大榮華圍村菜 (已結業)

以前既大榮華門口一定係塞滿黎等位既人, 但今晚唔知係因為Halloween既關係定真係不及以前門口完全無人..  今日即日打黎訂位都訂到, 有6點8點兩個時段 限食2小時不過入面都有唔少食客已經食緊飯~好記得好多年前第一次去元朗大榮華 個陣每道菜都仲係五十幾蚊之後每次黎 都會幾蚊幾蚊甘加, 到今日 已經要每個小菜$82喇...叫返我地每次黎到必點既香茜燒米鴨(例) $82以前係半隻 而家已經改左係例牌, 所以份量細碟左好多不過味道不變~ 皮夠薄 肉夠香夠入味 仍然係好好味!大榮華出名既砵仔飯 $11/個可以按自己喜好加豬油/頭抽~ 個人只落頭抽已經好好味頭抽蒜片煎生蝦 $82 呢個其實係一個唔會唔好味既菜式 ;P每隻蝦都充滿蒜香味~ 不過好似唔係好食到有頭抽味... 蝦都偏細隻鳳凰蟹肉炒長遠 $82 每次黎都會點呢個比較特別既菜式鐘意佢有淡淡既蛋香同啖啖蟹肉~ 加埋都幾多蔥絲同芽菜絲, 感覺健康d最後一定要叫呢度最最最出名既 奶王馬拉糕(半份) $41 (全份: $82) 以前一直唔知道可以叫半份… 其實就算幾飽 都會食得晒呢個既全份 ;D因為比起平時既馬拉糕 呢個真係好味好多 淨係聞

之前只有食過元朗總店，今晚book左8:00試下呢間分店，味道幾好，而且交通方便很多。瓦餐白胡椒焗石班球：聞到香噴噴既白胡椒味已流晒口水；魚塊厚身白雪雪，時間煮得剛好，十分嫩滑，好好味。圍頭五味雞：一隻雞的size細細的，肉質嫩又入味。蠔皇珍菌炒牛片：炒得有鑊氣，但牛肉唔夠新鮮，有的黏在一起太大塊。麵醬皇帝菜：麵醬份量咸淡適中，皇帝菜嫩。送既糖水用料十足又唔甜，好好飲。見到隔離好多枱點左馬拉高，自己都好想食，但自備了生日蛋糕，甘就下次再食啦 ~~

之前嚟過呢度飲茶，點心質素不錯，餐牌晚市小菜價錢相宜(過百款選擇每碟$65)，見佢地就嚟裝修，唔知裝修完仲會唔會做這個價錢就噚晚去試吓食晚飯去到6點半，都有大約8成入座率選擇了兩款菜，加兩個白飯($9/每個)1.金香醬勝瓜炒燒腩仔入口香濃，勝瓜清滑(批皮幾深所以幾嫩)；燒腩仔肥瘦適中，不過估計是前一晚的餘貨，略嫌皮甩切得較薄，無口感可言加入雲耳、洋蔥同碟餸幾夾2.梅子麵醬烏頭1條無選擇另一味咸水檸蒸烏頭，因為同行者不想吃咸檸，所以點了這款單看顏色以為辣，其實有d似五柳酸，酸酸甜甜幾開胃烏頭可能有斤半至兩斤重，煮得較熟，魚腩油香魚背嚡唯獨條烏頭魚打鱗打得不乾淨，要夾走d鱗，我諗咸水檸蒸可能成條唔打鱗以近期街市魚的售價偏貴，這道菜很抵吃是晚飯後奉送一小碗糖水，麥米粥或紅豆沙供選擇既然來到出名的酒家，應該會選較上乘陳皮煮紅豆沙所以就選擇紅豆沙來吃雖然份量較少，但食落陳皮的香濃帶動紅豆沙的味道甜度適中茶錢連同加一服務只需$176，侍應服務勤快友善，出菜好快，40分鐘享受完晚飯如以這價錢都算不錯，但不可與其他貴價酒家價錢相比始終一分錢一分貨