梨滿園韓國料理 (已結業)

一直都知樂富都有梨滿園，不過真係好少去樂富，剛巧到樂富出席活動，所以同朋友順便去試一試呢間梨滿園，一坐低，已放下前菜，有泡菜同菠菜，味道不過不失，之後即點了燒烤嘅烤牛脷($85)同烤牛肉($85)，而不用燒的點了紅燜牛肋骨(小，$98)及牛肉石頭鍋飯($68)，全部都牛牛牛牛。烤牛脷沒有醃過，是薄切，每面燒兩燒就熟，牛脷爽口彈牙，用生菜夾住食，無咁油膩，而烤牛肉是醃過，其實每次都一次夾一堆落燒爐度，似炒牛肉多過燒，牛肉有咬口，沒有過韌。最喜愛的紅燜牛肋骨到了，服務員會幫客人將牛肋骨剪開，牛肋骨肉嫩但又好咬口，燜得夠入味，連蘿蔔都吸哂啲汁，夠哂淋。牛肉石頭鍋飯，上枱時熱辣辣(要小心石頭鍋非常熱)，加上辣汁撈勻後，連飯焦一齊食，正。原來兩間梨滿園晚飯時段都送生果。

愛食韓國野的友人, 較早前帶我去位於旺角的梨滿園韓國料理食飯, 試了後覺得不錯. 早前得知係樂富開了分店, 便與友人去試下. 坐下後, 店員先奉上六款前菜. 當中有我最愛食的小魚仔, 菜仔和酸蘿白. 食完後, 感覺特別開胃. 飲品點了熱蜂蜜生薑茶. 愛食牛的我, 點了細份的紅燜牛肋骨. 上枱時已經香味撲鼻. 牛肋骨燜得夠鬆較, 而且又夠味道, 非常好味. 而蘿白一定要食, 因為完全吸收晒牛肋骨的精華. 另外, 也想一試燒烤, 便點了鮮帶子和烤牛肉. 鮮帶子一碟有七粒. 每粒都幾大隻. 帶子肉質幾彈牙和新鮮. 烤牛肉. 牛肉幾嫩滑, 完全不覺得硬和淨. 食完仲奉送生果一碟.

自己對韓國其實無咩好感，唯二鍾意嘅係韓國菜同韓國菜（自行理解），尤其喺英國嘅日式燒肉唔常見，韓式燒肉就成為咗代替品，食得仲密過喺香港果陣。呢間舖雖然旺角都有分店，不過旺角估計人多難等位，就走去樂富呢邊，屋村地方應該坐得舒服啲又唔使咁趕。果然就算正值晚飯時間，都可以順利walk in有位，如果係旺角要等卡位真係睇吓時運高唔高。即刻睇個餐牌，見到有二人同三人套餐，睇落又唔算貴，不過裡面無燒肉都係散叫啱我啲。 我係好鍾意食燒牛舌，所以叫咗客，呢度嘅牛舌係薄切版，個人比較鍾意厚切多啲嘅老實講，不過以份量計佢咁多塊其實都幾抵。塊牛舌食落去唔係爽脆嘅口感，而係比較軟熟嫩滑，仿如食高級牛肉。作為港豬當然要食吓同類，佢有隻濟洲島黑毛豬五花腩，唔知又有咩唔同？睇見佢紋理分佈都幾平均，同時又無話太多肥膏，似乎唔錯。塊五花腩無經過醃制都幾大膽，證明佢對塊肉好有信心。食落果然無令我失望，肉香夠突出同時無膻味，有丹麥豬嘅感覺，少少油脂令味道更豐富，果然一分錢一分貨。喺愛丁堡食過韓國人開嘅餐廳，仲係米芝蓮級數嘅燜豬肋骨，熱辣辣食都OK，一凍咗甜到飛起，鬼佬就係鬼佬…返到嚟香港試返亞洲口味，就揀咗個細嘅紅燜牛肋骨。