影片
更多
2018-04-02
524 浏览
作為上海菜既狂熱粉絲，耐唔耐就要食返餐上海菜黎到油麻地九龍行試下蒲東小館。可能仲早啦，叫左個四人餐，好快就開始上菜啦！四人餐有湯、涼菜兩個、小菜兩個、粉麵飯一個、小籠包or生煎包四件同埋水晶桂花糕四件「手拍青瓜」最早到！用蒜頭、醋同少少麻油撈青瓜，有少少凍，幾清新既前菜。「特色鳳尾魚」其實唔知咩黎同埋會點整，但係見到係廚師推介就叫左。又幾好食喎佢係炸既，成條都可以食，雖然賣相一般，但炸得唔算太油，香脆，面頭有甜甜地既醬同埋芝麻，香口惹味，唔錯！重點係條魚既肉都幾厚身，唔係淨食骨，可以一試「乾煸四季豆」我無食到，見到有肉碎同埋都幾油下，朋友話無特別，未係最好食既。「川味水煮牛肉」好大份呀！入面有好多牛肉、豆芽、粉絲、香芹。份量多到食唔曬面頭有大量辣椒同辣油，但唔食得太辣既我都接受到！牛肉大塊鮮嫩、豆芽爽脆、粉絲幼身圓既，有口感、少少彈牙。至於味道，唔係我地食過最好食既水煮牛肉，因為佢係得個辣味，無麻同香，所以差咁啲～「糖醋魚塊」睇上去一碟好似好少咁，但其實食落都有成十件魚塊，仲要件件都幾大塊添！有青椒、紅椒、洋蔥同罐頭菠蘿做配料。魚塊係炸既，但食落唔脆、炸皮少少淋左，唔知係咪啲醬汁浸耐左
黎到油麻地九龍行試下蒲東小館。
可能仲早啦，叫左個四人餐，好快就開始上菜啦！
四人餐有湯、涼菜兩個、小菜兩個、粉麵飯一個、小籠包or生煎包四件同埋水晶桂花糕四件
「手拍青瓜」最早到！用蒜頭、醋同少少麻油撈青瓜，有少少凍，幾清新既前菜。
「特色鳳尾魚」其實唔知咩黎同埋會點整，但係見到係廚師推介就叫左。又幾好食喎
佢係炸既，成條都可以食，雖然賣相一般，但炸得唔算太油，香脆，面頭有甜甜地既醬同埋芝麻，香口惹味，唔錯！重點係條魚既肉都幾厚身，唔係淨食骨，可以一試
「乾煸四季豆」我無食到，見到有肉碎同埋都幾油下，朋友話無特別，未係最好食既。
「川味水煮牛肉」好大份呀！入面有好多牛肉、豆芽、粉絲、香芹。份量多到食唔曬
面頭有大量辣椒同辣油，但唔食得太辣既我都接受到！牛肉大塊鮮嫩、豆芽爽脆、粉絲幼身圓既，有口感、少少彈牙。至於味道，唔係我地食過最好食既水煮牛肉，因為佢係得個辣味，無麻同香，所以差咁啲～
「糖醋魚塊」睇上去一碟好似好少咁，但其實食落都有成十件魚塊，仲要件件都幾大塊添！有青椒、紅椒、洋蔥同罐頭菠蘿做配料。魚塊係炸既，但食落唔脆、炸皮少少淋左，唔知係咪啲醬汁浸耐左，哩到要扣啲分。魚肉厚身，未算鮮美，不過不失。醬汁酸甜適中，唔會太酸或甜味蓋過左酸味，唔錯！哩道菜朋友都話好味，可能酸酸甜甜咁開胃好難唔好食掛但可以再好啲既！
「蒲東小館炒飯」又係廚師推介，果然無介紹錯！炒飯炒得乾身，飯粒粒粒分明、但又唔會過硬同太油配料有蝦仁、毛豆、肉粒、紅蘿蔔粒，雖然配料簡單，但係味道啱啱好，每樣配料份量都唔少，幾小啖就有肉或者蝦一齊咬，好正飯份量好多嫁，四個人每人都分到兩小碗左右，認真大方！哩個炒飯我下次黎必定再食
「醃篤鮮」哩個湯就麻麻。份量依然好多，有菜、百頁、筍、鹹肉同五花腩，但湯味道過濃，太鹹飲唔落。鹹肉空口食係要飲水既，五花腩太肥，得菜食得。如果重口味既人可以試下既，話曬都係上海名菜，但淡口味既就唔洗試啦！我地成煲野好似無點食過咁，可惜。
「小籠包」熱辣辣蒸起，上到台仲冒緊煙，皮薄多汁，用筷子夾起都驚佢會穿，但係皮夠韌，夾起都無穿到，見到大量既湯汁係入面，師傳技術真係無得彈雖然冒煙但一啖放入口，湯汁温度啱啱好，唔會太熱。一咬，成個口都係湯汁，湯汁唔會油膩但亦未算十分鮮甜，肉餡相對黎講就比較細粒，但哩到既小籠包都算係我係香港食過數一數二嫁啦！（可能我食得未夠多啦！）黎到一定要試啊！
「水晶桂花糕」全餐飯最伏！本以為係煙韌既，有所期待，但落到口好似脂肪咁，少少淋帶軟韌既感覺，似想融既年糕？唔識形容，質感好怪都算啦！佢面頭啲桂花醬既物體原來唔係桂花醬黎，無甜味，好似油咁，千其唔好以身試伏
我地叫左兩杯豆漿，點知黎到有四杯，個後生待應話係送既多謝曬呀！
本身以為環境唔會好得去邊，點知裝修新淨、企理，感覺衛生情況唔差。
服務方面都唔錯，無論老啲既侍應定係年輕既，都頗有禮貌，叫左幾次加水、收碟、上甜品佢地唔會嫌煩
同埋哩到唔收加一，淨收茶位。啲茶係大麥茶幾好飲嫁！
性價比好高，食到好飽先一人$140。食物質素雖然有好有壞，整體黎講都滿意！
下次黎要試佢既心太軟、紅油抄手同埋鱔糊
特色鳳尾魚
37 浏览
0 赞好
0 留言
糖醋魚塊
33 浏览
0 赞好
0 留言
醃篤鮮
29 浏览
0 赞好
0 留言
水晶桂花糕
34 浏览
0 赞好
0 留言
张贴
