西塔老太太烤肉

营业中

休息中

喺openrice搵咗吓燒肉,發現咗呢間過江龍燒肉店,於是趁臨入黑未需要排隊就入咗去~好彩我哋六點前已經入座,到夜晚六點零幾乎已經滿座🤭本身都諗住睇吓有冇套餐叫,先知原來咁啱有半價優惠😱極上牛肉二人餐五點至七點前離座都係$298仲要免加一😨所以我哋諗都冇諗直接叫咗,啱唒我哋牛魔王食😋等嘢食嘅時候可以食住啲前菜先😋沙律菜幾新鮮,薯蓉甜甜地好好食👍🏻唔夠亦都可以再加套餐首先嚟咗個牛肉海帶湯,海帶超級無敵多😂飲咗兩大碗仲有淨👍幾暖胃又開胃然後我啲牛牛好快都到左😍肥牛嘅油脂分布得幾好,本身仲擔心會好肥,點知食落半肥瘦啱啱好!唔會韌亦都唔會好油膩👍瘦牛雖然脂肪唔多,但係食落都好軟腍,經醃製過唔使點其他醬汁都好夠味,同時亦都食得出牛嘅香味😋雪花肋條牛味好濃,口感唔錯,而且嫩滑多汁😋汁燒橫膈膜比較厚身,食落有啲咬口更加好食,非常適合包菜食👍🏻就算包咗菜,加咗蒜片同辣醬都唔會掩蓋咗牛本身嘅香味呢個真係打卡一流🤣賣相已經好吸引,加上本身都鍾意食燒菠蘿!原來呢個配搭係有根據嘅~菠蘿同牛一齊食除咗可以解膩,亦都可以喺燒肉嘅時候令牛變得更加嫩!雖然牛扒睇落好瘦,但我哋將菠蘿放喺牛上面燒,食落牛扒除咗有鳳梨嘅甜

為避過五一黃金周, 這星期決定留港消費, 同朋友去咗尖東呢間內地人氣燒肉店---西塔老太太烤肉。餐廳環境企理光鮮, 入座隨即送上多款前菜、配料、秘製醬料, 所有均為免費無限量添加。 今次散點了數款烤物share, 全程由店員即席協助燒烤, 服務貼心。西塔特色鮮烤鰻魚每日限量鰻魚去骨切成一件件, 每件都好厚肉, 店員協助將其燒至金黃, 皮脆, 有鰻魚獨有魚鮮味。分別配上兩set配料搭食:一) 以紫蘇葉+紫菜包住鰻魚食, 能於清香中吃出鮮味二) 鰻魚汁加上薑絲, 令鰻魚更為提鮮美味不過間中有幾件還是連帶幼小魚骨, 食嘅時候要小心 厚切豬五花肥大肉厚豬五花原條上, 由店員剪成兩條, 烤到咁上下再切成小塊再燒至金黃色。 表面香口, 肉質稍帶爽口彈牙, 連埋生菜加蒜片夾住一齊食, 有助平衡五花腩嘅油膩, 又能食到油脂肉香。老太太特色瘦牛醃製過嘅瘦牛無肥牛咁多脂肪, 但薄切令烤後肉質keep到好林冇渣, 配埋店內特製的芝麻醬, 更加香口美味。錫紙金針菇金針菇包中加入了蒜蓉、少量蔥同埋辣椒粒一齊烤, 金菇盡吸調味汁料, 惹味非常。牛肉石鍋拌飯拌飯熱辣辣滋滋聲上檯, 配料非常豐富, 有多款蔬菜絲, 牛

黎到尖東覓食 試一試西塔老太太 係內地多個城市都有分店架👍🏻 唔想諗食咩 一於叫佢個2-3人餐🤩前菜有六款 可以refill🤩馬鈴薯蓉睇落平平無奇 但原來好好食職員介紹佢地一個特色醬汁有麻醬 芫荽 蔥 白醋 豉油唔食芫荽蔥可以同職員講聲呢個醬汁好特別 未試過用麻醬點烤肉 差唔多點哂成碗醬！🌟老太太特色瘦牛 雖然瘦牛無乜脂肪 但係食落亦唔會韌🌟老太太特色肥牛 肥瘦相隔 唔會好重油脂味 食多兩塊都唔怕膩🌟雪花肋條 表面滿佈雪花 牛肉味香濃 肉質亦好嫩🌟燒汁橫隔膜 本新已經用燒汁醃製過 店員推介點辣既燒肉汁 都好match 燒肉汁只係微辣 唔食得辣既朋友都可以放心點🤪🌟豬五花 好肥美 豬皮烤到十分香脆 肉質都好厚實🌟芝士粟米粒 記得趁熱食 涷左芝士就唔拉絲架喇！🌟錫紙金針菇 用左辣椒同蒜蓉調味 完全唔會辣 好好食😋另外 值得一讚既係店員好主動過黎幫手燒肉 甘就唔怕會燒燶左👍🏻

雖然依家個個都北上消費，對於住屯元天嘅朋友仔嚟講北上仲快過過海，但對九龍友嚟講，其實無咁嘅精力、時間同毅力北上，所以唔係話北上消費咁簡單，呢個亦係點解始終要有內地過江龍店嚟香港開店嘅原因。呢間西塔老太太主打韓式燒肉，仲要開係尖沙咀，唔洗北上都食到😬環境估唔到係開係舊尖東一帶，個人覺得呢頭好似比較少人？星期五晚18:30嚟未到食飯時間，但一到19:00已經full house！勁旺場，睇嚟我嘅擔心係多餘。餐牌有Set抵食咁多，當然叫Set啦！但鍾意散叫都大把選擇。 招牌烤肉2-3人餐 $698如果單點套餐內嘅食物原價要$852，依家$698就食到，有7款食物，仲包前菜任添，平均每碟$100，尖沙咀地段可算係性價比高。全程職員會繞場一圈咁幫客人燒肉，我哋開頭18:30未有太多人時，店員會幫我地燒埋，但由於之後太full house，店員唔會企定定幫你燒，所以自己都要睇下火翻下面。 老太太特色瘦牛 瘦牛顧名思義肥肉較少，但牛肉依舊彈性足帶油脂，沾店家特調芝麻蒽醬更惹味。 老太太特色肥牛肥牛肥膏嘅部份大約比瘦牛多一倍，但又不至於過肥膩，我比較鍾意食瘦牛嘅人都接受到。 燒汁橫隔膜相對上油脂少一點

冇幾耐之前先喺深圳食過呢間烤肉，果陣都已經好受歡迎，要拎飛再等返幾個鐘頭先食到，估唔到咁快就喺香港開埋分店喇！呢間烤肉之所以咁出名係因為佢哋將原始嘅泥爐烤肉同韓式燒肉結合咗，烤肉味道別具特色！一於睇下香港呢間分店嘅水準係咪同大陸一樣咁正宗先～🌟招牌烤肉2-3人餐💰HK$698 (原價$852，而家做緊特價)前菜有沙律菜、腌蘿蔔絲、薯蓉等等，仲可以免費無限添加～✨芝士粟米粒套餐中嘅唯一熱食，用鐵板上令芝士保持拉絲，粟米同埋蟹柳粒充滿鮮甜嘅奶香味，趁熱食更好味～✨老太太特色肥牛 & ✨老太太特色瘦牛肥牛同瘦牛都係已經醃製咗，呢兩款肉嘅質地都係偏薄，易烤快熟，店員推薦呢兩款肉一定要點埋秘製芝麻醬一齊食，入口鮮嫩多汁，估唔到同個芝麻醬咁夾，毫無違和感～✨燒汁橫膈膜橫膈膜肉經醃製之後肉味更濃郁，而且肉質軟腍，店員建議想更加惹味可以點埋中間果格辣燒肉汁～✨雪花牛肋條牛肋條表面佈滿雪花，本身以為會好漏，點知個口感反而係比較爽口彈牙！店員話牛肋條都好適合點辣燒肉汁，加埋生菜夾住一齊食，感覺油而不膩～✨五花肉五花肉好肥美，輕輕烤過表面之後，店員會協助我哋將五花肉剪成一小塊！五花肉肉質比較厚實，豬皮烤至金