媽咪雞蛋仔 (已搬遷) 新店位置

米芝蓮推介嘅街頭小食店，有時經過但食飽野，食唔落；有次就手揸住野，冇手拎住一路行一路食；有次想試紫薯或者栗子，但都賣晒，今日終於有"雞"會喇！叫左紫薯雞蛋仔，即叫即製，可用八達通俾錢，方便，應該等5分鐘到(冇好認真咁計時) ，我前面得1個人，可能係平日3點幾新鮮整起熱辣辣，用窿窿紙袋裝住，聞到有紫薯香味(香味過左陣會散左), 視覺上都好靚，紫薯+黃蕃薯我搣開左外層，睇到有紫薯粒粒雞蛋仔好有咬口，每粒入面都係滿滿嘅，食落有少少紫薯味，如果味再濃d就正！

當初我食呢款紫薯雞蛋仔既時候 只係旺角分店剛剛推出發售 同期新出既仲有香芋雞蛋仔同南瓜雞蛋仔 後黎多人食其他分店先開始有售 見到其他人依家食既紫薯雞蛋仔 紫薯份量都比我果時食既多 覺得店方幾用心真係有不斷改良番薯雞蛋仔 ($22)望落唔係好似天水圍一間出名既紫薯雞蛋仔咁連蛋漿亦係紫色 蛋漿依然只係原味蛋漿 不過仍可見中間滲雜左少少紫色紫薯粒粒夾係雞蛋仔中間 分佈唔太均勻 一時多一時少一時無 不過質地保持左紫薯天然既粉腍質地 味道雖然好淡但係紫薯本身唔係一種味濃既食材 加入雞蛋仔後味道更微弱絕對無可厚非 唔能夠苛求佢既紫薯味非常突出雞蛋仔保持媽咪雞蛋仔一貫既質素 外脆內軟入面比較實在 但係食左三分二後已經完全腍曬變左食蛋糕當時覺得如果店方增加紫薯份量既話會更好 依家見到其他人買既雞蛋仔紫薯份量多左好多 唔知味道有無更出色呢