倪姐泰國美食 (已結業)

黎到九龍城啊 食嘜野好😍？當然係泰菜啦 今次黎到倪姐泰國美食一嘗佢嘅招牌#船河 豬頸肉 ($55)聽講湯底用左廿幾款材料熬足4個幾鐘幾大碗下 湯底厚身味濃 酸中帶辣 同我之前係連泰國食到既味道一樣肉碎生菜包 ($78) 必叫唔使講啦但注意 係會有啲辣🌶🌶🌶至於燒糯米雞翼 ($45) 一樣夠入味至於甜品#芒果糯米飯 ($60) 芒果夠甜😍P.S 食夠$300 可以用一蚊換取小食________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

今日同朋友想食泰菜就去咗九龍城搵食🤤我哋傾開計都喺度諗究竟如果要食泰國菜係咪要一定嚟九龍城呢？答案其實係㗎哈哈😂😂行吓行吓發現其實好多間都試過行到候王道見到間好多燈牌嘅倪姐即刻上OpenRice睇 見到好多正評同埋comments話又抵食又好食就試一試佢嘅實力啦👍🏻見到好多人都叫左船河而我哋又未試過於是就叫咗碗海南雞船河原來佢嘅特色就係佢哋麵條比較闊同埋有咬口個湯底亦都非常香 應該用咗好多唔同嘅香料 好正好惹味另外我哋仲叫咗生菜包一嚟到嚇親我哋因為非常之大份仲好好味❤ 但好遺憾最後食唔晒😭仲有必叫既冬蔭公湯 呢個二人份嘅冬蔭公湯我哋兩個人都飲咗成四碗真係好抵👍🏻而且佢隻大蝦好大隻好少可餐廳會用咁大隻蝦非常欣賞佢哋十足嘅用料令人見到都已經覺得好滿意呢個湯 酸同辣嘅比例啱啱好簡直冇得彈👍🏻👍🏻菜方面 每次我哋都會叫馬拉盞炒通菜而今次個馬拉盞炒通菜特別啲 炒得個硬度啱啱好通常啲餐廳都會炒好林但呢度係俾你食到爽好既通菜最後最後 梗係要食埋甜品啦我哋叫咗個芒果糯米飯佢哋嘅芒果糯米飯有白糯米同紫糯米而且同正宗嘅泰國芒果糯米飯一樣啲飯係暖㗎埋單只係$288 抵到喊😭😭😭👍🏻👍🏻一定要再黎呀！！

香港既夏天非常悶熱，想食餐開胃泰國菜刺激一下味蕾，朋友就帶我黎食倪姐，座位幾闊落，坐得舒服，落左單好快就有野食！椰汁紅毛丹冰，平時無論新鮮定罐頭都好少食紅毛丹，原來好厚肉架，仲有6,7粒咁多，非常有誠意！泰式鹵水豬船河，本來以為只係平平無奇既河粉，但個湯底超好味！好濃郁既香料味，唔係淡茂茂，飲左好幾啖！河粉好闊，平時少見，鹵水豬手好入味，但係就比較碎。咖喱炒蟹做緊特價$180,抵食！有咁多汁唔好嘥，叫份蒜蓉包點汁食無得輸，個咖喱其實一啲都唔辣，偏甜，唔知下次可唔可以order加辣呢？蒜蓉包形狀特別，唔係一般既長法包切片，而且擺耐左仍然好脆，慢慢食都唔怕啦！星期三既$1優惠係恐龍蛋，即係蝦膠包住皮蛋去炸，有酸薑伴碟，不過我覺得包左蝦膠都係點返泰式辣醬match啲！雖然只係$1,但係絕對無偷工減料，倪姐誠意可嘉！泰式燒糯米雞翼，第一啖食落去有食燒乳鴿既感覺，個皮燒到好脆！入面釀滿糯米飯，外脆內軟層次豐富，點埋個辣醬更加惹味！最正係唔洗𦧲⻣丫嘛！芒果糯米飯係我最愛既泰式甜品！估唔到呢度既糯米飯係兩溝架，即係一層白色，一層黑色！幾有特色！椰漿香濃，芒果清甜，正！最後原來仲有糖水送！絕對加分！係

九龍城一向都係泰國菜嘅集中地，今次黎試吓呢間新開嘅倪姐地道泰國菜。可能係平日嘅關係唔使等位直入。黎都點菜嘅時間亦係最頭痛嘅時間，當我諗緊食咩嘅時候，竟然見到隔離枱嘅咖喱炒蟹上菜，超級吸引！再望一望個價錢牌原來而家做緊特價＄180就可以食到原價$299嘅咖喱炒蟹，就決定食佢啦！咖喱蟹咖喱蟹上菜時俾佢嚇咗一跳！冇諗過＄180就可以食到咁大隻用新鮮肉蟹炒嘅咖喱炒蟹，仲要鋪滿令人胃口大開嘅咖喱汁，即時追加一碟薄餅點汁食！咖喱炒蟹好味嘅關鍵，除咗蟹要夠新鮮之外，咖喱汁都好重要！呢個咖喱汁味道非常之好，咖喱同椰汁嘅比例好完美，配料仲有洋蔥、青椒、黃椒、紅椒、薑。芹菜，索咗咖喱汁嘅洋蔥非常好食！我哋兩個爭住食鮮蝦炒金邊粉師傅裝飾嘅蛋網整得好靚！呢個係另一本人最愛，去親泰國旅行每日都要食！所以一啖就食得出同泰國當地食到嘅味道係一模一樣！麵質彈牙，甜味同酸味都好夠，大愛！芒果糯米飯有一個芒果飯有一半係白糯米一半係黑糯米，份量都唔少。飯煮得夠軟糯。呢度嘅泰式飲品好抵飲，平均都係$20幾蚊，龍眼冰大大杯$25，仲有7-8龍眼肉，好解渴！星期一至五食滿$300仲可以用$1換指定食物，有青木瓜沙律等等，好抵呀！