松記糖水店 (已結業)

銅鑼灣食完晚飯見仲早，梗係轉戰糖水舖傾下計同食過啦，於是去左松記記得細細個時深水埗松記已經好出名，成日排長隊，真係童年回憧啊咁多年，舖頭menu 都係咁上下，不過都多左好多野食揀我同朋友叫左一熱一凍芋圓雪耳津梨燉海底椰：芋圓口感不夠彈牙，雪耳及海底椰還可以，雪梨沒甜味，但整碗糖水比較淡，連糖水的甜味也欠奉這碗對於重口味的我確實不太對到胃口...不太嗜甜的人可以一試什果芋圓仙草凍：芋圓真的麻麻，什果還不錯，幾新鮮，仙草凍不錯（我朋友講：早知叫個什果仙草凍都無咁嬲）另外，舖頭送左每天人一粒糖不甩。呢個糖不甩反而不錯啊，很好食

松記真係由細食到大. 無食一排原來已經加左咁多價, 落左單發覺有糖不甩送, 每人一粒, 都幾大粒, 幾軟燸, 唔錯喎!雜果芋圓仙草凍($39)本身覺得$39都幾貴, 不過好采都幾大碗! 生果唔算太新鮮, 因為顏色幾淡, 不過都夠甜,唔知係咪浸糖水xd 芋圓地瓜圓都真係有芋頭同蕃薯味, 幾彈牙, 仙草就正常啦!渣咋芋圓($29)又係芋圓!!! 因為見呢個幾抵食, 一上枱又係覺得好大碗, 而且有成5舊芋頭, 可惜d芋頭唔靚, 唔夠粉,所以碗糖水都係比較稀. 食落無得飽滯!雖然係貴左少少, 不過份量夠大碗, 而且味道都keep到,特別係粒糖不甩真係好好食, 係銅鑼灣黎講都算係咁!

早排出左銅鑼灣同舊同學食飯，之後大家仍然意由未盡，所以就去左附近的松記食糖水。糖水的選擇好多，而且好多都加左近排人氣爆燈的芋圓及紫薯。就算熱的甜品都好多選擇。熱椰汁喳渣+芋圓的豆都幾多幾足料。呢個係超飽肚紫薯芋圓仙草凍，除左芋圓同紅豆飽肚外，個紫薯係紫薯蓉球，呢碗糖水的飽肚感，應該拍得住一碗飯！相食多少少生果的，你可以叫蜜瓜/西瓜芋圓仙草凍。料好足，不過朋友仔覺得無咩水狀的糖水，有少少dry。呢碗就係我叫的熱芋頭西米露芋圓湯圓雪糕涼粉本本係$39，想加芋圓的話可以加6蚊。本身以為只係外賣買滿$100先有糖不甩送。原來堂食都有！我們叫左200蚊糖水，所以送左2碟共6粒。暖粒粒的糯米糰加埋好香的花生碎，煙煙韌韌幾好食。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

雪糕咖啡木糠布甸.HK $39.雪糕口味揀左綠茶味，綠茶味濃，不過雪糕嘅質感並五滑，而且食有少少碎冰。木糠布甸咖啡味濃，不過布甸嘅硬度都幾實。.Summer.HK $39.Summer 其實係兩球雪糕同雜錦水果。.紫薯芋圓仙草凍.HK $34.味道一般，只係將紫薯、芋圓、仙草同紅豆放埋一齊。.糖不甩.堂食會贈送糖不甩

糖水真係香港人唔可以缺少嘅一部分吖！特別係熱天，熱辣辣嘅天，如果可以係室內吹著涼爽嘅空調，歎一碗甜甜嘅糖水，真係比神仙我都唔做吖！松記係我比較鐘意嘅糖水鋪之一，同聰嫂一樣，價廉物美，值得一來！雪糕楊枝金露，我最最鐘意嘅雪糕，＋買香甜嘅芒果，彈牙嘅小丸子，香濃到不得了吖，柚子粒又脆脆地，爽吖！！糖不甩比較少食，因為我對d糯米消化唔係幾好，不過我幾鐘意糖不甩嘅，雖然好甜又好快膩，不過糯米糰霖滑又有嚼頭，成隻都卑薑糖水煮入味，再去碌碌香噴噴嘅花生粉，好食到流口水吖，我依家發覺我手上嘅粟米好冇味吖，好像食糖不甩！幻彩明珠，麻麻地，各種水果嘅大團圓，酸酸甜甜，水果夠新鮮，透明嘅小丸子夠彈牙，不過就係覺得唔夠甜。

同朋友打完邊爐之後再去食甜品，向銅鑼灣方向行見到有間松記入去試下同長沙灣果間一唔一樣。打開餐牌，見到好似多款式過長沙灣果間。多o左石榴味棉花冰。叫o左幻彩明珠，芒果益力多棉花冰同埋糖不甩食。芒果益力多棉花冰幾大份同埋好多花生粒，幻彩明珠都係咁好味(d芒果幾甜)，同埋最欣賞佢d糖不甩，整得大大粒，好似d鹹蛋黃咁(Yummy)見到隔離檯d貴妃茶同埋腐竹雞蛋糖水好似幾正咁~不過食唔落喇~下次再試