泰·初夏

营业中

休息中

月尾啦～又係時候食番餐好既慰勞吓自己🤗荃灣出名多美食，商場有間泰式餐廳做緊火鍋放題，任飲任食，鍾意一次過食好多嘢嘅朋友，又可以慢慢坐低同朋友傾偈慢慢食😆（Set B) 泰初夏之雞煲+牛板腱火鍋放題 $278/120分鐘 $238/90分鐘：有五款肉類選擇，三款串燒，泰式小食、甜品等，外面仲有各種肉丸、蔬菜、甜品及雪糕😆食到肚都突埋🤰🏻🫃🏻大滿足🤭🍲湯底：泰式清湯底+椰汁雞湯底必點❗️泰式清湯底非常推薦，好濃郁既泰式香料，香茅、青檸味好香，湯底酸酸甜甜，充滿泰國特色，各種火鍋料都充滿酸酸甜甜嘅夏日氣息椰汁雞湯底不過不失，淡淡椰汁配上清雞湯，湯頭鮮甜✨精選牛板腱必食❗️ 牛板腱脂肪較少，肉味濃郁，細膩緻密的口感，每一口都能感受到柔軟的肉質，口感細膩😍✨澳洲250日穀飼卡樂Beef必食❗️每片牛肉都肥瘦均勻，肉質特別柔軟，食幾多都唔會覺得油膩，牛味香氣十足，口感一流😍✨西班牙栗心豚肉片必食❗️ 豬肉肉味濃郁之餘仲有淡淡堅果香，肥瘦均勻，口感嫩滑，好高質嘅豬肉😍✨牛胸爽必食❗️牛味超級香濃，平時好少食到呢個部位😆牛胸爽係牛心臟旁邊的一塊脂肪膜，含豐富的骨膠原，又香又爽脆的口感，香而不膩，值得一試！✨酒嫩

#MC帶你去荃灣.香港食中式、台式、日式火鍋就食得多，泰式火鍋就真係少見啲，相當特別！➖➖➖➖➖➖➖➖➖➖➖➖➖➖➖✨ 泰·初夏（90或120分鐘放題）.主打不同價位的泰式火鍋放題；餐廳裝潢雅致時尚配以綠色裝飾植物，營造出清新自然嘅感覺；而且餐廳提供大量卡位座位，用餐環境寬敞舒適。➖➖➖➖➖➖➖➖➖➖➖➖➖➖🥢 Set B 泰·初夏之雞煲+牛板腱火鍋放題｜$238/$278/成人.任食🥩牛胸爽、🥩精選牛板腱、🥩澳洲250日穀飼卡樂Beef、🥩西班牙栗穀飼豬梅片、🥩酒嫩雞件，套餐內的肉類可以用QR code無限任點，方便快捷。➖➖➖➖➖➖➖➖➖➖➖➖➖➖🥢 雞煲（小辣/中辣/大辣/不辣）.雞煲亦有別於坊間，材料加入了檸檬葉/九層塔、香茅等，增添泰式風味！雞件大小適中，十分掛汁，非常入味。雞煲份量精緻，但可以任添任食！➖➖➖➖➖➖➖➖➖➖➖➖➖➖🥢 湯底.湯底人氣之選有冬蔭功、椰汁雞、泰式清湯底；鴛鴦湯底就唔洗煩啦！.🥘 冬蔭功湯底︰冬蔭功湯非常惹味，味道香濃帶酸微微少辣，開胃又惹味。可以先喝湯再打邊爐！🥘 泰式清湯底︰湯底清澈，湯底以白蘿蔔及、芫茜及香茅為主，健康清淡之選。➖➖➖➖➖➖➖

日式火鍋放題平時就食得多啦，最近興起嘅泰式火鍋放題真係第一次食，感覺勁新奇🙉除咗有任飲任點嘅食物同飲品之外，餐廳內仲有提供沙律小食、蔬菜麵食同埋甜品雪糕嘅自助bar添～泰·初夏之雞煲+牛板腱火鍋放題 120分鐘💰HK$278 (每位)火鍋湯底簡咗冬陰功湯底同埋泰式清湯底！泰式清湯底味道普通，反而冬陰功湯底有驚喜，用來烚菜味道都好夾，令到啲菜烚完之後都帶有陣陣清甜嘅椰香味🥥～小食方面，啲炸物水準正正常常，其中一定要食嘅就係泰式鳳爪同埋泰式粉絲沙律，酸酸辣辣好惹味，令人好開胃😋～熱食方面，沙嗲串燒同泰式滷豬手份量多而且味道都好正宗！反而泰式豬頸肉嘅味道就有啲黯然失色，味道比較淡同埋好油，完全唔入味～泰式雞煲好獨特，帶有香茅同埋其他泰式香料嘅香味，味道與別不同～肉類方面就叫咗精選牛板腱、牛胸爽同埋澳洲250日穀飼卡樂Beef！牛板腱係三種肉之中最好味嘅，肥瘦剛好，牛味濃郁！而牛胸爽同埋澳洲250日穀飼卡樂Beef油脂比較多，個人唔係好接受到～總括來講，餐廳環境舒適，食物種類選擇眾多！如果平時好鍾意食泰國野，又想試下充滿泰式風味嘅火鍋，不妨一試～

這間泰國餐廳位於荃灣的愉景新城，主打泰式火鍋雞煲放題，店內環境寬敞舒適，裝潢以簡約的木系為主，純白色牆身擺放不少綠色植物，感覺悠閒舒適，適合多人聚會。逢星期一至五11:30至17:30五人同行一人免費，外賣自取可享九折優惠。晚市時段分為三款級別的套餐，可選90分鐘或者120分鐘。泰初夏之雞煲+牛板腱火鍋放題 - $238/位(90分鐘) 湯底方面，五款每日新鮮熬製真材實料，奶白色的椰汁雞湯有一股清爽的酸辣滋味，並帶有濃濃的香茅香氣及順滑的椰香，毫不油膩； 泰式清湯清澈不油膩，有清爽的香料味。雞煲方面，肥美飽滿的鮮雞件嫩滑多汁，有著濃郁惹味的泰式醬汁，辣度更可選走辣。肉類方面，精選牛板腱中間有一根透明的嫩筋，脂肪少肉結實，軟嫩清爽；澳洲250日穀飼卡樂Beef油花豐富帶少許筋，紮實帶點嚼勁，相當有層次；西班牙栗心豚肉片脂肪分佈勻稱，肉味香濃肉汁香甜四溢；牛胸爽是牛胸前肋骨上的一塊細小的筋膜類肌肉，不但不油膩還十分爽口。小食方面，墨魚滑和蝦滑鮮甜爽滑，有少許爽脆的蟹籽；即叫即燒的串燒有牛肉、豬肉及雞肉，嫩滑多汁而不乾柴，淋滿惹味的沙嗲醬；豬頸肉鮮嫩又脆口。自助區方面，金黃酥脆的炸物包括雞翼