旦王花 - 泰越鍾情

营业中

休息中

經常聽人推薦依間餐廳，決定同屋企人嚟試下！揸車嘅朋友要早少少到泊位，因為未必有位，泊車費係$20。環境空曠，坐戶外更加有東南亞feel！泰式鮮蝦金柚沙律（$98）柚子唔會酸，不過不失。泰式珍寶拼盤（$238）入面有串燒、泰式春卷等等嘅小食，性價比高，但唯一不足之處係好油⋯清邁鐵板蠔仔蛋（$118）實物係大份量！蠔仔都好足料！海南雞肉質嫩滑，意外地唔錯！蒜蓉烤餅（$42）雖然無叫到咖喱，但淨食烤餅都好食，好香蒜蓉味😋嚟到燒海鮮方面，分別叫左帶子同大蝦🍤。帶子同蝦都大大隻，隻蝦仲有膏！值得一試呢。芒果糯米飯（$68）講到泰國菜一定唔少得芒果糯米飯，但好可惜芒果無味⋯椰汁糯米飯就不過不失。整體嚟講都食物唔錯，環境雖然ok但硬件較舊，同埋如果無渣車就交通麻煩少少。

疫情關係，冇得出國旅行，這裡有恍似泰國🇹🇭般的環境，遠離市區，遠離繁囂，所以大部分的食客都係渣車黎。由於座位有限，而且晚上只分兩段時間，要提前book 位，當晚座位都已經爆滿。食物方面種類都算多，份量正常，味道還可以，當然最重要是食環境吧，市區的泰國餐館絕對不能談上好環境。肉碎生菜包：肉碎份量都多，味道可以，唔食辣嘅都喜歡。炭燒豬頸肉：配上辣汁非常好味。焗咖喱農夫包：農夫包整得唔錯，配上咖喱絕對一絕。青檸辣汁烏頭：烏頭雖然比較細隻，但辣汁調配剛好，屬於小辣。

一直都想試呢間餐廳好耐！因為係單身男女又見過呢個拍攝場地，但來到發現同戲裡有d出入呢，哈哈！不過都唔緊要，環境都好舒適，座位十分寬敞。由錦上路站乘的士來都只是二十多元，不用十分鐘車程已經到達。可能平日和天氣較差的關係，天文台預料會下雨，幸好最後都沒有雨，所以人客不多，walk in也有座，不過我們是有訂檯的啦。剛巧泰國師傅放假，沒有甜品吃，很可惜。而且這間店也沒有泰式生蝦，又一失望。餐廳一面有個燒烤吧，可以行去點餐，我們點了兩隻大虎蝦，即磅即計算，大概3xx大元。另外在餐牌上點了其他菜，上菜速度也很快，也不趕客，可以坐很久！