吃扒

营业中

休息中

7點嚟到，門口都有人排隊，我哋2個人又唔介意坐自閉吧枱，就即刻入得。晚餐menu+$25有埋餐包餐湯飲品甜品，本身跟飯/意粉/薯菜，menu都好多選擇，牛豬雞羊、三文魚比目魚、意粉意大利飯都有，唔一定食扒。跟餐湯，可揀中湯/羅宋湯餐包，熱辣辣又軟熟熱溶芝士紐西蘭牛柳應該算係呢度嘅招牌菜？淋芝士前比你影張相先，淋緊個陣都會比你拍片個熱溶芝士都幾吸引，其實可以唔洗再點汁。芝士幾香，唔算好滯，點埋薯菜就岩晒雜扒都幾大碟有雞扒牛扒豬扒煎蛋煙肉司華力腸每塊扒都幾大塊，雞幾嫩，牛扒就好似茶餐廳咁實有梳打粉味，豬扒還好最後有個甜品係雪糕

今日去旺角 ‘‘吃扒’’ ，餐廳位於旺角鼓油街，餐廳用上紫色門面，好吸精～餐廳裝修懷舊風，播放經典流行曲，格外有情調。呢度除左主打熱熔芝士鐵板餐，仲有生酮主菜，啱晒減肥人士。(轉餐 +$25  有：餐包、湯、飲品、甜品)餐湯可選羅宋湯或豬骨湯。羅宋湯唔似一般餐廳咁稀。呢度料足味道濃，飲落好開胃。軟熟嘅餐包烘到暖暖地，配上牛油👍20cm吉列豬扒 $158，熱熔芝士 +$18上枱時，不禁「嘩」左聲，見到塊吉列大過我隻手，仲要係厚切。呢個份量話兩個人食都唔誇張。侍應再將熱辣辣嘅熱熔芝士淋上面，真係不得了。吉列豬炸粉十分薄，一切落去就聽到好脆嘅聲，炸得酥脆可口。呢個吉列豬扒真係好抵食，物超所值～(特飲 +$15）餐飲轉咗特飲西班牙咖啡香濃咖啡加雲呢拿雪糕奶香味，口感更滑。熱熔芝士紐西蘭牛柳 $198西冷牛扒要咗七成熟，肉質非常嫩腍唔會韌，而且牛味濃郁。牛柳配上香濃熱熔芝士，好好食。雪糕有芒果味雪糕

旺角區近期開左一間紫色閃閃的西餐店，氣氛帶點浪漫，頗有情調，坐位都寬敞，二人世界就岩曬啦！♥️ 餐湯&餐包餐湯係羅宋湯，湯料非常豐富且熬得入味！餐包烘得熱熱，浸在餐湯上進食，超級入味！♥️ 20CM 吉列豬扒配飯店家招牌菜： 20CM 吉列豬扒，我用尺度過下，真係足20CM！吉列最忌就係太厚粉，依到既吉列恰到好處，外脆薄皮，肉質厚實入味，超美味。♥️ 鐵版燒肉眼扒五成熟係完美既熟透比例，保留肉眼既鮮味及肉質彈性，肉質有番咁上下厚度，不會過分煙韌，原汁原味！配上薯菜已經好飽、好滿足！♥️ 水牛城雞翼經典菜式，配上餐廳自家調配的醬汁，雞翼烤得脆脆入味，啖啖汁啖啖肉！🎊 餐廳備有特色飲品、雪糕甜品，CP值好高！

今日約媽咪黎旺角一齊撐枱腳😆知道佢最鍾意食扒餐，孝順女當然喺搵吓附近有咩好野食喇～於是就黎到呢間港式扒房食午餐兩個鐵板套餐除咗揀主食之外，仲會跟餐湯，餐包，甜品同一杯嘢飲，不得不提既喺個餐湯，除咗羅宋湯，仲可以揀豬骨湯，不過我哋揀咗羅宋湯，羅宋湯入面好足料🥺除咗些蔬菜之外，仲見到有啲牛肉碎喺入面，暖暖地幾好飲<蔥油豬扒拼帆立貝|黑椒汁|飯> $68扒餐可以選擇配飯、意粉同薯菜，媽咪就選擇咗飯。黑椒汁幾惹味，唔會太重黑椒辛辣味；豬扒嘅份量都嚇親我，共有兩大塊；帆立貝有兩粒，成個set分量超多，我認為如果兩個女仔應該都好夠食🤩<扒三文魚柳|蒜蓉汁|薯菜> $72呢個set我地則選擇咗扒三文魚柳配薯菜。蒜蓉汁相對黑椒汁就冇咁濃味，三文魚魚柳都幾大份，不過魚就鞋身少少，薯菜分量適中，所以都建議細食嘅女仔可以配薯菜<煙三文魚牛油果水牛芝士沙律> $82煙三文魚畀得好足，睇吓張相就可以見到啲三文魚鋪滿咗沙律菜同埋牛油果😂餐廳咗提供醋汁畀我哋淋落去，撈勻之後沙律味道清新，水牛芝士&牛油果中和咗醋嘅酸味，如果想食輕食嘅話可以加$20轉成套餐，一樣都有餐湯

星期五放工去旺角食飯，我哋呢晚幫襯咗近嚟🔥炙手可熱嘅「吃扒」。雖然到達已經成八點半鐘，不過餐廳仍然滿座，要等咗陣位先入得，人氣超高呢👏！餐廳門口本身已經係一大個打卡位，紫色外牆好吸睛💜。店舖內嘅裝修仿效傳統港式扒房嘅設計，木系傢俬再配以暗色調燈光，氣氛都幾浪漫🌹，但星期五晚爆場就會嘈啲、熱鬧啲啦～。顧名思義，嚟得呢間餐廳就當然係食扒🥩，佢主打多款鐵板餐同意粉飯等，估唔到嘅係竟然仲有生酮料理Keto。餐廳定價唔貴，難怪咁多人幫襯。熱熔芝士紐西蘭牛柳($188)，我相信有唔少人嗌呢道菜都係為咗熱熔芝士🧀，不過其實其他扒都可以加$18跟配的。餐廳明白儀式感嘅重要性🤣，芝士以煎Pan裝住，並喺客人面前點火，再將流質嘅芝士倒上牛扒面。題外話，扒餐可自行選配飯/麵/薯菜以及醬汁。🐮紐西蘭牛柳有成兩大件，形狀唔係四四方方，而係似一般牛扒。牛柳肉質好軟腍，生熟度控制得宜，我本身嗌五成熟，加上鐵板嘅熱力啱啱好，並無變韌。芝士唔鹹，但反而羶味幾勁，配薯條食特別明顯，不過出奇地配扒食又唔覺喎，好得意😎。三文魚扒伴煙肉椰菜花飯($158)，🥦雖然我唔係生酮飲食者，不過都鍾意食椰菜花飯，因為感覺健康啲，食落又無

近著旺角和油麻地站開了一間新扒房，裝修以紫色為主格調充滿優雅感，店內有不少懷舊裝飾及播放耳熟能詳的經典歌曲。雖然主打鐵板餐，但還有飯或者意粉類選擇，更有罕見的生酮餐單。特別喜歡這裡有懷舊港式飲品，如滾水蛋、黑牛和白雪公主等等。熱溶芝士紐西蘭牛柳 - $188幾乎每一枱也必點的，火炎熱溶芝士充滿打卡感。咸香的芝士滿佈其他食材，增添拉芝感；大大件的紐西蘭牛柳富濃郁肉香，柔嫩多汁有少少餘韻；更有大量波浪薯條、粟米及小甘筍。香煎挪威比目魚柳 - $148整塊煎香的比目魚柳好惹味，酥脆的魚皮配上雪白細嫩的魚肉，完全不帶刺，每口也是甜美的魚油脂香；健康又低卡的香烤椰菜花帶點焦香，更配少少乳酪醬，少少奶酸好開胃。鐵板套餐 +$25包餐包、餐湯、甜品及飲品KETO套餐 +$20包餐湯及飲品餐湯 – 羅宋湯紅通通的羅宋湯用料十足，有大量多款蔬菜，還有不少牛尾肉，鮮美又酸甜。荔枝烏龍茶包不會漏出茶葉，富清香甘醇的烏龍茶味，同時帶絲絲荔枝的水果清甜。青檸鹹檸檬梳打 +$15一杯無糖的健康飲品。酸爽的鹹檸檬加上清新的青檸，有少少碳酸增添爽口感，好清爽解膩。