嘉華餐室

营业中

休息中

今日早收工，知道屋企附近開左間新餐廳，一於今晚去試吓，仲我有鍾意食的酸菜魚。老壇酸菜魚配埋白飯及湯，飲品轉左特飲加$12，老壇酸菜魚有魚片，酸菜，芽菜，乾冬菇，薯粉。魚片大大片魚肉嫩滑，酸菜酸酸地，芽菜爽脆，薯粉煙煙韌韌，湯底酸酸帶有少少辣幾開胃。老火湯好濃郁又鮮甜。布蘭尼肉醬意粉配法蘭克福腸，肉醬意粉好香撈埋意粉一起食更加美味，法蘭克福腸炸到好香口好好味。生炒骨，有青紅椒和菠蘿，肉質嫩又酸酸甜甜幾開胃。懷舊紅豆冰。鹹檸七

又到最唔想煮飯嘅星期一，決定罷工，同老公去屯門良景新開嘅茶餐廳試新嘢🍽。餐廳都幾大，環境寬敞舒適，開揚明亮。最近無乜胃口，最啱食啲酸酸辣辣嘅菜式，所以我點咗老壇酸菜魚$88，老公就點咗生炒骨$69。套餐跟中湯同飲品，都算幾抵食。1️⃣ 老壇酸菜魚🐟魚片新鮮嫩滑，份量剛好，最重要係無腥味。湯底魚香味鮮，酸酸哋好開胃，如果可以揀辣度就更好了。裡面有芫茜、大豆芽菜、酸菜、幾款菇同紅薯粉做配菜，好味道！2️⃣ 生炒骨🐖我老公嘅至愛！色香味俱全，炒得好靚，色彩繽紛（紅椒🌶、青椒🫑、菠蘿🍍、紫洋蔥🧅），見到就流晒口水。個汁整得好惹味好正宗，好啱配飯食🍚，生炒骨肉質都算新鮮，配料都炒得好香口。3️⃣ 雪山脆米朱古力🍫 特飲另加$12朱古力味香濃😍，上面仲有一層阿華田味嘅粉同脆卜卜嘅米通，賣飛佛！真心好飲！4️⃣ 龍鳳檸樂🍋 特飲另加$12好耐無飲過鹹檸樂了，好懷念，加少少🤏🏽錢都值，啱晒宜家熱辣辣嘅天氣，好清爽呀！另外忍唔住要讚一讚哩度嘅服務，職員好親切有禮，星級茶記！一定會再幫襯！