霸王川莊 (iSQUARE國際廣場)

营业中

休息中

不得不讚呢度環境真係無敵，窗邊位有得飽覽維港景色，可惜假日八點半無訂檯，入到去都已經無咩位剩，結果坐係路中心🥲侍應亦好好態度，叫我地慢慢食唔駛急🫣食物質素唔錯，下次想試埋酸菜魚或者水煮魚😍▪ 茶位（8/10）💲20/位呢度既茶有別於坊間既，係超足料既八寶茶，有菊花、紅棗、桂圓、杞子、玄米等☕️▪️ 烤北京片皮鴨（8/10）💲298 (半隻)鴨皮烤得酥脆，皮下附帶有少少脂肪，但又唔會過肥膩，鴨肉唔會好乾嚡，味道香而唔羶🦆餅皮厚薄適中，軟得黎帶點韌度😋▪️ 霸王小籠包 （7.5/10）💲78 (6隻)個皮薄身，入面都有好多湯汁，而且肉味香濃，唯獨就係實在太迷你，連啪幾粒都唔夠平時食一大粒既滿足感，如果大粒返啲就好🤨▪️ 紹興花雕醉雞（7.5/10）💲168雞皮香滑得黎保持點彈性，雞肉嫩身，亦都好入味，花雕酒味係非常重，但唔會話苦澀🤪▪️ 四川酸辣湯（6/10）💲68酸度唔係好夠，餐牌上明明係兩隻辣椒，不過平時譚仔食開十小既我都覺得辣度係零🌶️配料唔算好多，相比其他菜式的確失色🤥▪️ 拔絲香蕉（6.5/10）💲168糖絲拉得幼細，的確需要好高技巧，但個粉漿同糖皮比較厚身，一咬基本上同暖笠笠嘅香蕉完全分離🤔

中秋佳節🌕願大家中秋節快樂————————————————————————適逢中秋，同左屋企人到霸王川莊食川菜🌶滿心期待去食片皮鴨，可惜下單不久店員才表示冇🥲所以大家記住預先order就最穩陣‼️店員話冇預計咁多人中秋叫片皮鴨…————————————————————————🌕紹興花雕醉雞 ($168)份量較少，大約有八件，不過花雕酒味好岀眾✨而且雞件好嫩滑，值得一試。🌕麻香雞絲滑粉皮 ($128)份量相對少，正常發揮，粉皮沾滿麻醬，雞絲不算粗糙，可當一個前菜享用✨🌕雙味小籠包 ($88)最有驚喜既菜式🫶🏻叫雙味可以一次過試曬原味同麻辣小籠包，皮薄多汁✨特別係麻辣味吾會太嗆，辣度適中👍🏻👍🏻👍🏻 ✨整體黎講所有菜式味道都相當不錯，只係份量相對少，不過坐係窗邊位置望住維港享用晚餐真係好滿足🌃而且呈上既八寶茶(左下)亦相當用心👍🏻用料有杞子、紅棗、圓肉等✨✨希望下次可以品嘗到片皮鴨🫶🏻