良記餐廳(老鳳冰室) (已結業)

裝修吸引，可惜食物質素劣質。雪菜豬扒湯麵配3.6牛乳炒蛋，只有兩塊極小型豬扒。麵質過於腍，味道一般。芝士撈豬頸肉一丁，面底應該不是出前一丁，麵質過於腍，芝士味一般，不是太突出。奶茶沒有茶味，並且有苦澀味。只此一次。不推薦

星期五想去下不同的地方食下飯，行下行下。。。不知不覺的去到了深水埗。看看有沒有想試的食市，又好似不是自己杯茶。看見這間門面有趣的食市，記得之前都有試過，不過無寫過食評，不如今天寫la～我覺得這間的裝飾幾有個人風，自己鍾意的便放上wall 上面，不錯。今次要了個豬排蛋包飯，好特別的感覺。蛋包飯應該準確的説是蛋蓋飯，因為日本的蛋包飯是要成個飯都給包圍的。而下面有芝士汁，不夠濃芝士味。反而豬排是做得十分之出色的。整個飯，使我心情好複雜。點寫好。。。好有香港人去解讀什麼是日式蛋包飯。這個和我之前寫一平安的食評成了相映成趣的對比。一個是日本人眼中的廣東麵，而另一個是香港人眼中的蛋包飯。有趣，有趣，文化。今次有好多彩蛋的，例如這街其實是巴基斯坦街，又有真皮的平價皮革商店。300幾字了，下次有機會才寫千字文

星期六下晏想食個簡單既茶記，就上Openrice睇下深水埗區有咩特色茶餐廳，見到呢間好似都唔錯wo~就試佢啦。佢地Meun有好多種類既野食，但一坐底摸到本Meun油淋淋好污糟既感覺已經即時感覺不太好😓但既然黎到就照試下。我地叫左兩個湯麵set。雪菜豬扒上海🐷🍜同埋芝士牛肉濃茄湯通粉🧀🐮味道係正常野～價錢算中間店內既衛生程度真的要改善一下⋯但睇得出佢地係花左心思時間係裝修度，真係充滿懷舊既氛圍⋯個人是次體驗，一次就夠了。

這家懷舊港式茶餐廳的環境和裝修都非常值得一訪，吸引了不少遊客前來打卡。不過，食物的表現相對來說就有些失色了。芝士豬扒撈丁和咖喱雞扒蛋包飯都有偏鹹的情況，讓人有些失望。不過，也可以算是港式咖喱。最後，相對值得推薦的是他們的港式紅豆冰。可能因為要照顧旅客的口味，所以整體食物的表現相對普通，沒有太多驚喜。不過，如果你喜歡懷舊的環境和氛圍，可以品嚐一下他們的港式美食，感受一下懷舊的氛圍，下午茶係可以嘅，晚餐不太推薦🥹

✨ 老鳳冰室（ू•‧̫•ू⑅)⁡🎀 <蜜焦薯仔牛柳飯>𝚁𝚊𝚝𝚒𝚗𝚐: 𝟾/𝟷𝟶⁡牛柳炒得挺香口典型中式茶餐廳牛柳有用梳打粉醃過 肉質軟腍蜜汁味道很好配飯一流薯仔外皮微脆忍不住很快傳到掃清光⁡🎀 < 芝士豬頸肉撈一丁>𝚁𝚊𝚝𝚒𝚗𝚐: 𝟽.𝟻/𝟷𝟶⁡出前一丁不算太糊口芝士醬鹹度適中豬頸肉幾香口另外仲有半塊牛油多士加少少芝士醬吃也很不錯⁡🎀 <原味波波冰鎮奶茶>𝚁𝚊𝚝𝚒𝚗𝚐: 8/𝟷𝟶⁡波波冰直接用奶茶即是冰融了奶茶也依然香濃叫了少甜味道剛剛好⁡整體食物質素幾好價廉物美不過衛生情況一般吃飯時有時會見到小昆蟲⁡整體評分：😋味道: 7.5/10💰價錢: 兩人共約$90/ ppl*☼*―――*☼*―――*☼*―――*☼*―――*💖 良記餐廳(老鳳冰室) 📍深水埗基隆街216號地舖📞2660 8136⁡⁡ ⁡

好味指數😋😋😋回頭指數 ⭐️⭐️開心指數🤗🤗🤗去深水埗附近整嘢，搵吓有咩好食，見到呢間餐廳裝修有特色，網上見到 comment 唔錯，就去試吓！因為下午茶尾段時間到達，其實我係要食 dinner，本身睇緊下午茶餐有咩好食，睇落似乎唔會太夠，叫返單點 menu。🍴芝士豬頸肉撈一丁（$50）嚟到嘅時候，見到都幾大碟幾開心，因為見到鋪滿咗芝士，睇落好正咁！第一啖食落去，每條一丁麵都可以被芝士包圍，非常邪惡！牛油厚多士好脆，豬頸肉都幾爽口！不過... 食多幾啖就開始發現芝士汁個鹹味湧現，越食越鹹，食到尾段，近乎鹹到再放唔到入口！🍴懷舊雪糕紅豆冰（+$16）一丁麵可以加錢飲呢個紅豆冰，之前見到賣相好特別又得意，上面插住一張有餐廳名嘅威化餅啤牌，點知嚟到嘅時候只有一條圓柱形嘅餅，實在有啲失望！上面係忌廉，有三粒雪糕雪米糍，分別係士多啤梨、朱古力同綠茶味，紅豆都算粒粒分明，味道唔算突出，只係正常！整體上裝修係有趣，可惜食物質素一般，回頭率唔會好高！

誰來跟我邪惡一餐😈?每次去深水埗逛完，例必衝入依間充滿懷舊風格嘅冰室，室內裝潢超吸睛，佈滿60/70年代香港電影海報、黑白照…還播放著懷舊音樂🪇🎶！這天我們好克制地選了兩個”極低調”又”不太邪惡”嘅下午茶，你們懂的🤭🔅飛仔華田打卡之選，面層打了蛋白cream，還鋪滿格格脆片、星星粒、朱古力碎…，可想像到飲完有多滿足嗎🤤?🔅原味波波奶茶波波冰粒都係奶茶，所以溶化都唔會溝淡奶茶，但我會選擇原粒冰放入口慢慢咬，感覺勁爽勁冰涼，你會嗎🤪?➕️西多士➕️奶油多

餐廳裝潢幾有特色，擺放左好多6-70年代風格的裝飾，餐牌設計又幾有心思，可見老闆的幽默。除左一般茶記都有嘅粉面飯，呢度仲有一個幾特別嘅餐牌，就係消暑沙律餐，可以自由配搭兩款沙律和一款小食，同跟一杯熱飲，天氣熱無胃口食飯，想食下沙律開下胃，或者係輕食主義者就岩晒。今次黎食lunch沙律我揀左北寄貝蟹肉碎蛋沙律，吞拿粟米火腿扭扭粉沙律，小食就揀左板燒雞腿三文治，兩個沙律味道都不錯，北寄貝為沙律加添了一點爽口另外蟹肉的鮮甜同碎蛋沙律亦好夾，另外吞拿魚同火腿偏咸但加上粟米甜味和淡味的扭扭粉配搭起黎就剛剛好，最後板燒雞腿包，雞扒都幾juicy，食埋岩岩好7分飽。

地方裝飾非常特別，走懷舊路線，可以打卡！我係早餐時段來，不用等，睇完餐牌，緊係叫個不平常的餐！Angus Beef 米粉，好似好 high class 😂😂味道不錯，牛腩係有牛味的，好入味好淋，湯底是清的，所以加入濃味腩汁就 perfect 啦！份量都好大碗下～最初唔知咁大份，我仲加左份腸仔蛋多士，腸仔不是廚c腸，係台式果種肉腸👍，好在炒蛋可轉烚蛋，可以瘦返d😜最後都係要抱住個肚走。下次想食午晚餐，D菜名好特別，好吸引❤️！

有一個好姊妹要移民啦，所以一定要食餐好食嘅，順便可以比大家傾吓八卦嘢，揀咗呢一間餐廳食飯，一入到去呢間餐廳嘅佈置好正，十分舒適可以俾我哋傾吓計都幾唔錯😙😍雞翼沙律意外地有啲驚喜，軟硬度恰到好處，好juicy，入味好香，成件事啱啱好。

呢 間 懷 舊 冰 室 被 佢 嘅 裝 潢 吸 引 六 七 十 年 代 香 港 電 影 海 報、黑 白 照、舊 式 信 箱而 且 仲 有 懷 舊 音 樂#深水埗真係好多野食之 前 已 留 意 佢 嘅 保 齡 球 X 波 波 奶 茶✨✨✨✨✨✨✨✨✨✨✨飛 仔 華 田 $24非 一 般 華 田，外 貌 已 勝 出除 左 凍 華 田，面 頭 有 蛋 白 cream 仲 插 住 塊 啤 牌 餅朱 古 力 餅，格 格 脆，星 星 粒......簡 直 成 杯 甜 品但 飲 完 一 大 杯 確 實 有 少 少 滯。焗 安 格 斯 牛 腩 保 齡 球 $68上 枱 一 刻 香 味 噴 噴 賣 相 吸 引，牛 腩 口 感 鮮 嫩 不 韌 麵 包 外 脆 內 軟 但 少 部 分 燶 左 芝 士 醬 夠 濃 郁，入 面 裝 滿 飯 粒 口 感 豐 富。聞 到 隔 離 枱 黑 松 露 炒 蛋 超 強 味 道唔 怪 得 咁 多 人 食 啦P.S. 可 惜 我 對 黑 松 露 冇 咩 興 趣💛💛💛💛💛💛💛💛💛💛💛店鋪: 良記餐廳(老鳳冰室) (深水埗)地址: 深水埗基隆街216號地舖#nkiki冰室 #nki

行勻福榮華、汝州、鴨記……去到基隆見棚架下有間望落看似不甘平凡嘅茶記，腳仔都軟，都要入去喇。Mix咗啲七八十年代風味嘅裝潢擺設。餐牌總算唔係嗰啲腌悶選擇，我揀咗「安格斯牛腩湯米線」、追加「3.6牛乳炒蛋肉醬焗薯泥」。牛腩係碎腩，餐牌雖有辣椒指示但全無辣感無需過慮，唔特別有牛味；炒蛋幾滑，係個薯泥好死實亦略嫌唔夠薯味。最錯係口多補錢叫左杯特飲菠蘿冰，用咗我最怕嘅車厘子糖水，似足西醫咳水味，菠蘿亦冇香甜味似罐頭菠蘿，中伏感頓出。距離我理想嘅早餐味道似乎仲有段距離。

第一次來到這間冰室，在炎熱的天氣下，吃一杯又靚又足料的雪糕紅豆冰，有三色雪糕糯米糍（朱古力、士多啤梨及綠茶味），一次過滿足我幾個願望，紅豆、雪糕及朱古力，勁開心。及吃一份魔鬼雞排包。冰室佈置懷舊特別，價錢適中。下次要試波波紅豆奶茶服務態度親切

🍞黑松露炒蛋多士 $38多士擺底時聽到隔離枱個男仔話點解咁大陣菇味😂可見佢真係好濃郁 炒蛋真係好厚食得出用咗唔少牛油炒 加埋上面大量嘅黑松露醬好滿足但都幾膩。比較建議同朋友分如無意外都唔會再嗌佢啦因為試過3次每次翻屋企都肚痛。

老鳳冰室感覺比較懷舊，食物好抵食！有湯麵、芝士撈丁、焗飯、炒粉麵等等既野食，而呢度最特別既，一定係menu入面既“保齡球”🎳就咁睇個名都唔知係乜，但係呢個真係必試！勁正勁好食👍  1⃣️焗安格斯牛腩保齡球（$68）用麵包裝住既焗飯😍麵包焗得勁香脆！食落喀喀聲！仲另外比多兜芝士汁用黎點麵包食🧀️牛腩夠淋而且同啲醬汁焗得好香🤤入面啲飯同埋麵包完全比醬汁覆蓋曬勁邪惡勁正🥰  2⃣️雪菜豬扒上海湯麵配牛乳炒蛋多士（$38）呢個好抵食！豬扒大大件，味道冇乜特別，有炸過再浸落碗麵到。食落豬扒唔會乾鞋，亦都有適當調味過，上海麵算多，配埋雪菜同買肉碎一齊食，幾香bor😲呢個價錢仲包多個牛乳炒蛋多士，多士搽上牛油再烘過，個邊烘得幾脆😚配埋炒蛋一齊食，好滿足。