拉麵凪 (已結業)

🇭🇰拉麵凪·呢間我係見到一個鍾意食拉麵嘅朋友推介 所以跟佢地黎既 果然真係好唔錯😈😈不過佢呢度啲拉麵係細碗啲既 男仔可能要加麵先夠🫢😂·黑骨$96 l 綠骨$96 l 凪豚餃$28佢拉麵質地煮得好好 豚肉肥瘦比例都好好 食落口感好正🐷湯底都好特別 兩款我自己黑骨個款多啲 佢呢個除咗黑蒜油豬骨湯底之外仲加咗墨汁 食落個層次好豐富 而且墨汁味都好出 好鮮🦑而且因為加咗墨汁 呢款湯底比平時嘅黑蒜油豬骨湯底冇咁油膩 就算食到最後都好好食 我自己好鍾意🤤🤤之後綠骨就係一個類似pesto咁既湯底 食落都唔錯既 但係我個人覺得pesto都係襯意粉多啲🫢而且因為佢係多啲橄欖油既 呢個湯底食落偏油少少🤣🤣之後佢個餃子都好味 佢係真係爆汁 個肉餡都調得好好🥟·#rbyeat#rby日本菜 #rby拉麵#rby銅鑼灣·📍銅鑼灣渣甸坊48號采怡閣地下5號舖

經常見到唔同朋友post呢間拉麵店, 今次就啱時間路經就試試佢未到食飯時間唔洗排隊直入, 一坐低店員們就好熱情招呼同介紹, 不過熱情到有少少chur, 口罩未除手又未噴, 忙住安頓要尷尬地回應當日未有限定拉麵, 店員都叫大家留意FB / IG公佈, 少少hard sell不過係佢地本份嘅 2個人試咗2款拉麵同2款小食黑骨 - 重口味嘅我就叫咗黑蒜墨魚汁豚骨, 黑玉拌入黑蒜非常香口, 另加3辣炎之醬唔算好辣, 不過放係叉燒上面就會令到叉燒鹹咗D, 豌內有較細較厚嘅叉燒, 更有豬味綠骨 - 偷偷試一啖, 超級濃厚羅勒同芝士, 另加嘅溏心蛋都好好凪豚餃 - 加咗醋漬蘿蔔蓉, 唔洗加豉油, 味道剛好又唔油膩阿波尾雞翼 - 大大隻, 香甜燒汁搽滿外層脆皮, 香口但juicy鮮嫩嘅日本德島雞2個豌都清哂, 明啦冷氣較大, 如果湯頭熱D會更佳

好多朋友都話食拉麵一定要試下 拉麵凪（讀「休」），佢地嚟左銅鑼灣之後都無機會試過，咁啱路經附近一於去試試佢～ 佢嘅位置係喺好多小販檔賣野嘅渣甸坊（唔係好多小巴站嘅渣甸街），店內嘅位置唔算好多，主要都係「面壁」座，點餐同好多拉麵店都一樣喇， 畫紙仔，無咩特別古惑位嘅叫左 超濃厚黑骨 同埋 濃厚綠骨， 黑骨係黑蒜， 綠骨就係羅勒加芝士粉， 份量係似日本嘅份量，唔算好大， 如果大胃嘅朋友建議叫埋替玉，湯頭唔算好油，湯連麵 食晒成碗負擔其實ok 叫埋佢兩個小食：日式豚餃 同埋 阿波尾雞翼。 兩個小食都幾有驚喜， 餃子上面係蘿蔔蓉溝左醬油，唔洗點又可以降低油感，唔錯。 阿波尾雞翼係即炸， 留意上枱嘅時候係熱到食唔到同入面有油， 請小心。 味道都幾好， 甜醬油配芝麻有少少名古屋雞翼嘅感覺。其實如果食拉麵有返咁上下年資嘅朋友， 都一定覺得佢地拉麵嘅款式熟口熟面喇，原因大家可以上網搵下，好多報導都有講，所以對「老司機」嚟講驚喜就應該不大。同埋店內嘅冷氣都幾勁，令到碗麵好快就凍晒，呢樣野係的確有啲失色，特別對於我地呢啲「相機食先」嘅朋友要留意返

地點隱蔽，卻意外的好食有驚喜。「綠骨~ 芝士羅勒翠骨拉麵」 — 味道非常之驚喜，意外的入口清新好味系列。「限定~ 山椒牛舌拉麵」 — 山椒味非常之濃郁，喜歡的人一定不要錯過。牛舌亦都軟諗受的起讚。「溏心蛋」— 拉麵嘅標配溏心蛋。「豬肉煎餃」— OK。