Mee...lemongrass (Megabox) (已結業)

疫情下的香港人，平時泰國菜不太希罕。但是，我們過了三個月的疫情後，各人的旅行癮都忍唔住要爆了，連平平無奇的泰國菜都變得好特別了。 LEMON GRASS 是吃泰國和星馬菜，當中的表表者就是肉骨茶和喇沙麵。 先介紹肉骨茶，色香味和正宗馬來西亞肉骨茶幾乎一樣，都是較深色福建派的。材料包括豬骨，豆卜。豬骨肥瘦均勻，豆卜可以索哂D 湯汁，味道非常濃淆，性價比非常高。 另外喇沙麵，成本MENU 最囑目的就是龍蝦喇沙麵，作為第一次光顧這間舖頭的，在眾多選擇中，一定會揀佢。原隻龍蝦配上分量十足的麵，這麼大大碗，都接近是二人份量。把兩個妹子吃飽絕對無難度! 以為龍蝦只會出現在高級餐廳，但以平民餐廳來說，絕對非常罕有。

前幾日去MegaBox 逛逛見到呢間餐廳未食過，就同男友行入去試試，聽講肉骨茶好好香夠味，而且配料十分充足，食過返尋味，而且而且啲豬骨汁炆得好琳，佢跟餐仲有埋啲小錢財同埋嘢飲十分之抵！ 會再去！

今日初八開爐，啲同事唔想又飲茶開年咁悶😴，去Megabox徘徊無助😵時就見到呢間新開嘅星馬🇸🇬🇲🇾菜，平時好少上到11樓咁高搵食，據員工所講呢間都開咗幾個月，不過中午一點🕐所見人流唔算多，一入就有位喇！我地一行四個點咗海南雞配喇沙、咖喱牛同2個肉骨茶餐，全部唔使五分鐘就上齊，大家都極速開動喇！肉骨茶🦴啲料有好多，但湯嘅顏色比較淡，食落亦冇咩藥材味，似係肉湯多啲，而主角肉骨唔多入味，亦都無肉味，比較可取就係肉煮得軟硬適中，反而作為配料嘅腐竹同豆卜就好入味，而冬菇食咗一舊有苦味就冇再食。同事食咖哩牛🍛就好評不斷，除咗白飯🍚夠大碗可以配食咖哩，啲牛腩同牛根🐮都煮得好軟身，咖哩有好香濃嘅椰香味🥥，送飯真係一流，唯一美中不足就係個湯淡得好似水咁。另一同事食海南雞🐥配喇沙，覺得喇沙既椰香🥥都好出，但麵略為硬身，啲雞睇落好吸引，食落卻冇咩雞味🐥，令人有啲失望。

megabox餐廳近期又多左啲新嘅餐廳，經過呢一間其實同上一手好似，午餐唔貴大概70蚊加一左右，而且望落好似都幾豐富。叫咗招牌海鮮喇沙 ，喇沙都幾多料，有蛋、鮮蝦、魚蛋、蟹柳 及豆卜等。一嚟到有啲醬喺個匙羹度，可以自己按喜好落曬或者落少少，喇沙望落去湯底好似唔錯，開頭食落去味道都ok，但係佢冇乜辣味，越食越咸，其實都麻麻地蜆相對地比較腥， 而蝦都唔太新鮮，肉質較差。午餐配前菜有海草 ，海草有啲酸酸地，怪怪的。同埋嘢飲揀咗泰式奶茶，味道似港式奶茶多啲，餐仲包甜品不過係士多啤梨奶凍，見到賣相都唔係太想食。朋友叫左肉骨茶，肉骨茶味道香濃，充滿藥材味，呢個唔錯，而且份量好多。價錢黎講唔貴，不過不失。 回頭率極低。