江南庭敘 (已結業)

屋企人想試新野，見到呢間餐廳係OpenRice 訂座有85折優惠，仲可以有里數儲分，所以決定試呢間位於九龍灣的一間餐廳「江南庭敘」，講起九龍灣淨係諗起MegaBox，原來呢邊甲級寫字樓都有好多新餐廳，有中菜，日本菜及法國菜 今晚我有6位大人2位小朋友一齊食飯，一入到餐廳，職員好有禮貌招待我們入座，佢地已經擺放2張BB 凳和餐具，真係好貼心💖！ 我試過喺其他餐廳問職員攞BB櫈，佢地話成間餐廳得幾張要排隊等，我聽完得啖笑😑但呢度同出面餐廳完全唔同，一早安排晒，令小朋友們坐得舒服，值得一讚。我地叫左鴛鴦湯底，分別係香茜皮蛋湯及銀杏腐竹養顏湯，兩個湯底都幾好味之後點左手打四寶丸手切肥牛鮮蝦水餃，屋企人個個好喜歡脆鯇魚腩，新鮮美國桶蠔，大大隻，好新鮮😋精選豬拼盤，有豬潤、豬脷、豬頸肉、肉眼筋🐖稻庭烏冬，份量都幾多，小朋友好鍾意食。烚吓烚吓點少得炸魚皮，魚皮新鮮炸起，好大份，又大塊。總括嚟講，我哋6個大人埋單每人2百幾蚊，仲有2小時免費泊車，大人小朋友食得開心，坐得舒服，職員服務態度好有禮貌，呢間餐廳真係可以再黎👍🏻👍🏻

天寒地凍，打邊爐是最佳聯誼活動，友人建議到九龍灣，最初還以為是德福或Mega Box，卻原來是在九龍灣地鐵站附近的高銀金融國際中心，老實說，之前我是從未聽聞過這座大樓的。這裡環境清幽雅緻，地方闊落，最重要是食物有質素，價錢合理，走遠一點也絕對值得。店門外的龍蝦在向我們招手呢這夜人多勢眾，佔了一整張大枱。另還有四人卡座，正所謂多有多吃、小有小吃。咩都係假，最緊要先搞掂個湯底，人多自然意見多，有人喜歡番茄排骨湯底、有人喜歡芫茜皮蛋、辣友嚷著要沙爹湯底、麻辣湯底，一輪擾攘過後，最終要了兩個鴛鴦鍋，一次過滿足四個願望，皆大歡喜！醬料款式非常多樣化，包括有蒜蓉、蔥花、沙爹醬、辣椒、XO醬，那就各隨喜好混出自己的風格來吧。初次到訪，點菜工作當然是交比搞手啦，是夜的陣容相當鼎盛，計有：生猛海中蝦 、精選豬拼盤（豬脷、豬腩、豬面青和豬頸肉)、沙巴龍躉、象拔蚌原條切條、稻庭烏冬、黑白海膽餃子（日本及加拿大海膽）、手切牛肉、牛肉拼盤、西洋菜餃、韮菜餃、鮮蝦雲吞、四寶丸（鯪魚肉、牛丸，豬肉及墨魚丸）、千層腐皮卷、手打墨魚滑、手打鯪魚滑、西洋菜及娃娃菜.......等。食物質素大部分也在水準之上，記憶比較深的

為於九龍灣高銀金融國際中心，最近開左間新既火鍋店。 可能因為位於商業大廈入面，晚市無咩人，唔洗等位之餘環境仲好舒適，店員服務亦都非常之好。餐廳非常潮，餐牌係用平板電腦既，不過落單就要叫店員過黎落。係我地揀緊野食既時候，店員已經拎左D醬料俾我地啦。湯底我地揀左蕃茄排骨鍋，蕃茄味好濃好好味，仲有好多料，D野食未熟果時真係忍唔住飲左碗湯。水餃: 一份有成12隻，係自家包製架，皮薄餡靚，一口一粒，非常好食。精選豬拼盤: 豬拼盤有豬面青，豬潤 ，豬脷 同豬肩肉，每樣都有D，其實都夠食架啦，D肉又新鮮而且一D都唔肥，用料都好靚，。玉子豆腐: 豆腐夠滑，但煮得耐都唔易爛，食落蛋味夠濃，唔似一般街市買到四寶丸: 四寶丸有蝦丸，墨魚丸，豬肉丸 同牛肉丸，分別放下一個有12格既碟到， 超可愛。四寶丸全部都係手打，仲要即叫即打，入口新鮮好味而且彈牙， 豬肉丸 同墨魚丸仲好爽口添。稻庭烏冬:烏冬用個杯裝住，賣相非常靚，份量都幾多，放落湯到煮一陣就食得啦，配埋蕃茄湯底食，味道簡直係一流。2個人叫左以上既野真係差唔多，雖然唔係叫左好多款，但係份量都唔少，食完之後店員仲送埋個生果拼盤俾我地，為我地今日既晚餐劃上句號

我哋兩個打邊爐怪，一諗唔到食咩，就去食打邊爐! 無他嘅，唔洗煩，烚下烚就食得啦! 不過今次真係食到好尖，去到新開嘅九龍灣高銀金融國際中心嘅江南庭敘!!打開邊爐嘅朋友仔都知道嗰湯底真係好重要，會影響啲火鍋料嘅味道!!! 識叫當然叫鴛鴦鍋啦，一次過有兩種味!! 清湯牛腩湯底好足料，有幾多牛腩，啲蘿蔔仲好甜好淋 (清湯牛腩湯底已經有蘿蔔㗎啦，唔洗自己再嗌)。另一個我哋揀咗秘製沙嗲湯，比平時嘅沙嗲湯杰身，好濃好香，又唔會太辣蓋住啲料嘅鮮味!!海中蝦嘩!!! 隻海中蝦一啲都唔中囉，海巨蝦先啱，非常爽口，食得出佢嘅鮮味，點埋自家撈嘅醬汁，正呀!!花英斑平時打邊爐都鐘意食脆肉鯇，今次豪一次，叫咗花英斑!! 嘩，真係唔同啲，一分錢一分貨!! 入口就好香魚味，又無骨喎，師傅刀法好!!手切肥牛、金錢腱、牛白肉打邊爐點可以無肥牛，呢到嘅手切肥牛好濃牛味，脂肪分佈okay平均!! 另外，嗰金錢腱比較厚，好有口感。嘩，大家有無見到角落頭好多脂肪嘅肉呀? 佢叫做牛白肉，我哋真係第一次食，入口好大陣脂肪甘香味，好特別!!精選豬拼盤一次過食四款唔同豬嘅部份，有肉眼筋 (係豬排上面一層薄薄連着肉嘅脆筋)、 豬膶、豬脷同