和牛燒肉一郎 (百誠大廈)

营业中

休息中

‘和牛燒肉一郎’算是近來食過最高質嘅日式燒肉店，供應坊間少見嘅小田A4和牛，燒肉套餐豐儉由人，由$298-$938不等，星期一至四價錢比較平，今次試咗套餐C ($598/位），有110款食物選擇，包括雞肉、豚肉、牛肉、牛壽司、牛刺身、炸物、甜品等等，非常豐富，食物透過’燒肉新幹線’送到面前，非常有gimmick。除咗單點嘅食物，仲有極尚花盛盒、舟盛、桶盛，賣相非常精緻，好啱打卡，極尚花盛盒將肉類砌到花瓣，好似拎住一盒花；另外舟盛好似海盜船，上面嘅旗寫住餐廳名，舟盛除咗肉類，仲有2款海鮮；桶盛以肉類為主，諗吾到點咩既朋友可以直接點組合盛，可以一次過試晒唔同品種嘅肉類。最深刻係是日寶箱，入面放住當日新鮮即切小田和牛，仲有乾冰，職員仲會當場幫你燒埋，牛味濃，咬落去有口感。另外牛壽司亦很出色，有生牛肉壽司同埋香蔥生牛腹肉碎壽司，色澤呈鮮紅色，質感柔軟。特選拌生牛肉混合左柔嫩生牛肉粒同埋生蛋黃，入口非常滑。鍾意食牛舌嘅朋友一定要試極上厚切牛舌同埋特上牛舌棒，入口爽脆有嚼勁，薄炙蔥花牛舌將牛舌切至超薄和一大塊上菜，燒一陣就食得，油花均勻，非常爽口，非常值得試。整體來說，肉類非常新鮮，用料上乘，二甜

佐敦係搵食天堂, 今次慶祝生日, 試下柯士一間燒肉店, 今次一家大細黎, 係俾佢既鹿兒島得獎肉 - 小田牛 同 任食沙律吧及飲品任飲吸引左黎!店內乾淨整齊, 而且店員人數好多, 服務態度好好, 仲放左2大部小米空氣清新機, 唔會食到成身油煙味!大部份係4-6座卡位, 部份卡位有自動部餐的路軌~卡位都坐得好舒服, 不過冷氣都幾凍~首先我地ORDER左 泡菜組合 + 涼拌小食盛合食大餐前先開胃微辣的泡菜組合 – 有青瓜, 蘿蔔同大白菜, 可以洗洗吃肉後油膩的感覺~ 涼拌小食是紅蘿蔔絲, 大豆芽, 菠菜~ 淡淡麻油味~都幾香口~唔算濃味~肉黎啦! 舟盛  - 最抵食, 有牛/豬/雞/貝類/海鮮/腸仔及蔬菜! 牛肉 – 牛外橫膈膜,牛里脊肉, 牛肋條肉, 牛肋肉共四款, 一次過試了四款牛肉, 最特別係” 牛外橫膈膜”, 仍然有一層衣痴住架, 我都係第一次食!其他的肉味好濃好JUICY!豬/雞/扇貝/大蝦 各一款, 帆立貝及大蝦都算新解,肉質實淨無沙~ 雞肉嫩滑, 豬肉是五花腩片,燒完好香好好味!本日之寶箱 – 是小田牛的肩胛肉!油花勁多, 超肥美呀!! 放去爐到燒十分搶火,薄切的一片好快就可以

早前見到雜誌介紹，就諗住老公生日同佢過黎試下。點知已經預約到四月中，今日終於食到。其實黎之前都見到呢度有D食評話麻麻地，但係見老公係和牛痴，又一早訂左，就試下啦。全店有六款價錢的放題，因為限時120分鐘，建議先在家決定左邊個餐，跟著就唔駛浪費時間。咁一場黎到又慶祝生日冇理由食個最平既，就試左個最貴的F餐，可以食到全部的和牛。雖然有幾款只係可以叫一次，但係由於任食的種類都真係多，所以每一款叫一次都唔會覺得唔夠。最方便就係特選七種類可以一次過試晒精選嗰啲。至於牛味方面，個人覺得唔錯，相對冇咁肥。因為本人以前食完和牛會即刻肚痛，今次竟然係完全冇問題。另外值得一讚的是和牛壽司，出面好多餐廳或放題都冇和牛壽司，身為壽司控的我黎到呢度真係食得好暢快，雖然出得慢左少少，但係諗吓又真係人手即刻做嘅，勉強都可以接受。至於飲品同甜品吧都係足料既，甜品雪條全部都係日本牌子，不過嚟得呢度都只係會留返丁丁咁多quota比甜品。由於新店剛開業不久，店員可能未太熟手，但都算幾有禮。