糖水雄

营业中

休息中

平時食開佢既糖水同野飲，聽講佢既小食都出色，所以今次就黎試下。蜆肉碗仔翅：差唔多啖啖都有蜆肉，幾抵食！糖水雄狗仔粉： 食到有我最愛既蒜蓉，再淋上杞子，同平時出面買開既狗仔粉有唔同，幾特別！

夜晚想一班朋友一齊食糖水，有時都想試吓啲特色嘢🤪 嚟到佐敦，我第一時間就諗起「#糖水雄」！對於我呢個鍾意唔睇譜整嘢食嘅人，我一直好欣賞糖水雄成日會創作啲好特別嘅菜色😛 🍫我哋人多，變咗可以試唔同嘅嘢，包括上次嚟冇人陪我試嘅「朱古力燒賣」 😆 燒賣係炸過嘅，再加埋朱古力醬、砂糖，仲有勁多嘅Cream，超級邪惡😈！🍨白果腐竹沙冰 & 喳咋沙冰 亦係必點🤤 喳咋好飲，不過腐竹糖水就可以再濃少少😁🍍特色嘢方面，我哋仲叫咗「一樓一鳳腸粉」 & 「亂咁嚟燒賣」，我哋覺得兩個味都係差唔多，因為都係有XO醬、菠蘿、椰菜、火腿同蛋😹 不過我覺得可以比創意分，同埋係幾好食嘅😋另外仲叫咗薄荷朱古力西米露、XO醬煎蘿蔔糕、糖水雄狗仔粉⋯⋯朋友話西米露好食，蘿蔔糕就味夠，但唔夠蘿蔔同有啲粉🫡🫡

約朋友一齊做運動，打算之前輕食晚餐。食物: 呢間店的咸食都幾多選擇，有幾款仲好特別，越式庶蝦、薯絲蝦卷、狗仔粉。我個人最愛食薯絲蝦卷、狗仔粉，蝦卷賣相吸引，外面脆，裡面蝦肉彈牙。$20有手工小食算幾抵。狗仔粉，同之前食過的不同，冧D，很喜歡有好重蝦乾味，很有媽媽味。而朋友喜歡墨魚串燒、咖喱三寶，墨魚串覺得爽口夠味，加埋麻油無得頂。蘿蔔夠冧，豬皮入味，大大碗，對得起價錢。有啲飲品左溝又右溝，係你估唔到既組合，好似白果腐竹沙冰、喳咋沙冰、朱古力蜜瓜/西瓜冰。朋友點了正常的朱古力沙冰，貪新鮮既我點了朱古力+蜜瓜沙冰，一試無妨啫。朱古力流心蜜瓜沙冰 $38 (前)原來流心係指唧上面既蜜瓜汁，開頭以為只係得個少少蜜瓜汁，無咩特別，但飲飲下又覺好有蜜瓜味，再飲真啲，原來係有唔少蜜瓜蓉架! 有heart! 估唔到蜜瓜+朱古力夾喎! 我幾鐘意蜜瓜既fresh, 令朱古力無咁漏。 Double特濃朱古力沙冰 $42 (後)朋友話好正，好濃朱古力味，加埋粒粒朱古力有口感，特別要讚賣相，話唧了朱古力醬在杯邊好吸引。佢一面飲一面讚，但又一面話邪惡之選，做運動都減唔返喎。環境:唔算大，但坐位算寛敞，前後枱的坐位