倆仨杯

营业中

休息中

一直也沒有時間，寫下這篇食評。三個月前，與朋友在尖沙咀搵食。又要輕食，價錢不昂貴，要地方坐，地點要方便，最後，選了這間在海港城的台灣食店。先點開胃菜，芋泥地瓜球，新鮮即炸，不會太甜，又有咬口。再來醉鴨舌，我就不太喜歡，但朋友卻吃得津津有味。鹽酥雞，當然是必點的。鬆化可口，又不油膩，有三四件，份量剛好。最好味的前菜，莫過於這個夜市雞卷，美味不鹹，認真推介。主菜，我點了醉雞捲烏冬，清新酒香，甜甜的，非常美味，美食仍不是重點，這店最吸引我的就是台式飲品，朋友們，當然就要一人一杯，慢慢坐慢慢傾。宇治抹茶紅豆鮮奶濃濃茶香配幼滑鮮奶加紅豆底，很邪惡哦！最後，還記得要是那些台式甜品。那碗宇治金時，綠茶刨冰配紅豆，真是一絕！

陪朋友去LCX買鞋，朋友好叻，10分鐘唔駛就買咗2對🤣所以可以行吓個商場搵野食～經過新開嘅「倆仨杯」，喺門口睇以為茶飲店諗住買杯珍奶，點知原來有嘢食，仲要好多選擇😳葡萄柚冰茶 ⭐️⭐️⭐️⭐️⭐️朋友話佢好少揀葡萄柚飲品，今次係新嘗試，佢話好好飲，叫咗微糖甜度對佢嚟講啱啱好，啖啖葡萄柚肉好清爽好解渴👍🏻黑糖珍珠炭焙烏龍奶茶 ⭐️⭐️⭐️⭐️⭐️飲珍珠奶茶我鍾意揀有特別茶底嘅，喺烏龍茶同鐵觀音之間我揀咗烏龍茶～茶味濃郁，黑糖珍珠甜而煙靭但唔會掩蓋咗茶味，係一杯好高質嘅珍珠奶茶😉醉雞翼烏冬 ⭐️⭐️⭐️⭐️⭐️湯底落咗甜甜地花雕酒，三隻醉雞翼大大隻配埋烏冬，對我嚟講配搭幾特別，所以望餐牌嘅時候第一時間已經揀中佢！味道果然冇令到我失望，尤其我鍾意佢甜甜地嘅湯底，㗳真啲又有少少花雕酒嘅辛辣感，食完好滿足⚡️滷肉飯 ⭐️⭐️⭐️⭐️⭐️見到餐牌只係$35 ，以為好似台灣嗰啲細細碗，點知嚟到份量超足，簡直係抵食之選❣️滷肉飯味道拍得住台灣，滷肉淋上白飯我諗冇人可以拒絕到，諗住月尾再嚟食多次🤭忠孝蘿蔔餅 ⭐️⭐️⭐️⭐️⭐️我同朋友都未試過台灣蘿蔔餅，原來食落有啲似夾住蘿蔔蓉嘅油酥餅！佢唔係嗰種好清淡嘅蘿蔔，調味反而好有驚喜，外層脆脆嘅油酥餅令成件事更

學習水獺，放鬆是一種選擇，暫時放低哀愁得閒都會行去海港城LCX個邊看海，以前咖啡店位置轉成台式手搖輕食店，海浪型吊燈同一隻隻水獺，店名倆仨杯有意思，我們倆入去飲兩三杯放鬆唞一唞。烤布蕾奶蓋鐵觀音奶茶：推薦三分甜，茶底濃厚，香甜crème brûlée 奶蓋有焦糖脆面，溝埋奶茶飲好夾甜度剛好。高度推介加$6 小芋圓，係可以啜黎飲嘅芋圓！細細粒有芋頭蓉，份量超多接近三分一杯！飲品瞬間變成甜品，又唔洗用匙羹，開心仔。黑糖珍珠岩鹽厚鮮奶：選用4.3 鮮牛奶，比一般珍奶更順滑，重點加入岩鹽，固定甜度都很可以！飲品有提供不織布手挽，有需要可以自取，另有杯墊心意卡，可以寫字留言送人。醉封門柳/ 醉雞捲烏冬：醉汁湯底甜甜地有杞子、漬菜，滷水蛋入口即溶，麵條介乎台式拌麵同烏冬之間，封門柳肉質細緻味道香濃，配搭醉湯烏冬非常岀色，差唔多飲晒啲湯。滷品推薦：一定要食滷牛𦟌，滷得好入味，好淋，肉質綿到夾起就會順紋散開，好正。炸物推薦：🦦 夜市雞捲真係好好好好食，脆雞皮包住爆汁雞肉棒，想encore… 🦦 芋泥地瓜球圓碌碌，新鮮熱辣，黃色地瓜外層，紫色芋泥餡，一次過滿足兩個願望。🦦 鹽酥雞、花枝丸，必吃台灣小食，