一品鮮羊肉館

营业中

休息中

我好鐘意食羊肉粉，所以見到有呢類型餐廳都會入去試下，呢間位於界限街嘅小店，雖然位置唔太起眼，但其實係太子地鐵站行一條街就到。呢度係小店家庭式經營，比起連鎖店多一份親切感，同一般店一樣用QR Code落單，都好清晰方便。我地叫左個羊肉粉，本身我想食羊腩，但呢度只得羊肉粉，所以就照叫，點知一嚟到就好意外，因為碗羊肉粉分量大之餘，唔係淨羊肉，好多羊腩，因為之前係其他鋪頭一般叫羊腩同羊肉差十蚊一碗，而且只得幾嚿，但呢間嘅份量令我好滿意，羊肉好夠羊味，配料又多。絕對值得推薦👍👍朋友叫左個酸菜魚，睇相就知份量超多，我加左芫茜同花生，只係加3蚊同5蚊，啲花生好好食，夠喊脆，芫茜多到浸唔到湯，要食左啲魚先可以再浸，就知份量好足料，酸菜好味又多，芽菜同銀金菇都好入味。我地再試多個羊肉餃，皮薄好食餡料又多。下次都會再嚟食過

都春分了，天氣仍然乍暖還寒。在這個雨濛濛天氣底下，一定要搵一些暖身子的食物補一補，養生一番。今次找來的是位於太子界限街的一品鮮羊肉館。餐廳空間不算大，木制檯凳樸實，別有一番情懷。先睇餐牌，價錢都幾公道實在。今次太肚餓了，點了四款菜式。1. 夫妻肺片 ($48)夫妻肺片是四川省的傳統名菜之一。牛肚和牛舌肉搭配蒜泥、花椒和辣椒油等調等腌製而成。肉片口感一流，配料的搭配層次豐富，恰到好處，叫了小辣，辣度適中，非常開胃，配啤酒汽水真的十分過癮。2. 羊肉粉 ($58)既然來到羊肉館，主角就一定是羊。羊肉粉在餐牌的粉麵類上排第三名，可見其份量吧。相信也是店的招牌菜式之一。羊肉粉應該是貴州的傳統小吃。先呷一啖湯，香濃的羊肉湯，清香暖胃。羊肉片肥瘦均勻，很有咬感，咀嚼起來非常有彈性，而且沒有半點羶味。蘿蔔永遠是羊肉的好兄弟好姊妹，兩種食物放在一起，就會產生化學作用，半補長短。至於粉方面，是用了類似瀨粉的米粉，米粉彈牙夠Q，口感更勝米線。3. 羊肉串 ($28)羊肉肥瘦適中，份量算大，經炭火燒烤後，光看色澤我就流哂口水了，再加上孜然、辣椒粉等調料，又係叫了小辣，辣度是完全可以的，羊肉肥而不膩。4. 雞