影片
附加资料
所有食物即叫即制（包括串烧），需时制作，请耐心等候。
营业时间
*最后落单时间：22:30
星期一
全日休息
星期二至日
11:00 - 23:00
公众假期
11:00 - 23:00
以上资料只供参考，请与餐厅确认详情
相关文章
九龙城不嬲都出晒名食泰国嘢，喺九龙城读书嘅CWY当然唔会放过呢个机会, lunchtime出去觅食呢间野lunch menu有好多选择，价钱$48-$52，著校服既学生仲要全部都$38，呢个价包埋野饮甜品真系抵到烂。泰式奶茶咖啡龙眼冰全部唔洗加钱，当人哋粮尾咬紧包，我去食泰国野，会唔会太过份🤪.猪肉丸船河 $48 (可选: 金边粉/米粉/河粉)(招牌船河汤底🌶辣/清汤)我要左河粉，同港式河粉唔同，佢系阔身一片片好泰𠮶种，好食但系好滑成日系我对筷子到偷走😤泰国嘢嘅猪肉丸都几经典，冇令我失望，弹牙好食，猪肉片嘅份量都几多，有肥有瘦一啲都唔干，松软口感。我食得辣所以觉得个汤底辣辣地几正，但同学就食到鼻水都流埋，唔食得辣就唔好拣辣啦。佢唔辣嘅汤底其实都系泰式船河个种啡黑色，一样好食。泰式汤系带微甜甜，浓郁。碗野仲跟左啲通菜，香港人要食多啲菜呀排毒，面头有炸蒜连河粉食更香口。泰式冻咖啡呢度午餐跟嘅所有饮品我都饮过，佢另外仲有黑咖啡，但其实佢呢度嘅饮品全部都系甜嘅，就算系黑咖啡都好甜，不过可接受的。泰式饮品系冇得走甜因为调校好左，叫少甜佢只系冲淡啲俾你。.仲食过海南鸡饭、猪手饭、猪颈肉饭、香叶辣椒肉碎饭、各种炒饭，其实都未伏过，炒饭都唔会太油。佢个杂锦喇沙汤米线值得试，汤底够浓又香又多海鲜料又大碗，正常价都系$52抵过你去食_司_坊啦🤭
继续阅读
好耐无黎九龙城D餐厅好多都转哂以前拍拖好钟意食金泰美食行到黎呢个铺位变咗倪姐唔紧要都试下！价钱都ok 同呢度既餐厅差唔多我几钟意佢摆哂d汁起度比人拎有唔同既汁不过我就无试啊！我分别嗌咗象啤蒜容包$28炒金边粉$73 串烧 牛 鸡 猪 鱿鱼须 鸡肾先讲讲个蒜容包我无影相 太肚饿但呢个真心劣食一黎到 得三旧 手指咁长架咋咁我以为系出面全部查满哂蒜蓉牛油个种点知佢好似法包仔咁净系中间查都算仲要净 系 得 牛 油 无 蒜 容咁同餐包有咩分别？！$28食三旧餐包离哂谱个金边粉就几好食既！但太湿痴埋一旧唔难食但据我以前成日黎呢度食既经验大把比佢更好食而串烧比金泰差好远个汁无咗以前金泰有少少花生粒个种酱依家好多水沟稀了了唔信睇下张相味亦都普通无乜肉味猪牛鸡食落都差唔多系鱿鱼须好少少出面档口仔好食好多！整体黎讲服务 环境都普通食物无诚意九龙城咁多泰国菜一定无下次
继续阅读
系乐富行左去九龙城揾野食～最近siu gum条九龙城都冇咩餐厅开 边行边揾就黎左呢间经过都闻到好香既泰国餐厅！成条街冇咩人但呢间餐厅系坐满人～先黎串烧 我本身冇特别钟意串烧 呢个整体都正常 算唔错啦～椰青海鲜（？）唔记得叫咩名呢个系推介！！可能我本身好钟意食椰味 呢个甜甜地 𩠌饭一流！好味好味😋😋「芒果蟹肉炒饭」上左枱我同朋友都r哂头系咪黎错左😂😂😂成碟食哂都唔系好觉有蟹肉🤷🏽♀️红毛丹椰汁～😋😋
继续阅读
成日晏就唔想自己煮都会嗌船河外卖，打完电话落单换件衫行落去就有得攞。经常都系嗌猪颈肉船河转金边粉，贪佢金边粉可以吸哂啲汤，够入味。猪颈肉份量都多，大概8-10块。配料仲有通菜。汤底微辣又够浓，好正。午餐仲配埋野饮，细细杯但又啱啱好。
继续阅读
同朋友行行吓，见唔驶等位，d 烧烤味又有D 香，唔谂咁多入去试吓。叫左猪肉丸船河，喜出望外，很好味串烧有意外惊喜，鸡肾超好味，猪肉丸牛肉串有肉汁。青咖喱鸡，不太辣(我个人食得好辣) 香浓惹味！叫左条烧鱼，虽然等左20分钟先嚟，不过值得，掂泰色辣汁，很夹。仲有我最钟意食的生虾，绿色辣汁，正！其余𩠌菜都好味！无谂过一间不起眼的铺头有呢个水准，最紧要系抵食！仲要星期四加一蚊，换芒果糯米饭，芒果好甜好香超值下次一定再嚟食
继续阅读