潮州合成甜品

营业中

休息中

九龍城多糖水鋪所以每次難得係附近食完飯之後總要食番碗先走合成糖水係專食潮洲中式傳統糖水佢嘅馬蹄沙都出名但今次我只係叫左海底椰燉雪耳同腐竹湯丸海底椰燉雪耳原個椰皇上入面用番D椰子水再加入雪耳同大量椰皇肉D水幾清甜 好滋潤嘅感覺好多椰皇肉 咬口十足不過雪耳偏硬腐竹湯丸 腐竹味重啖啖都有好多腐竹碎味道唔太甜 幾好湯圓係芝麻味 正～不過依度座位較迫坐得唔太舒適定價也稍為高左d環境氣氛： ★★☆☆☆食物質素： ★★★★☆服務態度： ★★★☆☆

難得今日同FD係九龍城泰國野，緊係要直落食埋合成啦。 紅荳沙清心丸  $35每次黎都一定會點清心丸，煙煙韌韌既口感太正，所以今次都唔例外叫左紅荳沙清心丸，紅荳沙夠綿，甜度適中，清心丸一如以往煙韌但又有種說不出既不一樣。 腐竹湯丸 $35朋友叫左腐竹湯丸，好味既既腐竹糖水係煲到溶晒既，佢就正正做到呢點喇，而且又唔會過甜，食得出好香既豆香味，另外湯丸係芝麻，大大粒餡好多，係正既！總括黎講佢都算係Keep到一直既水準，係清心丸口感有少少差別，但都係煙韌既。

同朋友係對面食完泰國野, 飽到胃都反出黎, 但佢地堅持黎九龍城, 食完飯一定要食合成, 講到好似地標咁, 就試一試啦個餐牌睇到眼都花腐竹唔算太多, 而且味道偏淡, 反而芝麻味湯丸皮好薄, 無一舊舊粉團, 總算不過不失同樣腐竹都係偏淡, 可能係岩岩食完泰國野太濃味但食完清心丸感覺好surprise~! 佢係好煙韌帶少少甜既味道, 連埋薏米水一齊食就岩岩好加左清心丸令成碗紅豆沙都加曬分有大大粒紅豆, 味道係適中, 唔會好甜, 唔錯

同友人吃完泰菜，明明都好飽不過都有人提議話不如食個糖水，大食友又再出發﹗地點是合成，平日的夜晚仍然高朋滿座，四個歐陸身型的大男人只能迫在一個四人卡座。現場所見好多客人都係遊客，友人亦盡地主之儀幫下手同佢地影大合照，場面十分熱鬧﹗一向都唔太鍾意食甜野的我叫左個清保涼糖水，用料夠哂多直頭料多過湯，雪耳夠滑又潤，味道不會太甜很岩我，再加上大量的薏米蓮子等，夠咬口又飽肚﹗吃中式糖水我最鍾意加蛋，我覺得烚蛋配上甜湯味道很捧，咬開蛋後蛋王四散在糖水中吃落更有味道更濃更香。友人的芝麻糊也做得很好，濃滑有致，我在對面都聞到很香芝麻味，唔洗食都覺得正﹗大家吃完捧腹讚好，在九龍城要吃傳統糖水必選合成﹗