慶記 (已結業)

同男友係奧海城行完街就落左去大角咀搵野食，經過呢間上海菜，見到裝修幾“骨子”，價格親民又多選擇就入去試下～上海菜都係我幾喜歡既菜式之一😁我地叫左茶燻煎雞滷肉湯飯，紅油抄手，生煎胡椒包，玫瑰花蜜同埋一支豆漿～個茶燻煎雞一嚟到望落好似好燶，不過諗諗下應該係因為茶燻所以先咁深色😂 咬落去有淡淡嘅茶香味，好特別👍 外層非常脆但唔乾身，裡面好滑，雞皮有適當油脂但又唔會太肥膩，唔錯呀！😋滷肉飯成日都食，但係滷肉湯飯都真係比較少見😯 佢嘅滷肉肥瘦適中亦都好淋，幾好食，不過個湯底我就覺得調味稍為重左啲～紅油抄手新鮮煮起，黎到仲出緊煙😅 皮唔會煮到太淋岩岩好，皮薄餡多，我地叫左辣汁另上，而佢本身既汁係甜甜地，辣汁同平時食既紅油抄手有啲唔同，呢度偏辣偏惹味但就好似欠缺左少少蒜同辣既香味～最後壓軸出場嘅係生煎胡椒包😋😋 包底煎到非常脆但又唔會太多油👍👍 裡面勁多汁，鹹味適中，胡椒味愈食愈出，食到個人都暖粒粒😚今日突然之間凍咗好多所以我都叫咗杯玫瑰花蜜暖一暖身，蜜糖味幾出而且中和左玫瑰既苦澀味，好飲👏埋單唔駛加一好抵食👍 呢度既包咁出色，期待下次試埋生煎流心叉燒包同埋小籠包🤤🤤

慶記係一間位於大角咀比較新式嘅上海菜，除咗小籠包同埋生煎包之外，仲有好多不同配搭嘅上海拉麵/菜飯，不過我無食過佢嘅飯麵，多數食包/雲吞🤣 佢地嘅生煎包同小籠包仲有不同口味，例如我最鍾意嘅生煎胡椒包🤤 但有機會再食嘅話會再試下佢地嘅飯麵～😛•🥢 小籠包 $38佢哋嘅小籠包可以揀2粒或者4粒，所以一個人或者比較細食嘅人都可以試到～😋每一粒都好多肉汁，皮薄但唔會好易夾爛，而且調味剛剛好，唔會太鹹🤤 •🥢 生煎胡椒包 $26呢款個餡嘅胡椒味超香又多汁，個皮唔會太厚，個底煎得夠脆，食到尾嘅時候胡椒嘅辣味好濃好正🤩不過食嘅時候要小心啲，細細啖咬一個開口飲咗少少汁先，因為咬得太大力嘅話啲汁會爆到周圍係💦😆•🥢口水醉雞卷 $18/4件呢款係冷盤黎嘅，佢好似日式叉燒咁將啲雞肉連皮咁卷起扎實，然後先再煮，所以出到黎就變成圓碌碌嘅雞肉，食落啖啖肉，唔使lur骨😆 啲雞肉好嫩滑，有雞皮但都唔會好肥！雖然佢叫口水醉雞卷，但食落都係主要食到麻香味，唔算好辣，無乜酒味，不過佢真係麻得好過癮😆 鍾意麻辣嘅朋友仔一定要試下😋•🥢 淨百花雲吞湯 $58一碗有六粒超大粒嘅雲吞，而且每隻嘅皮都好薄！佢嘅餡係魷魚蝦膠再加韮黃,

「慶記」為於大角咀重建項目「利奧坊曉岸」基座商場，由港鐵奧運站行過去需時約十分鐘左右，交通十分方便！作為大角咀街坊的一分子，其實之前已經一早幫襯過佢既前身「慶麵」，今次再次光臨都係想試下餐廳在搬遷後有冇新睇頭！今日剛好是周五晚上，所以雖然只係六點幾但全場幾乎已經八成滿！小籠包 (4隻) ($38)：小籠包非常juicy之餘皮亦非常之薄，夾起後不會容易爆開。而且，豬肉餡料剛剛蒸到恰到好處，不會好像坊間其他粗製濫造之流overcook到影響晒口感！紅油抄手  ($46)：抄手非常惹味醒神，醬汁辣辣地最適合作為餐前點綴之作！紅燒豬軟骨慶麵 ($52)：豬軟骨炆到好腍，非常易入口，以$52的價錢數量可以有四條之多可算非常抵食。湯底方面非常惹味，配菜豆卜及蘿白索晒湯汁之後非常入味，真係食到停唔到口！口水雞絲冷麵  ($40)： 整體感覺偏辣，初次體驗的朋友可考慮「少辣」代替。當雞絲、青瓜絲同冷麵撈埋口水汁後，「麻」及「辣」的感覺兩者融合為一，這個crossover的idea真係夠晒innovative！整體來說，一百蚊都唔駛就有齊小食及主食，晚市重有茗茶供應添，以「性價比」來說真的非常不俗！