泰式食

营业中

休息中

今日行開銅鑼灣，朋友提意食泰國野，行開見sogo對面，金伯利商場有間泰國野(泰式食)，就上左上去試下啦。餐廳裝修都幾有氣氛，一入門口有架特色車仔，又有D泰式相框裝飾，又播住D舒情歌，感覺都幾放鬆舒服，好啱同朋友、情侶黎食下野。餐牌都有幾多野揀，有辣有唔辣……我同朋友2個試左以下野食。蟹肉炒飯: 清清地，有少少蟹肉、炒蛋、青菜，甘啱我地又叫左咖哩海鮮，配咖哩一流。一下就清哂D飯啦……三色咖哩海鮮:一隻辣椒標籤但黄咖哩唔太辣，都幾香滑。用三色椒盛住D海鮮，食完咖哩，仲可以食埋三色椒，都幾得意，色香味俱全。海鮮用料十足，有青口、蝦、魚、魷魚條、蟹肉，兩個人都好夠食，D咖哩汁超多，好好送飯……最後我地仲叫左個芒果糯米飯做甜品，有紫、白糯米。通常都係只配白糯米飯，配紫糯米飯都幾好，加上香濃椰汁，都幾好味。估唔到金百利樓上都有食物及環境不錯嘅泰國餐廳。

我同朋友夜晚9點幾黎到呢間泰國餐廳食dinner，間餐廳超大同新淨，裝飾又靚，燈光昏暗，好有feel！一入門口就見到有好大架車，岩晒影相打卡，我未見過D餐廳有架車係度！同埋都有幾個位係間左比一group人坐，如果想同幾個朋友有私人空間地食野，可以book位時要求坐呢D位，其他位置都好闊落，服務態度都好好。咁夜就唔嗌太多野食喇，所以嗌左個軟殼蟹卷，炒通菜，同埋芒果糯米飯食。我鍾意D軟殼蟹冇一層好乾又厚既炸皮，呢個軟殼蟹既皮脆扑扑，最得意既係有一條條麵係入面，點埋個醋黎食真係好開胃。個通菜令我好驚喜，係好入味，雖然蝦醬味唔係十分濃，但有好香蒜蓉同埋少少辣，Ｄ菜亦都好嫩好新鮮，食到唔停口呀！食完上面兩樣野後，waitress好醒目地收埋我地既碟，上個芒果糯米飯，上既時候D糯米飯係有煙架！Ｄ芒果好甜又多汁，椰汁又夠多，呢個芒果糯米飯比出面果Ｄ好食，我好滿意呀！咁樣食法我同朋友兩個人都夠飽喇，我高度推介呢個餐廳。

眾所周知~位於銅鑼灣的金百利有不同國家料理的餐廳匯集平時最常吃的是越菜，但好像吃得有點多~所以這天就想不如吃吃泰國菜吧！升降機到達8樓 ~ 一打開就看到 「 泰式食 」 的招牌 ( ﾟ∀ﾟ)σ 進到餐廳看著店內的裝修與擺設，會否有一種錯覺去了泰國呢？還發現有一架篤篤停泊在店中喔！！而且有些座位也滿適合一班朋友坐著用餐聊天。不過就冷氣有點大，坐坐下會覺得有點冷 (飲了熱茶會好點/// 除了散點外，晚市時間亦有一些套餐可供選擇 套餐當中包括湯、小食、主菜、蔬菜，還配有白飯和甜品不過由於想吃的咖喱和湯也不在選擇之中，最後決定散點好了 (ﾉД`)原個椰青荔枝湯 ($105/個) ( ﾟДﾟ)ﾉ 平時將椰青當作飲品就很多，變成湯品還是第一次見湯頗清澈～配合荔枝喝起來更為清甜。還有椰肉、荔枝可以吃的喔蝦麵卷 ($108) -  脆卜卜的外層與放置隃一會兒才吃亦是很香脆內層的蝦肉在對比下有點單薄，不過吃落是頗鮮美的盲曹魚 ($168)這魚的名字是第一次聽到  (๑• . •๑)  聽店員說這種的魚骨比較少不過這碟在製作時已經拆掉了魚骨，所以吃的時候很方便，連小朋友也可以吃調味稍微偏濃，所以完全沒吃到

突然好想食芒果糯米飯，所以要去食泰菜。唔知係咪因為今日只係星期三，呢間餐廳長期坐唔滿。我地只有二人，但點了超多野食。蝦醬炒通菜，炒通菜已經變了我地的favourite。好香好惹味，多蝦米仔，不過通菜唔靚，有啲韌…泰式拼盤，賣相很好，喜歡呢個碟，同食物size剛好，可以話係色香味俱全。煎魚餅好熱，燙咀，年紀大了(XD)喜歡夠熱的食物。炸蝦餅較韌，魚膠太多了吧。春卷皮多過餸。椒鹽軟殼蟹乃大伏，貌似好大碟，但其實全都係椒鹽…軟殼蟹有多炸粉，相信軟殼蟹係超細隻…不過味道ok啦泰式濕炒河粉(豬)有點港式，超多菜，但肉較少，好多汁，多到似湯河…我覺得啲汁似用茄汁焗豆做，有啲怪。賣相唔太吸引，但比想像中好食。等左成日終於食到芒果糯米飯，賣相唔錯，又有成個芒果，芒果仲要超甜。覺得幾worth。糯米好煙韌，唔會太痴牙，不過椰汁少左啲。但紫米有少少失望，我幾鐘意紫米的甜香，但本身紫米比較硬身，要用多啲水去煲。呢個紫米個芯太硬了，所以食左一半而已。服務唔錯，出餸快，侍應態度幾好，好nice。我以為金百利既食肆價錢會相宜啲…點知我地都食左$460埋單…