Greyhound Café (時代廣場)

营业中

休息中

今日去左食Tea...叫左芒果千層蛋糕同豬頸肉，比預期好味，尤其千層蛋糕，大件，唔太甜，多芒果，啱晒我我幾鍾意。。食物，環境，服務都好好，下次會再試下其他味的千層蛋糕

原隻龍蝦冬蔭火鍋($328)，大大隻龍蝦，色澤鮮豔，肉質爽口彈牙，冬蔭功湯汁滲晒入隻龍蝦到，好惹味，湯底酸酸辣辣，個人覺得酸味較濃郁一d。香辣金不換和牛飯($158)，和牛粒粒都充滿油份，而且唔韌，金不換葉經過炸去處理，食落幾香口。泰式香燒原隻魷魚筒($138)，這隻魷魚筒不可不食，賣相燒得好靚唔會過燶，而且搽上左醬汁，入味之餘食落仲唔會咁乾身，店鋪仲提供一小碟辣醬汁，辣度的確幾強，我只能頭段挑戰一陣，後黎就冇再點醬，但確係幾刺激。炸魚配青芒果沙律($158)，這個菜式賣相幾特別，起初以為係乳豬仔，夾起見到底部有魚皮形狀先確定冇上錯菜，言歸正傳，魚炸得香脆，口感唔錯，但內裏都會有少少細魚骨，所以要小心食用。芒果千層蛋糕($78)，食飽飽當然要食返個甜品滿足一下，芒果新鮮清甜，蛋糕內餡好彭湃好滿，這蛋糕做法會比較漿一d黏口一d，第一次食這個質感，係另一種層次口感，我覺得唔錯。coconut shake($58)，奶昔口感，好軟滑解渴，椰子味濃郁，再配有椰肉，飲野之餘可以有少少咬口。