禮 (打鼓嶺道)

营业中

休息中

星期五晚想搵個地方同朋友一齊食飯傾計, 度度都要限時... 見到呢間🔸禮🔸居酒屋無限時, 所以就即刻book 位試吓喇。居酒屋地方唔大, 感覺好溫馨, 枱與枱之間嘅距離好足夠, 坐得幾舒服。🥢 唐揚小甘蝦炸得好香脆, 成隻都可以食落口, 加咗少少檸檬汁, 味道更加提鮮。🥢 火炙明太子本來怕明太子會好腥, 不過呢個明太子配咗青瓜一齊食, 反而好爽脆, 好清新。🥢 串燒(鹿兒島一口牛, 媽媽鹹蛋豬肉棒, 牛油果豚肉卷, 芝士翠玉瓜 & 厚燒豆腐)全部串燒都處理得幾好, 媽媽鹹蛋豬肉棒食唔到鹹蛋味, 不過肉質好軟腍。牛油果豚肉卷有入口即溶嘅感覺。鹿兒島一口牛, 芝士翠玉瓜 & 厚燒豆腐嘅味道都不過不失。🥢 油甘魚鮫油甘魚鮫好大隻, 燒得好嫩滑, 肉質好鮮甜, 好適合餸酒食呀。🥢 櫻花蝦大阪燒餅大阪燒餅面層舖滿櫻花蝦同粉紅色嘅木魚絲, 視角已經好衝擊好靚, 裡面嘅餡料好充足, 燒得外脆內軟, 好好味。🥢 芝士年糕外面脆卜卜, 芝士好香好軟, 唔會覺得膩。整體食物都好食, 完全唔會催大家埋單, 價錢雖然比較貴, 不過都值得再食。

蟹膏玉子燒激多蟹膏，玉子燒本身都好食，但蟹膏超級慷慨，鍾意食蟹膏一定要叫！兵庫縣室津生蠔超新鮮超鮮甜！全部串燒燒得剛剛好！！厚燒牛舌燒得剛好，入口超juicy日本亞波美雞：雞肝 雞腎 燒得香香，脆面唔過火！雞心 京蔥雞肉串，照燒汁整得剛剛好，唔會太甜富士蘋果煙肉串，煙肉同蘋果味好夾！汁燒紫菜飯糰，汁多煎到香脆！甜燒菠蘿，本人至愛燒菠蘿，食燒物必叫！燒得剛剛好，無敵!芝士年糕超級超級好食，燒過糯米糍質感內含芝士，同出面食完全唔同！蟹肉薯餅，皮脆忌廉多，唔錯！腐皮稻庭烏冬偏甜湯底，重味腐皮！填肚不錯！下次再黎試其他野食！

好耐都無入過九龍城,是日地膽朋友話有個傾計好地方介紹。係打鼓嶺道較後的一間主打串燒居酒屋。原來小店逢星期一至四做緊98蚊任飲優惠 實行同朋有慢慢把酒談心。左起:秋葵豚肉卷,富士蘋果煙肉卷,雞翼秋葵豚肉卷:秋葵黏黏滑滑配上豚肉剛好中和口感富士蘋果煙肉卷:小店推薦單品, 富士蘋果燒得剛好軟綿配上鹹香煙肉送酒一流雞翼:兩隻全開邊雞翼抵食之選,唯味道較淡是晚VIP 汁燒紫菜飯團小妹縱橫全港各大居酒屋,呢度的燒飯團可說是no.1飯團兩面輕輕塗上醬油再將兩面燒成飯焦般香脆。正式形成外脆內軟!!!芫茜雞肉棒-免治雞肉加上芫茜帶點青香,再沾上蛋黃更香濃滑身。芝士年糕-是日第二個驚喜兩邊的燒焦顏色勁為吸引,同樣外邊脆脆+加上年糕的煙韌口,中間更夾著流心芝士!!一絕稻庭烏冬-湯底啨甜,烏冬彈牙小店另一推薦媽媽鹹蛋豚肉棒-視覺一流,唯鹹蛋+豚肉這組合較乾身。

九龍城最出名泰國菜餐廳，勢估唔到就喺黃珍珍附近，有一間好好食嘅日本餐廳——《禮》！去到餐廳門口，覺得裝修頗精緻，有幾塊竹簾做裝飾。入到去有空位，於是負責人叫我地隨便坐。之後仲主動提出其實樓上仲有位置，係日式榻榻米，可以上去試下。我同朋友都勁興奮，估唔到佢地佈置咁用心🤩原來佢地仲有一間大房，目測都可以容納15-20人左右，幾啱同朋友或者同事聚下。芝士年糕 ($28)外表平平無奇，但食落去口感超正！外層帶有少少脆嘅口感，但入面就有流心芝士，所以有香濃嘅奶味👅原味玉子燒 ($68)唔馬虎嘅玉子燒！有香濃蛋味，而且texture有少少濕潤，唔乾。如果可以再熱少少更佳😋聽聞呢兩樣係必食之選，所以都叫咗試下，果然好食！🥰媽媽鹹蛋豬肉棒 ($38)豬肉棒外層燒得有少少脆口。可能有鹹蛋嘅關係，整體調味較重。但肉同鹹蛋融合得幾好，所以味道又中和到😆鹿兒島一口牛 ($48)一口牛肉質好嫩，即使燒完都好juicy🤤 而且一啲都唔韌！温泉蛋牛肉丼 ($118)呢個牛肉丼包埋麵豉湯、野菜。牛肉丼當然唔係《吉X家》質素😏飯唔乾，入面已經有牛肉汁，所以有濃烈嘅牛肉香😋雖然睇落好似好細碗，但份量夠晒飽肚😛-Menu:

今日約咗朋友喺九龍城傾嘢，攪掂哂喇，就係附近揀咗「禮」依間日式居酒屋。佢哋嘅裝修好有日式格調風味。店舖仲有閣樓坐位，不過我懶得除鞋喇，所以就留返喺下層食算喇🤪🤪。燒大蔥 ：我中意食嘅燒物之一。外焦內暖，燒得剛剛好，大蔥嘅香味發輝哂出嚟。芝士年糕 ：依個一定要一上枱即刻食，外脆內軟，芝士熔哂喺年糕當中，好好味。富士蘋果煙肉卷：見幾特別嘅串燒，所以即管一試。果真無揀錯，蘋果同煙肉好夾好match，好甜好好味。卷住蘋果嘅煙肉雖然係最受熱，最易燒燶，但依個富士蘋果煙肉卷一啲都無overcook、無燒到硬晒，食落仲係軟軟的。推介👍🏻！厚切牛舌 ：另一款至愛、燒牛舌最驚就係薄切果啲，因為通常都燒乾晒柴哂，厚牛舌就無依個問題喇😀😀。燒汁紫菜飯團 🍘： 香港嘅串燒店，通常都唔會有依個菜式，要搵就要好似「禮」依類型嘅日式居酒屋先有機會食到，而且唔係間間居酒屋都有嫁。飯團燒至脆口、再擦上燒汁燒，包埋紫菜一齊食。無得彈😗😗。豚肉生薑燒定食，配麵豉湯、牛蒡漬：豚肉好嫩，洋蔥都好甜。平時唔多食洋蔥嘅我都全部食哂呀。加埋牛蒡漬同麵豉湯，有個好好嘅結尾。作為一間日式料理店，「禮」都有好多酒類選擇。當我對住張紙仲諗緊

無意之中搵到間食串燒，門面幾特別，好有日本feel,就入去試下啦，晚上8點都唔多人，可以地址比較入，唔易搵串燒都幾多選擇，同埋好多都係自家製，唔係出面一般既蜜糖雞翼呀，燒雞串或者燒茄子，而且呢間除左燒物外，仲有啲丼飯同烏冬，有啲澱粉質落肚，感覺會好啲，唔係淨食肉麻芝士年糕👍👍👍👍必食！雖然佢最後先到，但真係真係好好好食，可以為呢餐畫上完美句號，燒到外脆內軟，又有淡淡香既芝士味，真係一流飯團，2款飯團我都有叫，本人覺得燒汁果個已經好好食，燒到外面有飯蕉，有燒汁唔會太乾，相反明太子就覺得一般，無咩明太子味，比較淡燒雞皮，本身好薄加上燒到好脆好脆，一啲都唔會好油膩，因為油份已經燒曬出黎，同埋係一大片，都幾特別燒豬腩肉，幾香口同淋身，可以配飯😁鹹蛋豬肉棒，好似無咩鹹蛋味，只係表面有啲鹹蛋碎粒其實所以燒物都係即叫即燒，睇得出佢地好用心燒，每樣食物都燒得剛剛好，唔會話預先大量燒好再翻燒，不過價錢就有啲貴