阿爺粥品手工涮涮鍋 (已結業)

我們一行十四人，去試粥底火鍋在我們心目中，粥底火鍋不飽的。我們預點都叫餐後，要加$30任食最終我們聽取店員提議，先叫個$268餐(當中包一盤海鮮+5款自選食品），飲料散叫粥底來到，我們試了一口，淡到沒味，有點失望海鮮到，好大只，好新鮮，正到不得了因為我有了BB，我只蟹讓了給朋友享用。最後她們的粥底成了蟹粥，說正好多我當然沒得享用我們也有點炸鮮奶，真的好味到不得了必食之選也有點長長腐卷，只是long，沒什麼特別

上個月尾朋友生日話想試下粥底火鍋，於是我上網搵下，見到e間新開冇耐就去試下。我哋一行8人連2小朋友。叫咗6個海鮮套餐(套餐係每位計)套餐本來係一百九拾幾元位，但因為假期，所以每位要加$30。我哋叫咗白粥做粥底，海鮮套餐上枱時都幾靚，有多寶魚ok、花蟹一般、蝦新鮮、鮑魚、大蚌、花甲、蜆多沙共7款，另外仲包有3款火鍋料。之後我哋再加肥牛一般，油炸鬼貴咗d，豬肉青。環境就一般，因為d冷氣滴水，埋單諗住$1500走得，點知要收每位茶介錢再加一服務費，總共要成$1800先走得。

感冒病病地仲未清好，但又想食餐好😛😛🙈🙈最後就揀咗嚟食粥底火鍋。粥底蒸氣火鍋就食過，但真係將粥當係湯底咁樣打邊爐， 今晚就第一次試啦😍😍。我諗係因為用粥底本身就已經煮得好綿，所以相比起之前食過嘅粥底蒸氣火鍋，用生米加水煮，依個粥係更滑更綿。我地叫左個$268 套餐，都好豐富， 好夠食。一大盤新鮮海鮮，仲有一啲火鍋配料。海鮮鮮味好重😍😍😍牛肉粒脂肪同肉嘅比例好好，每咬都有脂肪係口裏面溶化，巨型蟹柳仲長過對筷子😍😍墨魚滑好彈牙😋😋。一定一定要重點推介嘅係佢嘅三色油炸鬼，油炸鬼裏面釀咗墨魚滑、蝦滑，仲有唔記得咩滑😂😂🙈🙈但係外脆內彈牙嘅質感好好食😋😋👍🏼👍🏼