NUTTEA (兆英商業大廈) (已結業)

天氣熱少少行兩步都想飲凍野預計夏天d茶飲舖又開到成行成市但暫時黎講nuttea真係無得輸粉紅莓好堅果奶蓋茶堅果奶呢回事勁野，無牛奶亦無化學奶精係標榜健康可以日日飲既奶茶，加上佢d勁豐富既果莓味加埋佢勁creamy既奶蓋係絕對物有所值，真係唔好再話偏貴，你癮起就可以去啪返杯，完全唔怕有罪惡感宇治金時堅果奶蓋茶奶蓋面有d紅豆粒粒，建議搞勻佢黎先飲咁就有齊抹茶既微澀、紅豆既淡甜同埋奶蓋既微妙咸味值得一讚係佢仲有附送埋隻木匙應該係俾你不d奶蓋或配料黎食

每次經過就想飲，提升好心情！入門口就見到呢個Top 3排行榜，皇牌伯爵朱古力堅果奶蓋茶依然係穩佔第一位，今次試吓第二位嘅蘋果脆脆楓糖堅果奶蓋茶，同埋水果系列第一位嘅粉紅莓好堅果奶蓋茶！粉紅莓好堅果奶蓋茶 $47呢款係固定冰度，甜度揀咗微糖，奶蓋加咗士多啤梨打成，所以成杯滿滿莓香，中間嗰層似沙冰質感，茶底係茉莉綠茶，特別清香。蘋果脆脆楓糖堅果奶蓋茶 $40呢杯蘋果脆脆楓糖堅果奶蓋茶係必試！揀咗少冰丶微糖，Nuttea嘅堅果奶蓋真係食極都唔會厭，蘋果脆脆增加層次，本身蘋果茶底好夠果香，無糖應該都會唔錯，下次再試～

-平時飲台式飲品都好鍾意加奶蓋呢間啲奶蓋真係無得輸又夠creamy又夠滑連埋飲品一齊飲又甜又鹹豐富味蕾粉紅莓好堅果奶蓋茶，士多啤梨控一定要試酸酸甜甜，好清新❤️

差唔多成年前，試過中環主打以堅果奶為賣點嘅「NutTea」，當時小弟就試咗最人氣嘅「伯爵朱古力堅果奶蓋茶」，而買俾老婆試嘅喺「牛油果堅果奶」，兩者感覺都唔錯。今回食完晏經過開，貪口爽又買咗杯返公司嘆。小店環境唔多講，因為上次都有寫，總之裝潢無變，仍帶種小清新嘅感覺，最搶眼都喺一筒筒嘅原粒堅果。例牌，都照掃描張價目表俾大家做參考，睇番啲價錢，都喺比往年調高$1而已，算喺濕濕醉啦。牆上貼出咗一個人氣排行榜，「伯爵朱古力堅果奶蓋茶」依然喺第一位，上次嚟話期間限定，睇嚟都已經變成恆常出品。第二位喺「粉紅莓好堅果奶蓋茶」，呢個有興趣試喎，因為近日天氣熱番，睇佢張推薦介紹單張，睇嚟好爽咁，再者，標示為季節限定，真喺唔知之後仲有無。順帶一提，佢哋有張溫馨指引，教大家點樣用個小剷仔享用堅果奶蓋，當然，想點飲大家都可以隨心，不過，我就有跟喇。粉紅莓好堅果奶蓋茶 $47賣相一身艷紅，拎上手又好夠份量，果然「好堅」，面頭嘅堅果奶蓋真喺打得好綿密，口感細緻幼滑，有陣陣果仁香氣。話就話喺草莓果茶再加入大量堅果奶蓋，不過，裡面似似哋沙冰多過喺果茶，因為成杯打側超過45°都唔會瀉出嚟，淨飲下層嘅果茶酸香清爽，果香自

周末好去處，由西環、上環、再落到中環，在各處的特色壁畫上打打卡，又順道看看活化了的中環街市。友人嚷着試試「NUTTEA」，好吧，反正沒試過。搭級而上，店鋪雖然不大，但裝潢骨子，加了很多綠化元素，又放了一筒筒堅果做裝修，非常切合主題。顧名思義，主打就是以堅果奶製作的茶品及奶品，還有就是堅果汁、水果茶、手沖咖啡、特選好茶……等等。當然，長途跋涉，就要試一試店家的招牌堅果奶蓋系列吧！店員更補充，他們的堅果奶都是每日新鮮研磨，營養十足。要數人氣，就是這個每日限定的「伯爵朱古力堅果奶蓋茶」（$48），賣相很有霸氣，奶蓋有十分濃厚的朱古力香味，感覺猶如吃着朱古力雪糕般，而且，萬分幼滑，裡面還藏了好些堅果仁碎，往下的伯爵茶啜一口，幽香無比，最後將兩者混和，出奇地般合拍，構成一種獨特的風味。另一杯亦選了既人氣，又推薦的「粉紅莓好堅果奶蓋茶」（$47），外觀甚有太空星體的感覺，非常有層次感，堅果奶蓋非常好味，質感稠厚綿密，並充滿堅果香氣；至於下面的士多啤梨果茶酸爽清新，而且，果香來得自然，相當出色。兩款的堅果奶蓋出品都各具特色，亦十分好喝，怪不得，在此疫境下，依然可以在各區都越來越多分店。

NUTTEA自從登陸香港後迅速發展至旺角、九龍灣、大埔、鰂魚涌、銅鑼灣等分店遍佈港九新界，多次回訪亦從未令人失望。顧名思義NUTTEA主打招牌堅果茶，除此之外更有水果茶、冷萃茶及手沖咖啡等非堅果類飲品。粉紅莓好堅果奶蓋茶 ($47) 堅果奶蓋一如既往質感稠厚綿密，由合桃、杏仁、榛子、夏威夷果仁及腰果製作而成，堅果香氣濃郁醇美，好比金莎朱古力忌廉；士多啤梨茶酸甜清爽而果香自然。香芋堅果奶 ($40) 當中真材實料混有粒粒綿密芋頭，堅果奶同樣醇香濃厚，但另一邊廂則令芋香顯得相對薄弱，顧此失彼，個人始終比較喜歡芋頭與鮮奶的配搭。

🚶🏻位置：位置較難揾，上環E1 exit 出咗後向右行直行，見到七仔同萬寧中間嗰條巷仔轉入去，行到最頂就揾到。條巷仔有啲似後巷，見圖十。環境：有落單位置同等候位置，唔洗企喺條街等，加分。因為出面係行人區嚟，見到就算有6,7個客，店鋪內都仲有位嘅。同埋店主好中意2ne1 wor AvA!!! btw 石牆影落超有feel!💡約朋友食cafe嗰陣，朋友好堅持去到中環嗰頭一定要買杯nuttea 先走😂佢屋企成日話「有錢一定要買杯nuttea，唔買係因為無錢」😂😂家姐仲話試過由觀塘返屋企，塞咗個幾鐘車之後，奶蓋仍然屹立不倒，無同茶融埋一齊，超神奇。💡註：店主話nuttea 嘅奶蓋mostly 係用五種果仁做成（喺杯嘅背後都有寫嫁原來！），就係榛子、杏仁、合桃、腰果、夏威夷果仁，完全無奶，對於唔飲得奶嘅朋友簡直係一大喜訊！但對以上其中一種果仁敏感嘅朋友仔就一定要衡量清楚風險先試啦～⚪️粉紅莓好堅果奶蓋茶（店員推薦：微糖） $47呢個係季節限定嫁，淨係近排先有～先講個奶蓋，店員會比個wood spoon 你食奶蓋，心諗有冇咁誇張用要匙羮食😦睇返條片，又真係有必要😦因為你唔手動攪勻佢，佢真係唔會同杯嘢