影片
港铁宋皇台站B2出口, 步行约2分钟
继续阅读
电话号码
23833026
开饭介绍
「合成」潮州糖水可謂食到街知巷聞，特色的潮州糖水人人稱讚。總店位於深水步石硤尾街，連粉麵亦有供應，而這間九龍城分店則只售糖水，水準穩定。
继续阅读
营业时间
今日营业
15:00 - 00:00
星期一
全日休息
星期二至日
15:00 - 00:00
以上资料只供参考，请与餐厅确认详情
相关文章
【合成糖水】跟友人晚飯後意猶未盡，在夜啡與糖水之間選了後者。聽過潮州合成糖水好多次，不如趁此機會試試。如不少九龍城老鋪格局一致，非常傳統簡潔敞亮，位置被阿姐分配到樓梯底下，說坐這就不用搭枱，看來是種恩賜。雖然阿姐看來冷冰冰，但事實服務不差，會推介糖水坐久了也沒驅趕。接受阿姐的推介，選招牌蓮子綠豆邊薏米馬蹄沙清心丸$69。一直聽過合成評價毀譽參半，卻未有留意其價格也有點誇張，招牌糖水索價$69中式糖水界也屬少見，由於文迪甚愛馬蹄爽，所以就直接了當點招牌，朋友比我理智沒點招牌，就按口味選蕃薯糖水。招牌蓮子綠豆邊薏米馬蹄沙清心丸($69)，說是招牌是因物以罕為貴？說真的除了是正宗潮式糖水外，味道其實沒有太特別。配料是多樣豐富的，但飯後甜品份量是太大了，馬蹄綠豆薏米十分平凡嚐不出分別來，甜味也未能融入其中，清水丸的特別口感仍有，但印象裏在其他糖水鋪遇過更出色的，而近來深圳人氣潮汕甜品糖閱蓮軒，味道亦可口親和得多。反而朋友的番薯糖水($37)較為正常，老薑香氣濃烈，蕃薯份量亦多。朋友說九龍城有另一家更平民美味，霖迪想若然非對潮式甜品有情意結，這家還是非誠勿擾了。潮州合成甜品九龍城龍崗道9號地舖#文迪漫遊慢生活
继续阅读
聽朋友講呢間潮州口味老字號糖水舖咁有名，忍唔住同朋友去試吓，點知結果真係令人大失所望。叫咗兩款糖水，再加咗清心丸，但無論係味道定性價比，都同「值得一試」差得好遠。.川貝蓮子雪耳燉木瓜 ($65 + $4清心丸).一入口，甜度控制得幾好，啱啱好唔會太甜，但糖水份量就偏少，或者應該講佢個碗真係好細，所以雖然相片見到好多料，但其實唔多，只係個碗出奇地咁細，成碗糖水食完感覺真係好一般，感覺空虛。.至於加咗嘅 清心丸，就真係一個迷。朋友形容得好搞笑，話食落好似擦膠咁，哈哈～質感偏粉，口感偏韌，完全唔好食，仲要額外加$4，真係有少少唔值。同其他店嘅芋圓相比，清心丸可以話係相當失色，建議唔加反而好啲。.特製重薑味番薯糖水 ($37 + $4清心丸).呢碗糖水因為薑味非常突出，入口即刻感受到陣陣辣勁，對於鍾意食重薑味嘅朋友嚟講，應該會幾滿意！而且番薯煲得夠腍～.但同樣，呢個 清心丸 又係出現一樣問題，粉粉地完全冇味，好似一團無靈魂嘅粉團，根本唔應該加落糖水度。$4真係可以省返嚟買多一塊番薯都好過！.總結.整體黎講，合成糖水 嘅確有啲老字號嘅氣勢，夜晚仲係坐無虛席，可能因為咁人氣關係，價錢方面就比較進取，大部分糖水都要 $60 或以上。以我哋今次嘅體驗，味道一般但又未去到「非食不可」嘅程度，尤其係加料清心丸嘅表現，令性價比再低一格。.如果你鍾意甜品，又唔介意試一試重薑味糖水嘅話，呢度可以一試，但未必值得特登排隊去食。.🔖 整體評分: 4/10📍 推介菜式: 重薑味番薯糖水（建議唔好加清心丸！）💡 建議: 想試嘅朋友建議避開繁忙時間，唔好為咗話食過而去排隊，因為價錢同份量都未必太吸引。
继续阅读
今日無意間行到潮州合成糖水，呢間鋪頭喺區內已經算係一個老字號。牆上掛住好多報紙剪報，寫滿咗舖頭嘅歷史同創辦故事，仲有個「蓮子大王」嘅稱號，瞬間俾人一種歷史悠久、好有文化嘅感覺。本來只係想嚟食一碗簡單嘅糖水，但見到牆上貼住好多特別配搭嘅甜品推薦，忍唔住就點咗一碗 芒果西米涼粉珍珠丸加清心丸（$58）。見到配料多到令人心動，特別係清心丸，份量多到五粒起跳，完全唔會客氣！糖水上枱嗰一刻，啲芒果鮮黃吸引，涼粉黑亮閃閃，仲有啲小小嘅珍珠丸，成個配搭好豐富。湯底係黑糖水，甜度啱啱好，唔會過甜，令人飲完之後口感清爽。芒果肉質軟滑，帶住自然嘅香甜，西米圓潤煙韌，涼粉嘅清涼感好適合夏天食。至於清心丸，咬落去有啲似燕窩嘅口感，入口即化，配埋黑糖水嘅香氣，成碗糖水嘅層次更加豐富。呢碗糖水嘅配料都幾多，每啖都可以食到唔同嘅口感同味道，唔會有單調嘅感覺。而且清心丸嘅份量真係唔少，五粒起跳，食到好滿足。呢碗糖水絕對係呢間老字號嘅精華之一，特別係黑糖水嘅清甜，同各種配料配搭得非常完美。食完之後，發現潮州合成糖水除咗傳統嘅潮州糖水，仲不時創作新嘅口味同配搭，感覺真係好有誠意。今次試完呢碗糖水，真係覺得值得再嚟試其他款式。
继续阅读
今日又喺合成試咗個番薯糖水🍠，真係好正！糖水啲甜度啱啱好，唔會太甜🍯，飲落去暖笠笠，特別適合呢啲天氣。番薯煮得好腍，入口即化，仲有淡淡嘅薑味，令到成個糖水更有層次感😋。整體嚟講，呢個番薯糖水真係值得一試。另外環境都幾舒服，服務人員都好有禮貌👍。下次一定會再嚟試其他糖水🍧！
继续阅读
叫左個綠豆清心丸，滿心期待，食第一啖差啲吐返出黎，有冇人可以話我聽冇味既糖水係咪可以用商品說明條例告佢😤😤😤上一次幫襯我諗都係一兩年前左右，雖然係比起全盛時期差左少少，但當年都算好食既，揸車經過都會去買黎食吓。但今日專登揸車去買黎食，真係食到火都黎埋！！！！！清心丸同以前比較真係難以形容，成舊唔知乜野黎，口感似大菜糕，唔彈牙冇咬口冇味道🤬🤬🤬啲綠豆邊好似麥皮，我真係唔知食緊啲乜😤😤😤仲要成碗糖水真係好水，稀到爆！🤬🤬🤬
继续阅读