涮得棧星級火鍋 (已結業)

四位或以上才可以包廂的廂房 , 今次幸運地取得到。 「涮得棧」 是譽宴集團旗下的品牌 , 而「譽宴」更是著名的婚宴服務先驅 , 進餐當晚原來是宜嫁娶的好日子 , 託數對新郎新娘的福 , 他們都把「譽宴」的本部訂了作婚宴場地 , 因此普通晚餐的客人都安排在同一層對面的「涮得棧」, 而我們這些「涮得棧」火鍋客就可以進駐廂房。自從年頭參與了親戚在「涮得棧」攪的火鍋局 , 要甚麼、點甚麼都是親戚話事 , 我們做小的當然是唯命是從。 但是對當時那個花雕醉雞鍋的美味 , 吃完可以全身暖烘烘的感受 , 的確是記憶猶新。 難得這天我倆要到黃大仙辦點事 , 不如晚餐就番尋味 , 秋夜滾一滾。從知客口中得知可以進駐廂房 , 那份快樂真是不能言傳 , 要知道廂房的私隱度高 , 又有獨立電視 , 無論轉甚麼台、調大小聲都是自己操作；廂房不設最底消費 , 只要是四人或以上便可以要求。  沿扶手電梯走上一層 , 左邊是 「涮得棧」、右邊是 「譽宴」, 那時候的 「譽宴」不時傳出歡呼聲 , 我內心也有為他們而高興 , 遙遙送上無名的祝福。推門進入「涮得棧」, 這個時候的大廳還未有晚飯食客 , 但是火鍋客都已經隱身在

雖然依家食火鍋都無分季節，一年365日都可以，不過，晌冬天尤其感覺特別有風味。就好似盛夏之時，雖然可以開大冷氣打邊爐，但食完一出門口，夏死辣辣，無晒涮完火鍋之後嗰種禦寒嘅感覺；相反，晌寒冬之下，涮完火鍋一出門口，寧捨有種仲喺暖笠笠嘅感覺。今晚，雖然未喺好凍，天氣都有啲涼，經介紹下，就同幾個朋友嚟到「涮得棧」涮涮火鍋，慢慢涮，慢慢嘆！明明嚟到店舖附近，都望唔到涮得棧，原來佢喺譽宴所開嘅火鍋店，譽宴個霓虹招牌勁搶眼，所以涮得棧個招牌差啲睇漏眼。餐廳就晌一樓，一邊喺譽宴，另一邊就喺涮得棧。估唔到涮得棧地方幾闊落，枱櫈間隔亦都排得唔逼，感覺寬敞舒適。最正喺原來店內有多個獨立廂房，有大有細，據店員話4個起就可以訂房，仲要無最低消費，最抵死有埋平面大電視，唱埋K都仲得，真喺搞生日、聯誼吓都唔錯喎，可以食得更自在！翻一翻火鍋點菜紙，都有幾多選擇，配料夾夾埋埋超過80多款，而海鮮類似乎幾有睇頭。最有趣喺晌譽宴嗰邊見到個刺身房，所以涮得棧同樣有刺身供應，以及餐前小食。順帶一提，雖然招呼我哋喺啲阿姐，但殷勤有禮，經常主動換碟加湯，成日都多謝前多謝後，值得一讚。醬料醬料費每位收番$15，調味架放晌一旁，有醬