茶木‧台式休閒餐廳 (荃新天地)

营业中

休息中

喺報紙見到一張coupon話茶木下午茶餐第二份半價。呢段時間又無晚市，正好有藉口去食下午茶😋。我同朋友今日放假，剛好趕得及在deadline前用張coupon！我們共點了兩個茶餐：鹽酥炸雞排刈包拼蚵仔麵線和甜蜜塘心蛋肉燥飯。鹽酥炸雞排刈包拼蚵仔麵線蚵仔麵線蠔仔都幾大粒。似食緊碗仔翅。加上莞茜同炸蒜粒，食落好香。刈包夠軟熟。刈包本身冇味，同鹽酥炸雞一齊食，唔會搶左鹽酥炸雞嘅味。刈包軟，鹽酥炸雞脆，一軟一脆，好有口感。甜蜜塘心蛋肉燥飯整體都好鹹，肉燥本身已經好鹹，加埋旁邊嘅鹹菜更鹹。好彩配菜有青瓜粒，可以中和一下d鹹味。塘心蛋一開二，真係好似菜名咁幾甜。見有張餐牌寫住期間限定買一送一，就試下台式撈起鹽水鴿。鹽水鴿肥美夠肉汁。配菜好多款，份量亦好多。有蓮藕、豆角、莞茜、薯仔、翠玉瓜、芹菜等。蓮藕同薯仔切成薄片，口感爽脆。莞茜同芹菜為整道菜添上香味。惠顧任何下午茶餐送飲品一杯。嗌左兩個餐，送兩杯飲品。嗌左紅豆薏米水同埋黑糖珍珠奶茶。紅豆薏米水唔會太甜，紅豆同薏米煲得夠腍。加上薑。飲落去好舒服。微辣嘅薑給紅豆嘅甜中和，相得益彰。黑糖珍珠奶茶唔會太甜，珍珠煙韌彈牙。

成日都食茶木，今次係為左小丸子個杯去食😁。之前喺巴士見到佢既廣告，覺得幾靚，所以就去拎隻杯返屋企紀念😂。見到季節限定既四色冷麵色彩繽紛，感覺好似好健康同好好食😁，所以就叫左來試。黑麻醬似平時食開沙律既芝麻醬，撈埋一齊食好好味，好清新。鳳梨🍍鮮果甜酸肉甜甜酸酸的，幾開胃，好味。而且水果既份量好多，齋食啲餸唔食飯都已經好飽。紅豆薏米水去濕，健康，味道亦唔錯。爺爺抹茶歐蕾既抹茶味好濃，好大杯👍🏻，幾好飲。我地唔記得叫店員上甜品就賣左單，俾錢果一刻先記起，所以唯有打包拎走😂。