Orange Elephant Thai Restaurant (啟德道)

营业中

休息中

其實泰國野好難唔好食，orange elephant都算係九龍城數一數二泰國野，成日排晒長龍，閒閒地都半個鐘，我地七人有圓枱坐，都好闊。因為太多人佢上菜好慢，先黎碟菜醫下肚，香口。蒜蓉包又黎先過個咖哩，搞到餓得濟食左個包先，最後仲叫多左個包 😂豬頸肉份量幾多，好香口好脆。其他食物都係正常口味，人均$126。特別想講下啲野飲，菠蘿冰好味好清，椰汁還好，番石榴見佢咁特別一心諗住試下，但係係冇乜味的，甜又唔甜，果又唔果。少少失望。

食泰國菜當然要去九龍城今日星期四店舖就有$1 飛天通菜，少少辣，好抵食明爐烏頭魚內有秀珍菇，旁邊還有一碗湯，俾我哋隨時都可以加雜錦串燒（豬肉、牛肉、雞肉）半打只需$83，串燒燒肉很香，配埋沙爹醬簡直一絶原隻芒果椰汁糯米飯$64，唔洗去泰國都食到，有兩大份芒果配上黑糯米同白糯米再加上椰醬白糯米帶點軟糯，黑糯米帶點咬口，最緊要係芒果夠香甜椰青$42內裡有厚厚的椰肉，很清甜朋友的芒果冰特飲很濃的芒果味餐廳環境幾闊落，又有d格調日日都有唔同$1優惠價菜式俾我選擇

返返下工突然好想食泰國野，好啦，放工一於搭車落去九龍城搵食先行下行下，見到有間裝修比較新潮嘅orange elephant, 雖然門口都多人排隊，唔緊要，我有的是時間睇下個menu, 嘩嘩嘩，原來星期一至日都有$1優惠，星期一係泰式明爐烏頭魚，唔嗌真係對自己唔住烏頭到喇，都幾大條，肉質鮮甜，無泥味而且配料超多，仲有我最愛嘅冬菇，湯汁酸酸甜甜，超開胃喔跟住到蛋網海鮮金邊粉，切開時辣辣，薄薄嘅蛋網，濃濃嘅茄汁味，我地2個女人仔食到停唔到口喔咖哩海鮮脆包盅黎喇，份量超大，應該3個人share剛好，咖哩入面有魚柳同青口，汁較杰身，配埋脆脆麵包，真係very good今晚真係泰驚喜鳥

上星期五，為咗補祝媽媽生日，豬太郎同屋企人一齊去咗九龍城食泰國菜，揀咗呢間企企理理、價錢又唔貴嘅Orange elephant，而家仲有$1小食，日日唔同㗎！.#冬陰公湯 $82打頭陣有豬太郎最鍾意嘅冬陰公湯，有兩個份量，細份量嘅啱啱好一人一碗，酸酸辣辣好開胃，仲人人都有蝦食𠻹！.#蛋網海鮮金邊粉 $82家姐最愛嘅金邊粉，有蛋網包住成個麵，用叉劃過蛋面，包住熱辣辣嘅金邊粉，香味十足，唔會炒得太濕，甜度適中。.#青檸辣椒明爐烏頭魚 $162鍾意食海鮮嘅我哋又點可以唔嗌返條魚呢！青檸同辣椒鋪滿整條鳥頭魚，魚肉唔會唔會太鹹，一邊夾白雪雪嘅魚肉， 一邊點返佢嘅湯汁，味道啱啱好。.#焗紅咖喱海鮮 $142紅咖哩唔夠辣，有少少失望嘅，呢度嘅海鮮炸完再放入咖哩，令到個漿好杰身，不過料就好足喇，有蝦、魚、魷魚同青口。.#泰式炸蝦餅 $1點可以唔介紹當日嘅一蚊小食，由星期一至日都有好抵食㗎！炸蝦餅同平時份量一樣，外面香脆、蝦肉爽口彈牙！非常滿意。.#特選椰青 $38#芒果冰特飲 $34我哋仲嗌咗椰青同埋芒果冰，椰青勁清甜，仲有嫩滑嘅椰子肉；而芒果冰，滿杯！仲要係綿綿沙冰，同家姐兩個人share都得啊！

早排同朋友係大角咀食過Orange Elephant, 味道唔錯, 而且每日仲有一蚊優惠, 每日不同款, 今日相約舊同事食飯, 想去九龍城食泰國菜, 即時諗起九龍城都有間Orange Elephant, 去到門口仲見有一蚊優惠, 今日係星期一, 有我最愛既蝦餅!!! 同行者冇異意就入去開餐啦!平日放工時段, 餐廳未有太多人, 可以直入唔洗等位!【蝦餅】HK$1超抵食! 一蚊優惠, 份量冇縮水, 水準冇下降, 即叫即炸, 蝦餅鬆脆不油膩, 鮮甜彈牙, 點少少泰式辣醬, 鮮味更加突出。【泰式海南雞 (半隻)】HK$112海南雞已被拆骨, 雞皮色澤金黃, 冇雞油連帶, 肉質鮮嫩冇雪味, 很juicy~ 伴有海南雞醬汁, mix埋兩款汁一齊食, 少少辣, 惹味~【咖哩海鮮脆包盅】HK$142包盅有手掌般大個, 裝了滿滿既黃咖哩, 帶少少杰, 咖哩甜甜地, 海鮮包括有兩隻蝦仁、青口、魷魚同埋魚塊~魚塊表面炸過, 炸皮完全索左咖哩, 令整件魚塊充滿咖哩濕潤, 入味又食到魚塊既滑。魷魚同蝦仁好爽, 不過就食唔到鮮味~最後食埋個包盅夠哂飽, 麵包外皮只係薄薄既脆, 內裡鬆軟, 但沾到太多咖哩既部份,

九龍城多野食就係人都知，不過對有選擇困難既人黎講太多選擇都未必係件好事。今日同朋友想食下泰國菜，行過呢間orange elephant 就比佢個$1明爐烏頭吸引左。呢間餐廳每一日都有唔同既$1優惠，可以話係日日精彩，詳情如下;星期一 $1明爐烏頭星期二 $1香茅豬扒星期三 $1鳳爪沙律星期四 $1飛天通菜星期五 $1炸蝦餅星期六 $1啤酒星期日 $1黃咖喱雞同朋友二個人食，叫咗兩個餸一個飯，分別係一蚊明爐烏頭，炭燒牛肋骨同埋原個菠蘿海鮮焗飯。先上炭燒牛肋骨，呢間餐廳燒個時間岩岩好，既能鎖住肉汁，又唔會話煮到過熟，再點埋個泰式辣醬，唔會食到好滯。之後上既原個菠蘿海鮮焗飯，賣相好靚令人食慾大增，食材都好豐富，海鮮配料有蝦有魷魚仲有青口添，仲有粒粒菠蘿都好鮮甜。佢腰果同肉鬆會分開上，岩晒我呢啲揀飲擇食既人。最後講下條烏頭，本身以為賣$1咁平會偷工減料，點知原來都用料充足。有好多配料，味道酸酸地咁令人愈食愈想食，再附上一碗湯，根據個人口味可以自行加湯，非常細心。條魚份量都唔小，無腥味之餘仲幾有魚甘香。我覺得食得泰國野，椰汁冰係必點之選，呢度既椰汁冰夠晒椰香，無加好多水溝淡晒。朋友叫左芒果冰特飲

位於九龍城的Orange Elephant Thai Restaurant，店舖裝修十分醒神，門面光鮮，非常新淨。店內用色十分大膽，色彩繽紛，而我最喜歡這一面橙牆，既美觀又有特色之餘，仲非常「貼題」。每天的一蚊優惠，一共有7款咁多，日日唔同！今天是星期四，可以加一蚊叫多碟通菜，真係超級抵！飛天通菜 $1通菜爽口，醬汁微辣中有一點點的甜，而且仲有炸蒜嘅加持，提升咗香味！就算係特價菜式，亦一啲都唔馬虎，抵讚！芒果冰特飲 $34沙冰打至極為幼細，入口順滑，正！鹹檸雪碧 $26鹹檸和青檸中和了汽泡，是一杯鹹鹹甜甜，入口順滑的特飲。泰式拼盤 $139賣相擺盤精美，有蝦餅、春卷、魚餅和香葉包雞。蝦餅：外皮香脆，蝦肉彈牙可口，鮮味濃郁！魚餅：魚味突出，十分惹味！春卷：香脆可口之餘，仲帶一點點咖哩味。香葉包雞：以預先除去竹籤，可以輕易取出雞肉。雞肉很香，肉質滑嫩！青檸辣椒明爐烏頭魚 $162今晚的主角是明爐烏頭，我們選了青檸辣椒口味，賣相惹人垂涎。上湯青檸味十足，酸味極度開胃！撥開香料和魚皮，見到魚肉帶黃色，係最肥美嘅黃油烏頭呀！明爐能保溫之餘，仲提升了蒜、芫茜、香茅等香料的香氣，齋聞都令人食指大動！

難得今日放假，又唔駛照顧bb，所以做個考順女，同媽媽食餐飯。我地都好耐無食過泰國野。一諗到要食泰國野的話，一定要黎九龍城。喺openrice比我搵到間好抵食既泰國菜。Orange elephant 既門面裝修雖然簡簡單單，但都有泰國既風味，入到餐廳，牆身既顏色主要以橙色為主，而且亦都有好多大象擺設，座位亦都好闊落。比較特別既係，佢每一日都有一個$1蚊菜食。例如星期一 $1 明爐烏頭星期二 $1 泰式香茅炸豬扒星期三 $1 酸辣去骨鳳爪沙津星期四 $1 飛天通菜星期五 $1 泰式炸蝦餅星期六 $1 各式細枝裝啤酒星期日 $1 黃咖哩雞咁岩今日星期二，星期二既$1蚊菜式係泰式香茂炸豬扒，所以我地都叫左一份試下。雖然$1蚊，但絕對唔會因爲咁而馬虎同變得細份。豬扒好香香茅同泰國香料味，而且飲質軟腍👍🏾👍🏾👍🏾另外，我地叫左一個泰式拼盤$139，包括2件蝦餅、2件春卷、2件2件魚餅，同2件荷葉包雞。除左荷菜包雞之外，其他既其實係有四件，因為佢每一件都一開2，所以份量十足👍🏾👍🏾👍🏾 魚餅好香口，蝦餅好爽口，荷葉包雞既雞都好嫰滑，食既時候好香荷葉味，春卷炸到趣卜卜，而且一d都唔油膩，但食完呢碟野就

九龍城有小泰國之稱，最多泰國餐廳集中想揀一間食唔容易，於是周圍望望先行到有一間幾光鮮乾淨既餐廳，所以決定食呢間✳️原個菠蘿海鮮焗飯 $99好足料，甜甜酸酸好好味✳️泰皇咖喱炒大蝦 $178個咖喱炒得好好味，甜甜唔辣，撈飯一流佢將隻大蝦切一半，都幾大隻✳️泰式明爐烏頭魚 $162呢個超抵食，因為我星期一去食，可以享有$1優惠個魚都幾大隻，配合酸酸甜甜湯底，好惹味✳️特級椰青 $38 清甜，大粒，出現好難飲到原粒椰青✳️芒果冰特飲 $34 環境好舒服幾大，而且裝修新式，感覺很清潔！適合情侶、家人、一大班人食，因為佢有不同的小枱大枱星期一$1明爐烏頭星期二$1黃香茅炸豬扒星期三$1鳳爪沙律星期四$1飛天通菜星期五$1炸蝦餅星期六$1細支裝啤酒星期日$1黃咖喱雞

傳統泰式餐廳，泰式美食非常美味，今日就等我帶大家去食傳統又美味嘅泰菜啦。餐廳外觀非常乾淨，用白色為底色仲有非常之有泰國特色嘅公仔-大笨象，超級有霸氣。餐廳燈光調校得剛剛好，雖然以白燈為主，但係非常舒適，而我今日都叫咗非常多美食，就等我黎同大家一一介紹：雜錦串燒：豬、牛、雞作為配搭，製作非常美味嘅半打串燒。食落口炭香味十足，非常脆口同樣帶有肉嘅鮮味。肉質唔會過韌，反映餐廳所選擇嘅肉類都係比較新鮮，餐廳亦都會附上沙嗲醬俾我哋配點，沙嗲醬有椰汁香味，食落口淡淡甜美，但有少少香辣，好精彩！原個菠蘿海鮮焗飯：成個菠蘿上枱超級難以置信，食落去有淡淡的菠蘿絲，炒飯調味剛剛好，配上不同海鮮，例如：青口、魷魚等等，多種唔同嘅配料喺口中嘅化學作用出色得很，海鮮嘅鮮味、菠蘿嘅熱帶風味每樣都恰如其分，非常出色。餐廳每逢一至日都會有超級特別嘅一蚊優惠，因為我係星期一去食，所以我就採用一蚊嘅超低價食到泰式明爐烏頭魚。呢個就梗係震撼啦一條大嘅烏頭再加一個火爐，乳汁洗完先話唔會有過老嘅情況出現，內裏配置嘅湯汁增強左酸甜嘅味道，十分開胃，你其他配料芽菜酸菜等等正正增加左不少口感，一同食落去之後真係好有酸菜魚嘅風味。飲品

今日男朋友接我收工，我哋都心血來潮想食泰國菜，就行咗去九龍城。之前同朋友食過呢間orange elephant，印象都唔錯。加上佢今日都有$1優惠，今日係星期三嘅酸辣去骨鳳爪沙律，岩哂男朋友心意！呢間都算係九龍城入邊裝潢比較新式嘅泰國餐廳，無論外面嘅設計定係入面嘅環境，都令人有種有別於傳統泰國餐廳嘅風格，但係同時之間亦蘊藏左泰式風味。<酸辣去骨鳳爪沙律，$1>男朋友鐘意食嘅酸辣鳳爪，1蚊優惠真係無唔食嘅理由！雖然佢係做緊1蚊優惠，不過份量一啲都唔少，質素都係水準之上，整得好入味又唔會太辣。<泰式拼盤，$139>泰式拼盤包括有蝦餅，春卷，魚餅，香葉包雞。本身自己幾好炸野，所以呢個拼盤簡直無得輸。全部都炸得好香口，又唔會太油，個蝦餅要特別一讚，食到啖啖蝦肉。另外個香葉包雞幾有趣，我第一次食覺得好有新鮮感，成舊雞都無骨啖啖肉。<泰式蝦球炒金邊粉，$78>酸酸甜甜好開胃，唔會太酸又好大碟，不過味道好好所以都全碟食哂。<芒果冰特飲，$34>又係男朋友最愛既芒果，其實好多泰國餐廳都會有芒果冰，不過而呢間比我地既感覺就係唔會有假芒果味，

今日做孝順女 帶媽咪去九龍城食泰國菜👩‍👧☺️ 話明孝順女 我梗係一早已經上定openrice做功課 揀咗呢間orange elephant同媽咪食！環境都幾闊落！仲要食得抵啲嘅話就好似我咁揀星期一去食😝 因為有$1 明爐烏頭😏😏😏 （其實佢每日都有一款$1 嘅食物做promotion，例如蝦餅 黃咖喱雞，不過我就覺得明爐烏頭最抵啦！😏)$1 明爐烏頭😏雖然係promotion 但都足足有成條魚 童叟無欺wo😯 烏頭食落好鮮甜 魚肉一啲都唔霉！加埋個湯底酸酸甜甜 好開胃！配菜其實仲有秀珍菇同好多肉碎 媽咪大讚好味又抵😋😋泰王咖喱炒大蝦🍤成個盤勁大碟咖哩😂😂😂 味道會甜甜地 唔太辣😛 大蝦總共有兩隻 size適中 未算jumbo size😛 餐廳好貼心咁幫你分埋頭身 方便食用😛 不過兩隻真係唔夠喉😣🤤 最好點埋薄餅食咖哩😛泰式滷水豬髀焗粉絲煲我唔俾佢夜晚食飯 佢就話要食粉絲煲😂😂 滷水豬髀滷都好腍 夠哂入味！除咗滷水 餐廳仲落咗啲泰式香料 類似香茅芹菜 味道好特別😯 粉絲有勁多👍👍👍 食到我哋飽晒😛😆椰青成日都有得飲 所以我地今晚就要左泰國生啤同芒果冰特飲試下 芒果味道都唔錯 不過冰有啲多

到九龍城揾食當然要食泰國野喇.. 行行下見到呢間都坐得幾舒適.. 咁就膽粗粗去試下喇.. 門面感覺似係西餐廳格局.. 但就食泰式Fusion菜咁.. 點左珍多冰同芒果冰兩杯特飲.. 我朋友強烈推薦珍多冰.. 椰汁味好夠.. 又足料.. 好好飲.. 而芒果冰飲落都好明顯係新鮮泰國芒果榨的.. 好甜好香.. 但就係太多芒果渣咯.. 可以改善下就perfect喇.. 飛天通菜炒得略嫌不夠辣.. 不過勝在菜夠新鮮及較平時啲泰式餐廳少油.. 最吸引當然係辣椒膏炒肉蟹.. 夠大隻啖啖肉.. 同埋個汁辣得好開胃.. 飯都應該可以食兩碗.. 我朋友唔食得辣都忍唔住食到津津有味.. 另外仲點左個咖喱海鮮脆包盅.. 哈哈.. 兩樣都係濃味菜.. 將脆包點兩個汁都一流.. 海鮮都有魷魚, 青口, 蝦同蜆仔.. 海鮮之夜.. 大滿足..

較早前媽咪去過呢間Orange Elephant食泰國菜, 大讚呢度既海南雞飯超級好食。今晚朋友想食泰國菜, 所以我馬上提議食Orange Elephant!!呢間泰國餐廳比較新, 環境沒有舊式既風味, 卻換來整潔舒適感。門外站立左一個優惠價既宣傳板, 每日都有唔同款式以一蚊優惠價售出, 正正當日係星期五, 有我至愛既炸蝦餅食。我當然ORDER媽咪推介既海南雞食啦! 仲有泰國出名既咖哩, 加超抵價HK$1既炸蝦餅【芒果冰特飲】HK$32芒果冰少少甜, 沒有加糖水那種極甜味道【泰皇咖哩炒大蝦 (兩隻)】HK$168咖哩多得把蝦幾乎埋沒了, 咖哩為甜咖哩, 沒什麼辣味, 蛋味反而幾出, 咖哩味香濃夠杰, 不過蝦肉偏林, 沒有爽口感, 而且得兩隻, 冇咩肉食, 但咖哩份量多, 叫個包沾黎食/撈飯一流!【泰式海南雞(半隻)】HK$108半隻既份量都幾足! 海南雞外表色澤鮮黃, 皮薄而不肥膩, 肉質嫩滑 juicy...而且整碟都去骨的, 果然值得推介!!下次黎我定必encorn!【炸蝦餅】HK$1HK$1 優惠價既質素絕對唔馬虎, 份量好足!!蝦餅炸得表面金黃香脆, 點上甜辣醬, 很惹味, 蝦

一提起星期一，大家都傷心難過，因為又是上班的日子。不過沒關係，只要有美食，就能忘憂。有一段時間沒來九龍城吃泰國菜，今次選擇了orange elephant，因為它的一元優惠實在吸引。Orange Elephant燈光通明，店內光線不錯。大象的擺設很可愛，也非常切合餐廳的名字。我們是衝著一元優惠來，當然必點泰式明爐烏頭魚。 烏頭魚雖然只是一元，但絕不馬虎，烏頭魚新鮮肥美，佐以檸檬，蒜頭，蘿蔔，草菇等而成，香氣十足。魚肉細緻甘甜，吃不到魚腥味，非常新鮮，值得大家點來品嚐。泰式海南雞滑嫩滑嫩的! 骨肉分離? 不是，沒有骨頭呢，是皮跟肉都分開了，看這滑溜的雞皮就知道這海南雞一定很厲害。雞肉水嫩好吃，沾上酸辣醬汁，帶點酸甜微辣的口感，份外開胃。泰皇咖哩炒肉蟹份量比想像中少，也不夠碩大飽滿，蟹肉鮮甜度一般，某程度上吃得不過癮，唯一一讚是濃濃的咖哩醬料拌飯很不錯。原隻芒果椰汁糯米飯挺有份量的，看看芒果的顏色，是不是很可口? 金黃欲滴的芒果非常誘人，糯米飯煙韌耐人尋味，溫和的椰汁氣息，跟香甜多汁芒果，產生不膩的感覺，整體蠻能夠相融。每次吃泰國菜總不會錯過椰青，它那清新甜香的味道，正好中和吃泰國菜的重口