咖哩葉

营业中

休息中

天氣熱，想食啲濃味野。就喺openrice 搵到呢間好多讚好嘅印度餐。我最鐘意就係拎住塊薄餅，LAM哂啲咖哩汁放入口，超滿足架！🥠 素食咖喱角（＄48）三隻好飽滿嘅咖哩角。裡面係薯仔、青豆，調味岩岩好，唔會辣唔會咸。配上呢個清新嘅薄荷汁，好香啊～如果個皮薄啲會更脆更正啦！🐔 菠菜咖喱雞 （＄118）開頭會以為個咖哩會係綠色，其實佢入而都有菠菜的。呢個真係出乎意料咁好食。啲雞係有陣陣炭燒味，仲要無骨超嫩超滑！加埋個有豐富香味嘅咖哩汁，應該有好多香料，雖然食落唔識分。啖啖肉，用汁點個餅食真係好正～洋葱烤餅 （＄38）食咖哩點可以無烤餅呢。呢個洋蔥烤餅裡面好多洋蔥，仲要熟透，有洋蔥甜味，就咁食都好好食。用來點咖哩汁仲正～呢個薄脆係送嘅~ 咸咸地又幾香口啊。地方坐得舒服，慢慢食都OK~ 總括都係一個舒適滿意的用餐，有得ENCORE呀~順帶一提，樽裝水要收費架～

跟一位話印度係半個鄉下的朋友慶祝生日，在疫情及限聚令下，挑選了這家印度餐廳來一個午餐！OpenRice 訂好位，準時到達。可能剛剛清潔好，加上有印度香料的混合味道，初初覺得～～咦！得唔得㗎～咁大陣味～? 說時遲那時快，印度經理開大冷氣，又開大風扇換一換氣。Ok! 環境過關！點菜時間，當然由半個鄉里發辦！素食咖喱角，咖喱羊肉，而我只要求一客個個推介的牛油咖喱雞！食物新鮮熱辣辣送出，1男1女竟然可以KO 兩位蒜味naan bread, 因為兩款咖喱真心好味！市道唔好，大家有時間不妨撐下場！今次仲20% off , 自己覺得抵食！連話印度係半個鄉下嘅朋友都話可以encore !!

朋友話想食印度菜，所以我地今晚就去咗佐敦搵間正宗印度餐廳食。呢到有兩層，坐位密密麻麻，但坐得幾舒服。印度藉既店員好有禮貌。前菜係免費送既胡椒餅，好重黑椒味，仲有啲🌶辣辣地，配有2個醬汁，係開胃前菜。🧈牛油咖哩雞 $115橙色既咖哩汁，加入牛油蕃茄而成，味道甜甜地，一啲都唔辣，啱哂唔食辣既我。配埋嫩滑雞肉🐓。個咖哩汁仲可以配合埋薯仔餡餅及芝士薄餅一齊食，食到津津有味😋😋🥔薯仔餡餅 $28薯仔餡餅內有好多薯仔蓉，帶有少少咸味，仲有少少辣辣地，最重要又香又煙韌，食到好滿足。🧀芝士薄餅 $28芝士薄餅，啱啱烤出黎熱辣辣，勁有咬口，好香芝士味🥦素食咖喱角（3塊）$35 正宗嘅印度咖喱角，濃濃嘅咖喱味，帶有少少辣🌶，外面炸到金黄色好鬆脆，再配合埋個燒烤醬汁，好味道。 🧉椰青 $38大大個清甜好飲既椰青📍@Curry Leaf 咖哩葉佐敦荗林街16-18號荗林商業大廈地舖