丸十日本食堂 (已結業)

1231日同同事食過飯迎接2019.想食得特別D.見lee間新開丸十日本食堂又靚靚地仲有得book位就試下丸十主打用日本精米制作.又一間過江龍日本餐廳.Lee間真係食到真日本感覺。蛋卷香軟好食.一定唔會淡某某蔥呑拿魚卷幾香口Lee個鐵板地雞好似食到日本食ge味道好香口好食.有碗白飯配埋食仲正燒雞泡魚乾(暖暖地正)超驚喜菜式:炸松葉蟹海膽天付羅味道勁融合D松葉蟹同海膽超香.超有層次.炸醬一D都唔油利廣島蠔唐揚(D蠔夠新鮮肥美D唐揚炸得岩岩好脆口好食)串燒食得出有細心燒.牛舌同秋葵好正個松葉蟹漢堡都好值得一試最後最人叫左杯滴餾咖啡.嘆左個最正ge lunch 過最後一日ge2018

晌葵芳新都會開咗間香港首家「當店精米」嘅居食屋「丸十日本食堂」，同老表講不如去試吓，佢話「蒸」米，咪即喺盅頭飯，我話唔喺呀，「精」米喺另一樣嘢嚟，解釋完佢先恍然大悟。更誠意到做「當店精米」，又睇睇佢哋啲出品可唔可以做到「丸」近馳名！餐廳就位處4樓花園側，唔知喺新開，定因為喺精米關係，都只喺閒日晚啫，都已經好多人晌門口等位。不過，由於餐廳原來都好大吓，所以，排得唔算耐就好快有位。裡面分幾個區域，而且，有唔少卡位，卡位嘅間板亦專登做高少少，唔會受前後側邊嘅客人騷擾，有少量卡位對正平台花園，更喺心水靚位，不過，今次就無我份。此外，分開幾個專區：串燒、鐵板燒、壽司吧，特設一列吧位，可以直接睇到師傅做菜，亦喺小弟覺得次選嘅心水位。而整家餐廳，一派木系和風裝修，亦掛有唔少相關裝飾，不過，呢晚人太多，所以，就無周圍影。上文提過「當店精米」，相信都唔喺流，因為晌等位期間，就喺門口接待位旁嘅玻璃房，就放置咗一部循環型精米機。咁！其實咩叫「精米」呢？打開餐牌就揭開謎底：「精米」就喺將米糠從粗硬嘅玄米表面輾走，再打磨成口感軟熟白米嘅工序，日本人相信剛完成「精米」過程嘅白米喺最好食。又研究發現，去除米糠之後，