老掌櫃東北菜館 (富達廣場)

营业中

休息中

難得搵到一間唔使加一嘅中菜，梗係要試一試佢🤘🏻 果然係平靚正，抵食又大份，唔怪得知咁多人嚟食😆 真係唔ʙᴏᴏᴋ 位嘅話，分分鐘要排隊🥲1️⃣ 北京填鴨🦆好耐冇食片皮鴨～ 呢間有得嗌點可以唔食🤌🏻我哋嗌咗半隻，雖然唔係喺面前片鴨，但係上到枱仍然係熱辣辣，皮脆嫩油香肉汁十足😍 呢到麼麼皮薄有成20塊，完全足夠包晒20件嘅片皮鴨🥹麼麼皮超薄，一件入邊有齊鴨鴨、京蔥、青瓜同海鮮醬，食落口都咪話唔滿足😌2️⃣ 紅油抄手🥟一份有10隻嘅紅油抄手，仲要每粒都大大隻😆皮薄餡多就不在話下，配搭埋佢哋嘅辣椒油好惹味🤘🏻3️⃣ 擔擔麵🍜勁香勁香勁香，認真夠哂惹味🤩有好濃郁嘅芝麻醬同花生醬味，湯底有啲濃稠，而且份量都比較多，所以兩個人ꜱʜᴀʀᴇ應該會冇咁膩🤣4️⃣ 高力豆沙🫘會令人碌大眼嘅甜品😂一個有成個拳頭咁大✊🏻

住元朗嘅我第一次食呢間，自己一個人嚟食，淨係叫咗碟紅油炒手同孜然大蔥牛肉，其實兩樣都唔錯，份量都夠大，不過有少少美中不足。紅油抄手$48就有成9隻定10隻，其實好抵食，我一個人幾乎食唔晒！不過問題係唔夠辣，對我嚟講係幾乎唔辣😅，唔夠辣咁不如食餃子，冇咁油，更加健康，下次我會試佢哋嘅其他餃子。孜然大蔥牛肉雖然夠濃味我鍾意，但係略嫌太油，碟野稍為無咁熱嗰陣已經鯨晒油漿住個口，食到好膩，所以一定要趁熱食，最後要飲杯熱茶燒燒滯。