泰式食

营业中

休息中

我同朋友夜晚9点几黎到呢间泰国餐厅食dinner，间餐厅超大同新净，装饰又靓，灯光昏暗，好有feel！一入门口就见到有好大架车，岩晒影相打卡，我未见过D餐厅有架车系度！同埋都有几个位系间左比一group人坐，如果想同几个朋友有私人空间地食野，可以book位时要求坐呢D位，其他位置都好阔落，服务态度都好好。咁夜就唔嗌太多野食喇，所以嗌左个软壳蟹卷，炒通菜，同埋芒果糯米饭食。我钟意D软壳蟹冇一层好干又厚既炸皮，呢个软壳蟹既皮脆扑扑，最得意既系有一条条面系入面，点埋个醋黎食真系好开胃。个通菜令我好惊喜，系好入味，虽然虾酱味唔系十分浓，但有好香蒜蓉同埋少少辣，Ｄ菜亦都好嫩好新鲜，食到唔停口呀！食完上面两样野后，waitress好醒目地收埋我地既碟，上个芒果糯米饭，上既时候D糯米饭系有烟架！Ｄ芒果好甜又多汁，椰汁又够多，呢个芒果糯米饭比出面果Ｄ好食，我好满意呀！咁样食法我同朋友两个人都够饱喇，我高度推介呢个餐厅。