G Bar

营业中

休息中

G Bar係K11 Musea Basement Food Court入面其中一間餐廳，佢最大賣點係以貼地價錢食倒新鮮海鮮，因為係Food Court仲唔洗加一，所以都見有唔少人幫趁。除左多款海鮮冷/熱盤，都有沙律、意粉、焗飯、甜品、野飲同多款酒精飲品，除左酒水同出面餐廳差唔多錢之外，野食全部都平過餐廳。雖然係Food Court，但Musea啲位都坐得好舒服，除左要自己去counter落單同取餐之外，無論舒適度同衛生同喺餐廳都差唔多。落左單俾埋錢，之後等電子籌響就可以出去櫃枱取餐。精選海鮮拼盤($238) - 凍海鮮有得逐樣單點亦有得叫拼盤，其中冷盤分左三個價錢，我地揀左中間價位。海鮮盤本身跟左三款唔同醬汁，有泰式酸辣汁、茄汁同紅醋，可以按個人喜好搭配海鮮食。生蠔雖然唔算大隻，不過都幾厚肉，海水味適中。蟹腳已經預先剪開少少，不過店家都另外再有提供鐵鉗同較剪可以剪開方便食，蟹腳啖啖肉，已經完全解凍冇雪味，食倒淡淡海水味。八爪魚切得細細粒，唔會太韌。海螺好大隻，好彈牙，不過由於餐具都係即棄木製，所以唔係咁受力，要花啲功夫先可以將螺肉抆出。海蝦都幾大隻，肉質扎實彈口。大蜆冇沙，青口幾大隻。

K11 Musea 的美食廣場有新亮點，若然匆匆經過 G Bar 也許以為是高級海鮮餐廳的一部份，事實上就只這一個吧，一方售海鮮食品，另一方賣雞尾酒。想不到現在 seafood platter 亦可以輕食，價錢親民。精選海鮮拼盤 $238餐廳發辦，都算豐富，海鮮包括有新鮮大蜆3只、海螺2只、青口3只、海蝦4隻，另配3款醬汁，有辣汁、酸甜汁及醋汁。海鮮肉質有彈性，如一般西式煮法，簡單烚熟以保原味，因此，建議蘸醬汁吃豐富食味。芝士焗海鮮肉醬意粉 $88海鮮材料差不多，海蝦大蜆及青口，芝士焗自然別有風味。火龍果菠蘿沙冰 $48柚子接骨木花乳酪 $38冰涼可口的果汁，前者果香甜美，後者豐富酷香。周二晚上不擠擁，與友閒談不錯。之前無留意，原來新張期內光顧任何食品送冰冷泡茶或紅酒一杯，今晚唔啱飲，下次啦！