津津-好金の味 (已搬遷) 新店位置

陳生食重慶麵有感，借ACCOUNT一用以抒其情懷。******************************今日難得唔使返工，於是訓到好晏，醒後無乜胃口，想搵D醒胃既食物充下飢，於是諗起附近「津津」。哩間小店以重慶雲吞(即紅油抄手)及重慶涼麵為主打，只有外賣，不設堂食。一如以往，我專登避開午飯既繁忙時間，等到14:00先抵達食店。令我驚訝既係人龍猶在。上次食完隔離金仔米線的時候都想順道一試，唯當時已經非常飽，不想違背自己惜食既宗旨，愔然離去。聞說這店的雲吞細小，所以叫咗20隻($25)加涼麵($8)，同為小辣。等咗10分鐘左右，開餐囉！一如以往，為咗去除一切不確定因素，以寫出客觀的食評，我決定玩命，沒有折返住所，隨即到隔離公園仔立食, 以確保食物質素沒有被影響。烈日當空，未食我已經代入咗重慶大火爐既環境…1. 紅油抄手一打開蓋，已經聞到陣陣既香辣味道！面頭滿是辣油、少量芫茜及芝麻。雲吞比想象中大得多，但亦可整隻放入口中。皮薄得清透，非常吸引，咸料只吃得出有豬肉的味道。如果不想味道太單調建議每次加入浮於湯面上的小許芫茜及芝麻以豐富味道層次。整體而言雲吞質感非常好, 結實滑溜。唯一美中不

呢間係夫妻檔嘅小店子。男人應該係香港人，娶了重慶老婆再來開小店。野食暫得三款：涼麵、紅油抄手同重慶雲吞。雖然野食款式少，但都有不少人幫襯。我地見有人買，於是又買黎試試。先後試了紅油抄手同重慶雲吞，兩款都係賣$12。即叫即包即煮。只見一盤餡料，所以無論你叫邊款，個餡都係一樣。用很薄很滑的雲吞皮包住少許餡料。餡料有豬肉、冬菇同木耳。只需快煮一分鐘就熟了！紅油抄手同重慶雲吞在於有湯定無湯。麻辣味任君選揀。調出來的味道就像酸辣粉的一樣。我覺得雲吞好食d，可能因為有湯浸著。紅油抄手跟上海那些完全不同，這些抄手都係細細粒，皮多餡很少。我呢d鍾意食皮多過食餡嘅人就會覺得好好味。老闆服務態度很好，很有禮貌。