飲茶 (已結業)

上次去左旺角分店, 由於係food court隔離所以隔唔到油煙, 環境一般。今次去尖沙咀分店, 環境好好多, 雖然因為空間較細, 枱與枱之間都幾迫, 唔算坐得好舒服, 但起碼唔會好似旺角聞住隔離嘅鐵板油煙食飯。由於朋友第一次去, 所以緊係循例要食得意嘅點心。以下幾樣都好味, 睇得又食得, 最鍾意睇住流奶有好香咸蛋黃味~除左呢D預料之內嘅可愛點心, 估唔到最大驚喜竟然係睇落唔特別嘅野菌泡飯!!上菜時侍應先會將炸過嘅飯粒倒入口湯入面, 食落口感同味道都不得了。卜卜脆嘅飯粒配上清甜嘅什菌湯底好夾, 好好食。最特別嘅一定係口感, 因為一般泡飯都係普通軟淋淋嘅白飯, 係呢度嘅會炸過所以先咁好食。見到好多人推介, 係幾好食嘅。不過價錢就唔多值, 百幾蚊一碟菜, 都係試一次咁大把算了。果然健康係要付出代價...呢個醉雞我都好鐘意, 唔似外面食到嘅咁重酒味, 滑嫩雞肉配上醬料好易入口。粉皮彈牙, 口感唔錯。豆腐滑嫩, 睇落都好靚, 但同上面其他有特色又好食嘅菜式比較下就略為遜色。下次再食嘅話, 都一定會再叫野菌泡飯!因為呢個真係估唔到咁好食。

今次生日晚飯 「飲茶」初體驗 大滿足呀餐廳在The One附近 棟大廈高樓層係 瑞生酒店 設計都幾modern喎一早電話訂左枱 但去到話無落過booking 幸好都有即時枱安排到大家一坐低就為餐具所驚艷透明波波（含黑松露）大餐牌見到 但點菜紙無 問店員 照order到😍波波皮夠薄 內餡爽脆 配埋黑松露 好香呀睇住流奶 $49 流沙奶黃包 不會過甜 而且較重咸蛋香味鴿吞鳯梨 $59 賣相小巧精緻 帶酥香的鳯梨酥 影相一流椒鹽鬍鬚 $79 呢個大家讚不絕口 炸粉恰恰包住魷魚鬚 炸得香之餘 彈牙易咬 加少少青檸汁又更開胃了三杯醉雞 $69 無骨雞腿弄成醉雞卷 厚度適中 醉雞汁也很易讓人接受豬手豬腳 $69 清得很乾淨 沒有留著毛毛 汁料夠「蒜」青瓜索晒味都好正 友人不愛吃豬腳也能食青瓜舉手雞花 $79 賣相靚 「雞花」配上有點像鎮江骨既汁料 好搭配！連配上的菠蘿都好好味 推介！羽衣甘蘭 也是大餐牌有 點餐紙無的 照order了 羽衣甘蘭營養價值很高但唔係度度有得買/ 食，一見到呢度有 即點！！！呢道菜處理得很好 沒有苦澀味 配埋百合 清甜芳香大雞春卷 $59 香脆熱辣 餡料新鮮 花膠蒸飯 香

約左朋友尖沙咀食飯, 見呢間新開, 膽粗粗黎試下新野XD首先係橙棍冬瓜(因為掛住傾計, 唔記得左影呢個XDD), 我本黎都好鐘意橙味食物, 呢個菜一入口就已經食到橙味, 唔會好勁, 但又唔會太淡, 酸酸地、好清新, 真係好啱我. 同埋食落一D都唔似冬瓜, 幾得意.呢個叉燒包真係無得輸, 咁cute應該好多人都鐘意, 咬落去個下, 真係覺得有D殘忍, 哈哈. 叉燒好足料, 好夠味, 又唔會太咸. 我唔鐘意食果D望落去已經有勁多肥肉既叉燒包, 呢個就唔會比到我呢種感覺, 唔錯!呢個又係好得意, 但都係要食! 哈哈! 侍應拎黎時都有提醒要趁熱食, 但要小心. 抵讚! 講番個包, 流沙夠流, 同埋有蛋黃味, 好味!白糖糕上面有少少玫瑰花, 一口咬落去, 就已經食到玫瑰花味, 白糖糕又熱熱地, 感覺出奇地夾! 真係好好味! 鐘意白糖糕既人唔好錯過啦!牛肉燘得好腍好入味, 份量仲好多添, 拎黎送飯一流! 蘿蔔同蓮藕都好好味, 我平時麻麻地食蘿蔔, 都食左兩件.呢個菜個名好好聽, 雖然望落好簡單, 得幾款材料, 但食落都唔錯, 仲有D百合同杞子, 食左即刻覺得個人健康左! 聽侍應講, 呢個菜好多纖維

經朋友介紹,來到這間剛開張沒多久的新派中菜餐廳.感覺與一般茶樓很不同!而碗子裡有條金魚作裝飾~很有心思~MENU上有很多很多選擇.菜式名字也很特別!原來這裡不止是點心為主,也有很多創作的中菜.當然要試試招牌茶---睇住流奶XD 味道像奶黃包一樣~甜甜的.而且包子很軟熟!然後點了一道"舉手插花"(?) (哈哈忘記了菜式的名字)味道很有韓式炸雞的感覺.外皮有炸的味道和咬下去就有很多芝麻加上還有燒菠蘿,很開胃呢!看看MENU,也有不少甜品選擇.我和朋友當然也要試試~總括來說,很滿意這間新派的中菜餐廳!開放式廚房設計令客人感到有親切感~

呢排喺尖沙咀做野，經過呢度見到大大個poster,好似幾好食，就決定book位試下呢間新餐廳呢間似新派中菜，抱住中伏準備，一入到去環境寛躺得黎又幾優雅，有大枱細枱，放工同朋友黎食下飯吹下水都唔錯入正題，今晚試左好多道菜，樣樣都好精緻，味道都有番咁上下水準。每道菜個名都改得好特別，仲要標榜不含味精，開放式廚房睇到晒食物處理過程，睇得出老闆既用心XD服務都算幾好，服務員好殷勤幫我地加茶，不過可能新開，都有少少漏單情況，希望之後可以改善啦~叫左應該超過十道菜，有點心，有飯，有湯，有小菜，有甜品，一家大小應該都啱食。本來諗住埋單都唔平，結果五個大人都只係一千，都幾抵食，應該會再黎。