大阪李朝園 (已結業)

盲中中漫無目的走咗入去，一入去嗰店員就問玩唔玩小丸子？原來玩小丸子的話就坐下面，唔玩的話就坐高凳高檯，老公見到幾得意玩呢就話玩啦！佢比嘅份量係剛剛好足夠整到18粒一底小丸子，一開始個店員會教你整，佢會幫你落油，啲油嘅份量係鐵盤嘅五分之一多到呢～ 嚇到我唔敢整黎食，老公話整住一粒先其他嗰啲等啲油揮發下先再整，但原來呢個方法系唔可行架！因為啲油過熱嘅時候會係咁彈上嚟～ 最後局住係好多油嘅情況下一次過整18粒。自己整味道都ok 其實都幾得意～另外再叫左個冷麵～ 不過有啲失望因為佢係用日本素麵而唔係式冷麵嘅麵質～ 而且唔知係唔係附近有個爐嘅關係，所以個冷面不太冷～ 不過整體經驗麵幾得意而且價錢都好經濟呀

早前，看到食友的食評，得知位於銅鑼灣駱克道的 <大阪李朝園> 可自家即製小丸子！  似乎幾有趣！可邊食邊玩樂滿 fun！ 在 6月中旬，相約一位好朋友同行，店子位於銅鑼灣鵝頸橋附近，方面易找！  當時店內一半食客都未有，加上為了一嚐自家製小丸子，先預約訂枱；因此我們可以 7:00 直接入座。進食期間，不經不覺便坐滿食客，  店子真是好生意！離開時，還見到門外有食客等候！店內地方淺窄，坐得迫狹！  基乎跟後面桌的食客椅背貼椅背；  幸好，我們沒有被安排到高餐桌椅！否則更不舒適！ 細小的關係，加上店員好大聲，顯得特別嘈吵！ 所以，我們一致認為，來這裡一次就夠嘞！不會帶其他朋友來幫襯！ 由於，有不少食客點自家製小丸子，油煙味瀰漫滿室！頭髮也沾上油煙味！ 餐牌裡琳瑯滿目的韓式美食令人花多眼亂！  圖文並茂知道其賣相，讓我們選擇起來也方便得多嘞！  其中一個選擇當然是自家製小丸子！ 小丸子雖然不是近年的新派美食，如果，換個角度，由自己弄製的話，感覺就截然不同及更有樂趣嘞！  放上製小丸子的器皿爐具後，即時佔去半張枱！  牆上的海報教食客製小丸子的步驟