，選擇了普通份量的芝士。當店員送上雞煲時，只覺普通份量也算很多呢。耐心等待雞煲煮熱，芝士融化。香味慢慢散發出來，令人期待。店員還會幫我們留意雞煲是否可以進食，服務不錯。我們急不及待夾起雞塊，芝士黏著雞塊形成拉絲效果，陣陣熱氣升起。雞塊都是厚肉少骨的，入口充滿芝士鹹香味，雞肉濕潤嫩滑，令人一塊接一塊地食，真的很滿足。食完雞塊，煲内還有很多芝士，加入清湯之後，就可以打邊爐了。五香鮮牛肉，色澤鮮紅，份量不少。在湯底中灼至啡色，便可以食到鮮嫩的牛肉，而且還有陣陣五香味。竹笙雪白，一片片整齊地排列在碟上。煮熟後，口感爽口，吸收了芝士湯的精華，鹹香鹹香的。食了那麼多肉，當然要食多些菜。生菜青翠新鮮，稍為灼一灼，入口「嗦嗦」聲，十分爽口。我們還食了貢丸和出前一丁，都是不錯的火鍋食材。

情人節同男朋友出街食飯慶祝，一早已經協定左唔食西餐set dinner，而且凍冰冰想食火鍋。於是諗起之前食過米走雞的雞煲火鍋，一search之下先知原來開左deluxe版！Deluxe坐位較舒服闊落，menu上的野食高級啲，情人節就豪一豪！Gillardeau生蠔 ($88)先黎個蠔華的頭盤！見$88有4隻法國即開生蠔，平均$22隻，都幾抵食！呢款生蠔有咸咸的海水味，肉質爽脆。佢比左兩款醬汁，一款係茄汁，另一款係我喜歡的青檸汁，除左比左新鮮檸檬我地，淋埋青檸汁更加清新！Floris Mango;  Floris Passion  Fruit ($48)打邊爐唔少得冰凍啤酒，呢度竟然有依家好hit既手工啤！Floris啤入口較淡，好香鮮果味，比較適合女士！個人覺得熱情果味比芒果香。黃金芝士雞煲(小) ($158)個雞煲有超多芹菜、乾蔥同最重要既--芝士碎！雞件啖啖肉，每一啖都食得好芝味，因為啲芝士汁都掛曬係啲肉上。呢度個芝士汁唔似平時中式酒樓既芝士龍蝦個汁咁杰咁膩，但依然好香好滑。美國桶蠔 (148)食完生蠔都未夠喉，要食多幾隻桶蠔先滿足。桶蠔有手掌咁大隻，又好厚肉，烚完之後都無咩點縮水

米走雞絕對是一個成功的商標，既有其獨特性，令人聯想到雞，也包含著「不要錯過」的訊息，重要是易記。今次是我和胖友人第二次到米走雞。上一次是半年前為胖友人洗塵，我們都大愛雞煲。雖說雞煲熱潮相比幾年前退卻，但我對雞煲的熱情，實在非筆墨所能形容。半年前光顧米走雞後，覺得固然出色雞煲出色，而且火鍋配料也價格相宜，甚有質素。所以我們決定雞年第一雞煲重臨米走雞！米走雞有卡位，而且座位也有沙發椅背，環境舒適不限時，最適合一家大細有小朋友。另外有不少食物都有半份選擇，適合情侶或少人聚會。米走雞芝士雞煲極受歡迎，但我們還是情有獨鐘於麻辣雞煲。火焰麻辣雞煲上檯後服務員會點火即席炒雞煲，甚有睇頭。炒過後兩分鐘打開煲蓋，就像香氣炸彈，麻辣味隨即四散，香味直達中樞神經。連隔兩檯的食客也說「麻辣味好勁！」雞件多為雞脾肉，件件雞都大件，雞肉軟滑。有時吃其他雞煲，半只一定不飽，因為多為雞背、雞殼，骨比肉多。米走雞照顧食肉獸食客，即使雞煲加其他一兩樣配料，相信都飽肚。手切特級霜降和牛今次我們食好西，點了貴價的手切牛。油脂分佈平均，牛味充分發揮，而配上麻辣湯底亦保留牛味。竹笙竹笙和麻辣基本是薯仔配芝士一樣。平平無奇的竹笙，

朋友生日應承左帶佢食好野, 見佢甘鍾意食雞煲, 就帶左佢黎我最鍾意既米走雞食, 銅鑼灣分店比太子分店還要靚, Deluxe 果然係唔同d呀!! 牆上仲掛滿左好多既油畫, 每張枱都有獨立既電磁爐, 而且每個坐位都好闊落, 食都食得舒服d~~選擇應有盡有, 除基本既火鍋料, 仲有d坊間罕有既食材, 絕對滿足晒我地所有既要求~~嘩~ 二人前真係有d過份, 但朋友生日就比籍口自己食盡d佢啦!! 減肥既事永遠都係明天既事!! 黃金芝士雞煲(小)       HK$138點解鍾情呢度既雞煲, 因為只有呢度既雞煲先會全選用雞肶肉, 每件都好大件, 肉質又特別滑, 食落啖啖肉, 出面個d, 每次食都淨返d雞既下欄部位無人食的, 而且呢度既芝士雞煲絕對吸引, 芝士味極濃, 配埋洋蔥既香, 絕對係真材實料, 加也是加芝士湯底, 真係好食到無朋友呀~~手切特級霜降和牛(小)   HK$288呢度既和牛切得夠薄, 脂肪份佈平均, 肉味香濃, 肉質又夠鮮嫩, 份量又啱啱好~~ 花膠                  HK$88女人堅係想吸收多d骨膠源, 無論花膠有定無功效, 係女人眼中總係覺得有, 哈哈!! 所