台北倆伴

营业中

休息中

近日又心思思想吃台灣夜市小食，今次選擇朋輩介紹既圍方 "台北倆伴"，商場連貫大圍港鐵站，好方便。入到餐廳，以木系設計為主，牆壁貼上雀鳥圖案牆紙，自然風格裝潢，讓人舒適自在。套餐選擇多樣化，紅燒牛肉麵、滷肉飯、鍋物、麻辣鴨血拌麵、夜市小食、蛋餅等等台灣地道美食。古早起司芋泥肉鬆蛋餅     $62蛋餅皮煙煙韌韌，餡料咬落軟糯，拉絲溶溶嘅芝士，配合鹹香味既肉鬆及入口綿密既芋泥，鹹甜配搭更開胃。紅燒牛肉麵拼古早滷肉飯      $58紅燒牛肉係半筋半肉，好大件而且好入味，軟淋有咬口，麵條好煙韌，湯底濃郁，散發陣陣香氣。滷肉飯份量好足，滷肉與醬汁一齊拌飯，真滋味。一份下午茶餐有麵又有飯，價錢實惠。台南擔仔米粉      $52米粉幼細，湯底清清地唔會話好濃，米粉吸入清甜既湯，搭配蛋、蝦同牛丸之外，仲加左肉燥，味道唔錯，值得一試！芋泥三色芋圓 $46三色芋圓大粒又夠煙韌，份量都好多，可以食到原材料嘅味道，仙草凍好似涼粉，口感清爽，而中間有綿滑芋泥，好出色，依碗係好吃嘅芋圓糖水！愛文芒果起司奶蓋      (+$22)上層既濃厚芝士奶蓋，口感幼滑，帶點微鹹，下層係香甜既愛文芒果，濃濃芒果味

而家雖然係夏天，但突然想食啲鍋物之類嘅嘢食。行開圍方就發現咗台灣餐廳 "台北倆伴"，呢度有台小鍋吃，啱晒我胃口，當然要入去試吓啦~餐廳睇起嚟都好開揚，裝修以簡約木系設計，環境舒適悠閑，感覺很不錯。下午茶餐都有好多選擇，套餐有紅燒牛肉麵、滷肉飯、新竹米粉、大腸麵線、麻辣鴨血拌麵、肉鬆蛋餅等，仲有台小鍋、台灣夜市小食、台式特飲等，地道嘅台灣美食。沙茶牛肉鍋          $138依個鍋真係好地道嘅台灣美食，材料包括有牛板腱、牛筋、牛肚、牛丸、福州魚丸、芋頭貢丸、蛋餃、鵪鶉蛋、米血糕、甜不辣、蜂巢豆腐、津白、冬菇和金菇，食材新鮮，牛板腱味道濃郁，粉嫩色澤，燙一燙肉香撲鼻。每樣都美味，湯底原本已經夠味有少少辣，另備有沙茶醬，可自行調配個人口味，加入沙茶醬令湯底更香濃，完全感受到台式風味。台小鍋可揀珍珠米飯/粉絲或+$10滷肉飯/玉子麵。粉絲吸入沙茶湯底很濃郁，吃完更飽肚，好滿足！紅燒牛肉麵拼古早滷肉飯        $58紅燒牛肉麵湯底濃香，用咗多個小時熬製而成，每一啖好香甜，牛肉比想像中厚，食起嚟口感十足，肉質嫩滑，牛味濃郁，麵條爽口彈牙，散發麵粉清香，好味嘅牛肉麵必食首選。滷肉飯係台式

某日行圍方嘅時候見到呢間餐廳平日都要等位 就試試佢！佢嘅下午茶都幾抵食 四五十蚊一個餐 仲包埋餐飲~-🍜紅燒牛肉麵拼古早滷肉飯 💰$58兩樣都細細碗 可以試晒兩樣😗牛肉麵有一兩舊牛肉 牛肉好軟腍滷肉飯味道濃郁 滷肉肥瘦適中-🥯大腸麵線拼淡水焢肉刈包 💰$52啲麵幾幼細 個湯幾掛汁 大腸滷得香嫩另外刈包軟綿綿 包住香茜 淡淡肉 -🍳古早起司芋泥肉鬆蛋餅 💰$62芋泥口感綿密 肉鬆鹹香 口感好豐富食落又甜又鹹😗-🦀士林夜市蟹蓋 💰$52蟹蓋炸到好脆 入面有啲蟹肉、粟米、蘿蔔絲 成個配搭都幾新奇特別~-🧀炭焙烏龍起司奶蓋 +💰$18奶蓋嘅味道奶濃郁 有淡淡嘅鹹味-🧀愛民芒果起司奶蓋 +💰$22芒果甜甜的 成杯整體都唔會過甜

呢排隔好耐都冇食過台灣菜，今次去左我想去既商場圍方，就揀選台灣餐廳 "台北倆伴"，款式都幾多，就試吓啦！餐廳環境都好開揚，簡約木系設計，雖然地方唔係好闊落，但感覺不錯。下午時段來到，餐牌內都有好多選擇，套餐有紅燒牛肉麵、滷肉飯、新竹米粉、、大腸麵線、麻辣鴨血拌麵、蛋餅等，仲有台小鍋、台灣夜市小食、台式特飲等，地道嘅台灣食品。紅燒牛肉麵拼古早滷肉飯    $58牛肉麵湯底濃香，用咗幾小時熬出，每一啖都係精華，牛肉比想像中厚，食起嚟口感十足，肉質嫩滑，牛味濃郁，麵條爽口彈牙，散發麵粉清香，配合新鮮爽甜嘅紅蘿蔔，好味嘅牛肉麵必食首選。滷肉飯係我喜歡台式料理之一，肥美嘅豬肉加上香濃嘅醬汁，特別滋味。花鵰雞卷麻辣拌麵 配 : 紫菜貢丸湯及地瓜酥    $56雞卷帶陣陣花雕酒香味，雞髀肉鮮嫩，腍滑入味，一咬即化，拌麵軟滑爽彈，煙煙韌韌，麻辣惹味，配合清甜嘅紫菜湯，貢丸爽口，以及炸得非常鬆脆嘅地瓜酥，口感香甜軟綿綿，外脆內軟，好吃的台式小食。古早烤台灣香腸    $56台式香腸味道有少少甜甜地，皮脆肉香，肥瘦均勻，咬落去肉汁豐富，肥而不膩，夾埋蒜片一齊食，係好味嘅台式小食。士林夜市蟹蓋 (3件)