榮哥煮場 (已結業)

尋日去旺角食飯，見天氣有啲凍想搵暖笠笠嘅小菜食，見到呢間餐廳嘅二人餐唔錯，四款煲任揀一個，自選小菜，仲送前菜同甜品～陳醋雲耳雲耳爽脆，配上酸酸甜甜嘅陳醋非常開胃，而且味道啱啱好，又唔會太甜又唔會太酸，仲都幾大碟添～胡椒豬肚雞煲天氣凍飲返個胡椒豬肚湯熱辣辣好暖胃，湯底鮮味～ 豬肚洗得幾乾淨，好爽脆～ 雞件肉質嫩滑，唔會太肥，又唔會過瘦，煲出嚟啲湯奶白色而不膩～皮蛋肉碎浸時蔬生菜新鮮翠綠，份量都幾大碟，配埋皮蛋同鮮雞湯好健康～腐竹薏米糖水豆味香濃，薏米軟糯煙韌，甜度啱啱好，暖胃滋補～

出到旺角搵食，又係選擇困難症發作既時候。突然間行過榮哥煮場，記得有朋友講過呢間既雞湯煲好正，所以就二話不說衝入去試。可能入坐時間尚早，所以我地一行二人完全唔需要等位。二人套餐啱曬我呢D懶人，最後我地叫左胡椒豬肚雞煲。個煲一上菜既時候真係香到不得了。就算有火熱住個煲，雞肉亦不會煮得老。而雞湯亦都係呢個煲既精華，記得要飲埋佢。一份小食亦跟隨住雞煲送上。涼伴黑木耳酸酸甜甜，食完好開胃。套餐的另一款主菜，我地選了柚子蝦球，應該都係另一款必試菜式。啖啖蝦球，肉質好爽彈，柚子同蝦球味道十分夾，食到停唔到口。套餐會跟兩碗白飯或者一大碗米線，仲有好多不同選擇。大碗米線用雞湯底去煮，絕不失禮!我地加錢換了兩支樽仔飲品，味道都不錯，但原來最後仲有糖水送，飲品唯有拎返屋企慢慢飲。呢間一定會再黎，好想試埋其他雞煲同小菜!

天氣突然凍左好多，最適合食返d暖粒粒既小菜或煲🤔今日行經波鞋街發現呢間既餐牌上有好吸引既煲，入面都坐滿晒人，撞一撞彩希望唔洗等位🤩因為本身都想食煲，第一眼就見到胡椒豬肚雞煲，佢個餐好抵🤤$268有一個煲，仲有小菜，白飯，糖水👍🏻而且仲有前菜，涼拌雲耳，大大碟，酸酸地好開胃。個煲連爐上，keep住暖笠笠，個煲都幾大個，雞同豬肚都好多呀！識食第一啖一定要試湯🤩味道真係好濃，胡椒既少少辣味好正。雞肉好嫩滑而且好入味👍🏻啖啖肉，皮夠薄。之後豬肚連湯食，真係煲到好林，豬肚入晒味。酸菜煮豬頸肉酸菜同豬頸肉既份量都唔少，呢個湯都好入味呀，撈飯一流☺️加上個湯同酸菜都唔太辣，岩晒香港人口味。楊枝甘露最後仲有糖水添🥰楊枝甘露好滑，唔會太甜，仲有爆爆珠，口感好正。

📍#榮哥煮場 (旺角)旺角山東街55號地舖♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺位於旺角山東街既一間小店 店員親切有禮，而食物款式主要都係以中菜為主 ~ 二人套餐$268都幾抵食，有前菜、一個煲、一款小菜，仲有甜品。除咗二人套餐之外 最近推出咗濃湯雞煲翅，足夠二至三人食用 用$268套餐價 +$100 就食到😝 仲係全日供應👍🏻❣️# 胡椒豬肚雞煲💰 $268餐廳提供二人套餐優惠，包括酸菜魚魚煲、雞煲等，冬天食熱辣辣一定更正✌🏻榮哥胡椒豬肚湯主打無味精，雞煲雞肉同豬肚份量都好多雞肉都算幾滑 大概應該都差唔多有半隻雞~❣#酸菜墨魚片💰墨魚片爽口彈牙好加分 ~ 酸菜足夠 味道偏酸 個人認為都ok，但未至於係有好大驚喜。🔺🔺🔺🔺🔺🔺🔺🔺🔺🔺🔺🔺🔺