叁嘗 (已結業)

比較少嚟天后搵美食 但咁啱經過 從落地玻璃睇到呢間小店lunch set幾吸引 所以決定同朋友嚟試試😙餐廳面積雖然不大 不過用膳空間都充足 唔會覺得太局束-📌蒜香辣蝦露荀意粉 $108惹味之選 淡淡嘅蒜香+少少辣幾開胃 蝦仁有～5粒 意粉分量適中 中意食偏硬/有咬口嘅意粉🍝會覺得唔錯📌美國安格斯牛肉芝士漢堡配薯條 $138漢堡排選用安格斯牛肉所以肉味幾濃 個包一切肉汁都爆出嚟😱 配粗薯條加分(如果落返少少鹽調味更好）📌餐湯：南瓜湯南瓜味十分突出 入口勁順滑 會令人想飲多幾碗😍😍📌餐飲：荔枝乳酸梳打&檸檬柚子茶正常發揮 飲品配意粉/burger都可以解膩幾好

呢度weekend都有lunch set, 套餐跟湯🥣/ 沙津🥗 & 飲品, 個日餐湯係南瓜忌廉湯, 忌廉味香濃南瓜🎃味重👍🏻沙律菜新鮮, 酸酸地幾開胃😋✨法式慢煮春雞配燒汁 💰118💫評分: 8.5/10📝春雞🐔肉質細嫩嫩滑, 點燒汁更加惹味配薯仔🥔同爽脆清甜嘅露荀, 色香味俱全, 仲有個心心嘅花瓣碎🥀✨美國安格斯牛肉芝士漢堡配薯條🍔🍟 💰138💫評分: 7.7/10📝安格斯牛肉幾厚身咬落去有肉汁🤤。麵包有脆口, 配埋生菜同蕃茄冇咁膩, 配菜有新鮮炸嘅薯條🍟✨巨峰提子🍇乳酸梳打 (Lunch set +💰8) 💫評分: 7.5/10📝梳打夠氣, 幾清新, 偏甜咗少少, 自己幾鍾意佢隻顏色🤣✨Latte (Lunch set +💰12) 💫評分: 7.5/10📝幾滑身拉花都幾靚😍𝕊𝕙𝕖𝕖𝕡 𝕒𝕟𝕕 ℙ𝕚𝕘 叁嘗~📍天后歌頓道1A號 DIVA地下1號舖(天后🚇A2 出口行5分鐘就到)💫評分: 8/10💬呢間野4次, 抬頭望今次多咗啲乾花嘅裝飾, lunch set 啲嘢食間唔中都會有啲變化, 呢間小店係我其中一間幾鍾意食嘅黃店😍, 食物份量雖然唔係好大, 但係質素有保證🤰🏻

每次經過呢間餐廳，都見到好多人喺門口等位，所以今日我都約朋友嚟試吓！法式慢煮春雞配燒汁 💲118雞肉嫩滑多汁，唔‘鞋’ 好好味！配埋幼嫩嘅蘆筍同焗薯仔🥔份量啱啱好！💯美國安格斯牛肉芝士漢堡配薯條💲138牛肉漢堡好厚身，安格斯牛肉入口Juicy.... 爆肉汁，麵包咬落好香脆，加埋新鮮嘅生菜同蕃茄🍅，好滿足!😋前菜可以揀沙律或者湯我同朋友都揀咗沙律🥗沙律加咗黑醋，沙律菜新鮮爽口飲品ᴄᴀᴘᴘᴜᴄᴄɪɴᴏ +💲12拉花好靚💕，入口香滑，咖啡味濃☕️巨峰乳酸梳打 +💲8夠氣唔會過甜，今日天氣咁熱即刻可以消消暑💦💛💛💛店員好有親切感💕服務周到！

中午一點見完客，客人office喺正最多美食嘅天后，梗係食埋lunch先返公司。記得上次經過天后Diva樓下有D小店幾多人排隊，應該唔錯。諗住碰下運氣， 太好了唔駛等位就入得。小店舖仔細細Set Lunch menu都有6至7樣選擇，set lunch 可選擇餐湯🥣或沙律🥗同飲品。店員細心有禮，讚👍🍔🍟美國安格斯牛肉芝士漢堡配薯條 $138  賣相好靚嘅漢堡同薯條，漢堡包烘到鬆脆，主角安格斯牛肉漢堡扒生熟適中，入口香濃，肉質嫩滑多汁！完全唔乾！配埋新鮮生菜同蕃茄，仲有淡淡車打芝士香，簡直係完美配搭！好味！🍗🥬法式慢煮春雞配燒汁 $118 法式慢煮春雞個雞脾好吸引我嘅眼球，慢煮雞生熟啱啱好，所以雞脾同雞胸同樣嫩滑！燒汁好味，用黎點雞胸一流，配菜有煎香左嘅薯仔同青菜，小小咸味好惹味！  下次晚餐要再黎！