8度餐廳

芒果下午茶各款鹹甜點都有水準，好食！甜點全部都用上呂宋芒果，非常香甜👍 尤其喜歡以下幾款食品：甜點：芒果奶凍 - 好creamy而且甜度適中，配上大大粒芒果肉真係超正拿破崙餅 - 酥脆香甜，算係名不虛傳芒果糯米糍 - 外皮軟糯，夾住有點份量嘅芒果肉鹹點：炸雞配芒果沙沙醬 - 雞肉嫩滑而宜外皮香脆黑松露焗芝士忌廉薯蓉 - 熱辣辣，芝士鹹香薯蓉creamy另外，咖啡，茶，檸檬汁係任添飲只係酒店地點略為不便，及窗外無景觀，但以佰幾蚊一位嘅價錢實在物超所值！

芒果下午茶都幾吸引，份量來講都足夠。係酒店食嚟講價錢$168算平宜。樣樣食物味道都唔錯！唯一問題係茶/咖啡要自己行出去斟，侍應唔會斟比你！經OpenRice 訂位仲有65折添😋

以前吃過八度海逸酒店的自助餐，但下午茶就沒有。這次上網預訂有折，所以帶家人一起來嘗試。下午茶時段由三點至五點，由於我們太早到酒店，餐廳職員還在準備中，所以只能在餐廳外面等候，不能進入餐廳等候。下午茶架總共有三層，旁邊還有一些沙律和鹹點。🔆提提你🔆正宗的下午茶應從鹹點開始，最後才吃甜點。這次的鹹點包括有薯餅、雞肉串燒和火腿芝士牛角包，另外旁邊還有一小碟沙律。📌串燒太硬和乾，而且沒有燒的香味，非常一般📌薯餅和牛角包不過不失，沒有驚喜下午茶架最底層有司康餅(scone)、奶油和芒果糯米糍📌我本來對司康餅就一般，質感跟光酥餅很相似，所以不喜歡。但加了奶油會比較易入口，奶油不膩，所以不會太有負擔。第二層有花之戀📌正常，因為下午茶關係，所以是一口大小。最高是甜點：芒果拿破崙、芒果千層蛋糕和普通芒果蛋糕📌芒果拿破崙是眾多食物中最好吃，拿破崙依舊鬆脆，芒果的甜味亦令甜品生色不少，總括而言這道甜品很好吃。📌至於千層蛋糕和芒果蛋糕則普普通通，沒有什麼驚喜，跟平時吃的蛋糕差不多。酒店都環境和服務十分到位，但餐點仍有很多進步的空間，水準與平時的自助餐有點距離，期望下次到來食物水準會有所提升。

又黎8度食tea!因為哩度既芒果拿破侖真係令我食過番尋味😍 重點係價錢超抵！唔洗一百蚊就嘆到afternoon tea set，真係唔係間間酒店都做得到嫁！芒果下午茶…用英式典雅既三層下午茶架盛載，未食已經引死人！ 哩間酒店推出左好多款用芒果為主題既美食，仲嚴選左菲律賓呂宋芒，香滑多汁既芒果肉，真係啖啖都充斥住芒果既香氣。頂層…焦點當然喺得獎甜品芒果拿破崙啦！薄脆鬆化既酥皮中間唧左兩層香濃嫩滑既吉士忌廉，同厚切芒果粒完美配合，個人建議要用手食，再大大啖咁咬，咁先係食拿破侖至正既食法，可以咬哂每一層之餘又唔會叉爛哂😋仲有鮮芒果法國忌廉蛋糕同埋香芒雪梅娘，兩款芒果粒同樣甜美！蛋糕超軟熟，雪梅娘皮又夠煙韌！中層…焗英式鬆餅，外層微脆，成個都好鬆，唔會太乾，溫熱既鬆餅仲配埋唧花牛油同埋士多啤梨果醬添。底層…芒果蝦開面三文治、芒果蟹籽手卷，兩款咸味冷盤都有芒果，配搭起黎都幾新穎，又帶幾分小清新！旁邊仲有…脆香雞寶伴鮮芒果沙沙，芒果沙沙醬集甜、咸、酸於一身，當堂換醒我每一個味蕾呀！雖然雞寶同麥來雞差唔多，不過點埋個醬就即刻截然不同喇！仲有人氣芒果芝士撻，香濃既芝士餡滲透住陣陣芒果味，味道天然，口感

$138在酒店食個afternoon tea, 價錢尚算公道。作為酒店住客，更可以用$88優惠價品嚐，更加超值！（需向酒店櫃台取得優惠劵，加一以原價計算）期間限定有芒果以及夏日鮮果這兩款下午茶當然兩款都要試啦！夏日鮮果下午茶，最正都係個單骨雞翼同鮮果西米露。其他西餅、拿破崙都係酒店餅舖出品，不過不失。而芒果主題下午茶，都係橙黃色系，選料有心思，包括配芒果粒醬的麥樂雞、惹味芝士撻、黑松露味薯蓉等。記得由咸點食到甜點，低至高呀。美中不足的是開邊的蝦都沒有清理蝦腸......同埋塊包都好淋、有風......由於時間關係，吃到鬆餅已經涼了，這些層塔下午茶，會有方法改善嗎？最高這層的糯米包厚肉芒果超好食，好有𡁻口；芒果拿破崙都唔錯。跟餐附送芒果沙冰同熱飲；夏日鮮果餐就送波蘿沙冰同熱飲。今次加埋一，只需$101.8一位，淨係食環境氣氛都抵返曬！如果覺得交通不便，其實酒店在尖沙咀、紅磡港鐵站都有免費穿梭巴士可以坐架，上酒店網check下時間啦！