良記餐廳(老鳳冰室) (已結業)

同朋友經過深水埗見到依間冰室幾特別，入到去d環境充滿懷舊既特式，好似裝餐牌個架咁係舊時既信封箱。我地3個人食，嗌左幾樣野食👇🏻芝士豬排撈麵，d芝士淡淡地幾好味，豬排都幾多，依道菜係好味既。老鳳雞翼即係瑞士汁雞翼，味道都唔錯不過就唔會好突出黑松露炒蛋多士，其實係普通既炒蛋多士，不過上面加左好多黑松露芝士海鮮保鮮球，依個就味道麻麻野飲方面，嗌左兩杯d人尼必嗌既波波奶茶同飛仔華田，睇得出d飲品花過心思既特別既整體尼講依間冰室都值得尼試下既，野食都唔錯，價錢係唔算特別貴

今日下午約左同事去深水埗食lunch，佢帶左我去基隆街附近一間懷舊冰室，未入門口前冰室外觀都幾懷舊～入到去既裝修好有五、六十年代feel~感覺不錯坐低order左個午餐，個同事推介我飲波波奶茶～試下無妨，另外order左老鳳雞翼同黑松露炒蛋多士和同事share食～波波奶茶到⋯⋯杯奶茶入面有3粒用奶茶做既奶茶冰～好得意～試一啖，茶味好香濃、冇澀味～好飲黑松露炒旦多士～蛋好滑，炒得唔老，加埋黑松露啲味好夾～老鳳雞翼，一份有6隻雞翼，啲汁係秘製汁，雞翼好入味～我最欣賞杯波波奶茶～下次要再去飲

一間以舊香港做裝潢嘅新派冰室，牆上掛滿舊廣告畫跟李小龍電影海報，仲有一些舊香港面貌而食物方面種類都幾特別，好多創新配搭<黑松露海皇炒飯> $68其實係什錦海鮮炒飯，但加入大量黑松露醬去炒，令成碟炒飯更香濃惹味，食落仲有陣陣鹹香鮮味<老鳳雞翼> $36初頭以為係瑞士雞翼，但原來係滷上雞翼再加上芝麻跟蔥花，食落味道是夠，但可惜有點過火偏腍，而且啤水唔夠有雪氣味當日仲叫了<龍鳳七喜> $20 (其實係鹹檸七再加上檸檬)<泰式蝦餅> $36

今日同朋友下午逛深水埗，見到有間外型仿懷舊的冰室好多人排隊，再上Openrice 睇食評不錯又排隊食～ 店內裝潢精緻，每個角落都精心佈置過，加分！黑松露炒蛋多士，蛋香嫩滑，重點是黑松露多而香，再配上牛油厚多士，口感層次豐富，平民價嚐到酒店級水準，抵食！芝士豬頸肉撈丁，豬頸肉肉質肥美唔韌，芝士汁多而香濃，食到最後一口也不覺得乾身泛味。焗芝士海鮮保齡球，賣相吸引，芝士味同上一樣香，麵包外脆內軟，但海鮮味道略淡，被芝士味完全蓋過，而且份量略少，只有麵包的1/3 。老鳳雞翼，嚐到滷水的鹹，芝麻及香蔥的香，但肉質偏腍，唔算驚喜。蜜椒雞翼，相比老鳳雞翼，外脆內嫩得多，蜜糖多而甜，黑胡椒香而帶微辣，甜甜辣辣，好似BBQ的雞翼加上黑椒調味更惹味！飛仔阿華田，一次過食到又飲到香甜濃郁的阿華田，好味～另點了原味波波奶茶，似食緊很濃的奶茶味的思樂冰，好特別且有好多粒，可以同朋友Share～整體味道GOOD又飽肚，價錢大眾化，排隊再吃也是值得的 ～