豪園麵家

营业中

休息中

雖然黃大仙南館北館都有好多食肆， 但還是走到現崇山商場的「豪園麵家」享受吓悠閒下午茶。喜歡這裏有些戶外座位， 感覺開揚較舒服。平日下晝五點，時間有啲尷尬， 還好下午茶和晚餐也同時提供～ 選擇好多很有彈性。裝修過卡位很闊坐得舒服～聽講這裏的晚市小炒非常出名， 就揀了「鹹魚雞粒豆腐煲」$88。 每款小菜都奉送白飯和送完即止嘅例湯。 例湯好足料， 有蓮藕和整粒嘅栗子， 非常潤喉！豆腐煲熱辣辣， 逼出鹹魚的香氣，好吸引！豆腐略炸， 和鹹香嘅醬汁，雞粒伴勻非常惹味～ 整體味道唔錯又唔會太鹹～乾燒伊麵下午茶$50算幾有鑊氣 ， 味道調教得啱啱好， 但不夠乾身。飲品升級為特飲加$6推介「檸茶bb」～ 可以唔使篤檸檬即刻飲嘅凍鮮檸茶。味道好濃郁， 夠酸又夠茶味 。 蠔仔粥$40/碗差啲嗌錯咗一鍋～好在店員重覆確認 一次😍冇落胡椒粉蠔仔肉和湯都唔腥， 味道好鮮好有蠔味， 份量勁多蠔仔肉都算大隻喎！😍 喜歡他的方魚塊極重魚味， 非常美味的蠔仔粥！紅豆冰$23唔算好甜， 紅豆蓉香滑，如果多返啲椰汁就perfect! 食物，飲品味道出品唔錯， 特別是蠔仔粥非常回味。

今日 (20-10-2018 Sat) 晏晝同老公到現祟山商場捐衫後,就搵o野食,我o地兩個都唔餓,老公見到呢間有咩豬頸肉刀削公仔麵,好奇, 公仔麵都刀削?點刀削?我o地就試呢間.睇睇,有介紹話鹹蛋黃味炸一字雞翼,老公o係menu見到有餐,係$40.00o既超級BB餐,咁我就要呢個餐,飲紅豆冰.由於menu內搵唔到豬頸肉刀削公仔麵,但廚房頂上有相,就問職員,職員答冇供應了.啊.咁佢就要$50.00o既撈撈公仔麵餐,要香煎雞扒(跟薑蓉),加$8.00要紫菜上湯加兩粒雲吞,要熱奶茶.落完單,奶茶先到,之後係煎雞扒(跟薑蓉) 撈撈公仔麵,然後係紅豆冰,雲吞紫菜湯.最後到鹹蛋黃味炸一字雞翼6隻.鹹蛋黃味炸一字雞翼要趁熱食, 鹹蛋黃醬味道唔算好濃,亦唔太鹹香,唔算太邪惡,炸一字雞翼皮脆肉嫩,但我食到奴濃o既南乳味.紅豆冰OK唔太甜,紅豆又夠腍.雲吞紫菜湯, 雲吞幾好味,紫菜湯正常冇問題.最後我至食煎雞扒(跟薑蓉) 撈撈公仔麵, 薑蓉太少,根本唔夠撈,因為公仔麵完全冇調味食o左大半至發現佢o地放低一支美極俾我o地加落去,而煎雞扒似炸多啲,同樣係外脆內嫩,OK o既.熱奶茶口感滑,老公冇加糖飲,茶味