哥哥添飯•妹妹泡茶

营业中

休息中

可憐既朋友仔今晚有排OT🙈 見佢咁慘我就去佢公司附近陪佢食埋個晚飯先由得佢再孤伶伶加班啦～(反正我公司行過黎都唔遠🤣)呢度既晚市套餐包左三款前菜，一款主菜同一款水果，擺盤吸引又精美😍我叫左紅燒牛肉麵(少麵)&熱水蜜桃果粒愛玉(少甜)，朋友揀左星期一三五限定嘅花膠胡椒豬肚雞&熱鮮手工製芋圓奶茶(少甜)，兩個都係配滷肉青菜😊椒鹽爆溪蝦好香口😋 食落好似台灣好出名果個蝦叔叔，不過呢個係迷你版😂牛肉麵湯底勁濃郁勁香😍 麵條彈牙👍 牛展厚身但略嫌唔夠淋，牛筋就好淋好入味😋熱水蜜桃果粒愛玉(少甜)有淡淡既水蜜桃同玫瑰花味，幾清香👍愛玉好有口感，呢個組合都幾夾😋花膠胡椒豬肚雞湯勁重胡椒味，都幾刺激😂用料超大方！！朋友淨係食料都食飽，飯都唔太食得落🙈佢大讚啲雞肉好似慢煮出黎咁，口感非常好👏豬肚唔會韌，花膠又俾得多，呢個set性價比超高！！❤️佢差唔多飲曬成碗花膠湯結果飲唔落杯芋圓奶茶😂 就決定拎返公司邊飲邊加油🙈🙈 祝福佢🙌

《哥哥添飯・妹妹泡茶》牛頭角其實我好少去觀塘牛頭角，不過比這間台式餐廳吸引左，就決定今日去試下🥰門口對正大街 ，比較容易揾到，落地大玻璃透光度十足🌞舖頭走文青，清新路線加上樓底高，感覺係好舒服，略略覺得張枱太細，放完二個套餐其實差不多無位，連影相📸都比較難😅＜紅燒牛肉麵套餐＞套餐包括：紅燒牛肉麵・前菜三小碟・果物・飲品佢個麵底用粗闊扁身白麵都有一定口感，有三件牛腱肉炆得好軟冧，牛筋好好食，又冧又滑，最喜歡配埋溏心蛋🥚牛骨湯濃得黎又夠清澈，唔會死咸味，我比較推薦🍱＜鹽酥豬扒魯肉飯＞套餐包括：鹽酥豬扒・魯肉飯・前菜三小碟・果物・飲品佢個豬扒粉薄，豬扒又不肥，好好食(๑•́ ₃ •̀๑)魯肉飯，佢用既魯肉都係無咩肥肉，可以無咁油膩😝＜前三菜三小碟＞最喜歡係個蝦，咸咸脆脆，其實漬物就正常無咩特別＜檸檬泡沫紅茶＞🍋佢個茶底係特別少少既，都叫好飲，套餐包埋唔駛加錢，已經算係高分🤗＜肉桂蘋果紫蘿蘭＞🍎🍹我就特別喜歡肉桂既味道，加埋蘋果好清身，幾適合配個魯肉飯🍚這個可以用$25加配，但其實好大杯，飲到落尾都無咩溝淡到🍹