祥仔辣辣 (海運大廈) (已結業)

近排係海港城做嘢，可以試下唔同既餐廳，今日lunch就去左食祥仔辣辣。叫左一個二人餐同一份麻婆豆腐，二人餐既份量比想像中大份。～二人餐～～前菜>酸辣萵筍紅海蜇花海蜇冇乜味道，但爽口。>香辣山木耳木耳入味，好香既辣味同蒜頭味，非常開胃。>辣辣脆鱔甜甜地，帶少少既辣味，鱔炸到非常脆，帶有焦香。~招牌菜>招牌祥仔酸菜魚夠酸，魚肉都係爽脆，夾起身唔會斷。入面仲有萵筍、芽菜同酸菜。>絕味辣子雞雞肉炸都香脆可口。>乾燒大虎蝦蝦有少少梅，但整體都爽口，醬汁甜辣，非常入味。>酸辣燴炒土豆絲土豆絲唔夠幼細，但夠酸。~甜品-仙草凍~加點~~麻婆豆腐豆腐嫩滑，加埋肉醬，非常香口，拌飯一流。總體黎講，CP值幾高，唔想淨係食酸菜魚，食下其他野，酸菜魚既份量唔太大，可以叫下其他野食。坐既位置都幾舒服。

等左3個月終於重開晚市堂食🤩🤩真係好！開！心！呀！終於唔洗6點前趕頭趕命起身走人.週末又去海港城行街順便用下啲商場coupon晚餐揀咗係lcx入面嘅祥仔辣辣🌶.5點半左右坐低當時餐廳冇乜人 坐得好舒服👍🏻同媽咪2個人食 叫左 涼拌萵荀（無辣）$48絕味辣子雞 小辣 $168雲南椒炒豬肚 小辣 $88.餐廳冇乜人所以上菜都好快👍🏻👍🏻先講左前菜萵荀先因為媽咪唔想食咁辣所以叫左無辣上面有少少芝麻粒做點綴份量都好多👍🏻食落好爽口 涼涼地幾開胃🤣🤣之後就到辣子雞🌶🐔上枱嘅時候超大一碟食辣子雞最怕嘅就係辣椒多過雞🙈但呢度冇呢個問題🤣辣椒同雞嘅份量都好平均雞都有小小骨 雞肉好嫩滑 完全唔老唔會炸到乾爭爭👍🏻👍🏻超級好送飯最後就到雲南椒炒豬肚成碟菜嘅辣味係來自於尖椒嗰度至於豬肚 每舊都切得幾大 如果切成絲會更加好如果就咁食豬肚係唔辣嘅但美中不足嘅係個醬汁有啲鹹如果冇咁鹹就好啦🙈🙈舖頭入面播住廣東歌成餐飯都係度哼歌哈哈🤣店員態度都好好👍🏻價錢方面 即使係正價都唔算貴會再回訪～